IPL ਵਿਚਾਲੇ ਧਾਕੜ ਖਿਡਾਰੀ ਨੇ ਅਚਾਨਕ ਲੈ ਲਿਆ ਸੰਨਿਆਸ!

ਸਪੋਰਟਸ ਡੈਸਕ- ਬੰਗਲਾਦੇਸ਼ ਦੇ ਦਿੱਗਜ ਤੇਜ਼ ਗੇਂਦਬਾਜ਼ ਰੁਬੇਲ ਹੁਸੈਨ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਹੈ। 36 ਸਾਲ ਦੀ ਉਮਰ ਵਿੱਚ ਉਨ੍ਹਾਂ ਨੇ ਆਪਣੇ 17 ਸਾਲਾਂ ਦੇ ਲੰਬੇ ਅੰਤਰਰਾਸ਼ਟਰੀ ਕਰੀਅਰ ਨੂੰ ਅਲਵਿਦਾ ਕਿਹਾ ਹੈ। ਹਾਲਾਂਕਿ ਉਨ੍ਹਾਂ ਨੇ ਸੰਨਿਆਸ ਦਾ ਐਲਾਨ ਹੁਣ ਕੀਤਾ ਹੈ ਪਰ ਉਨ੍ਹਾਂ ਨੇ ਆਪਣਾ ਆਖਰੀ ਅੰਤਰਰਾਸ਼ਟਰੀ ਮੈਚ ਅਪ੍ਰੈਲ 2021 ਵਿੱਚ ਨਿਊਜ਼ੀਲੈਂਡ ਵਿਰੁੱਧ ਖੇਡਿਆ ਸੀ। ਇਸ ਤੋਂ ਬਾਅਦ ਲਗਾਤਾਰ ਸੱਟਾਂ ਕਾਰਨ ਉਹ ਕ੍ਰਿਕਟ ਤੋਂ ਦੂਰ ਹੋ ਗਏ ਸਨ।

ਰੁਬੇਲ ਨੇ ਫੇਸਬੁੱਕ 'ਤੇ ਇਕ ਭਾਵੁਕ ਪੋਸਟ 'ਚ ਆਪਣੇ ਇਸ ਫੈਸਲੇ ਦੀ ਜਾਣਕਾਰੀ ਦਿੰਦੇ ਹੋਏ ਰਾਸ਼ਟਰੀ ਟੀਮ ਦੇ ਨਾਲ ਆਪਣੇ ਸਫਰ ਨੂੰ ਯਾਦ ਕੀਤਾ। ਆਪਣੀ ਪੋਸਟ ਵਿੱਚ, ਰੂਬੇਲ ਨੇ ਲਿਖਿਆ, "ਮੈਂ ਰੂਬੇਲ ਹੁਸੈਨ ਇੱਕ ਤੇਜ਼ ਗੇਂਦਬਾਜ਼ ਹਾਂ। ਮੈਂ ਬੰਗਲਾਦੇਸ਼ ਲਈ 27 ਟੈਸਟ, 104 ਵਨਡੇ ਅਤੇ 28 ਟੀ-20 ਅੰਤਰਰਾਸ਼ਟਰੀ ਮੈਚ ਖੇਡੇ ਹਨ। ਰਾਸ਼ਟਰੀ ਟੀਮ ਮੇਰਾ ਜਨੂੰਨ ਰਹੀ ਹੈ ਪਰ ਇੱਕ ਸਮਾਂ ਆਉਂਦਾ ਹੈ ਜਦੋਂ ਕਿਸੇ ਨੂੰ ਅੰਤਰਰਾਸ਼ਟਰੀ ਕ੍ਰਿਕਟ ਨੂੰ ਅਲਵਿਦਾ ਕਹਿਣਾ ਪੈਂਦਾ ਹੈ। ਇਸੇ ਭਾਵਨਾ ਨਾਲ ਮੈਂ ਇਹ ਫੈਸਲਾ ਲਿਆ ਹੈ। ਹਾਲਾਂਕਿ, ਮੈਂ ਘਰੇਲੂ ਕ੍ਰਿਕਟ ਖੇਡਦਾ ਰਹਾਂਗਾ।" 

ਇਹ ਵੀ ਪੜ੍ਹੋ- IPL 'ਚ ਖੇਡ ਰਹੇ ਖਿਡਾਰੀ 'ਤੇ ਲੱਗਾ ਬੈਨ!

ਰੁਬੇਲ ਹੁਸੈਨ ਨੇ ਆਪਣੇ ਅੰਤਰਰਾਸ਼ਟਰੀ ਕਰੀਅਰ ਵਿੱਚ 159 ਮੈਚ ਖੇਡੇ ਅਤੇ ਕੁੱਲ 193 ਵਿਕਟਾਂ ਹਾਸਲ ਕੀਤੀਆਂ। ਉਨ੍ਹਾਂ ਦੇ ਸਮੁੱਚੇ ਕਰੀਅਰ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਦੇ ਨਾਂ ਕੁੱਲ 569 ਵਿਕਟਾਂ ਦਰਜ ਹਨ, ਜਿਸ ਵਿੱਚ 97 ਫਸਟ ਕਲਾਸ, 287 ਲਿਸਟ-ਏ ਅਤੇ 185 ਟੀ-20 ਵਿਕਟਾਂ ਸ਼ਾਮਲ ਹਨ। ਰੁਬੇਲ ਬੰਗਲਾਦੇਸ਼ ਦੇ ਪਹਿਲੇ ਅਜਿਹੇ ਗੇਂਦਬਾਜ਼ ਸਨ ਜਿਨ੍ਹਾਂ ਨੇ ਆਪਣੇ ਵਨਡੇ ਡੈਬਿਊ 'ਤੇ 4 ਵਿਕਟਾਂ ਝਟਕਾਈਆਂ ਸਨ।

ਰੁਬੇਲ ਹੁਸੈਨ ਦਾ ਕਰੀਅਰ ਫਿਲਮੀ ਕਹਾਣੀ ਵਰਗਾ ਰਿਹਾ ਹੈ। ਸਾਲ 2015 ਦੇ ਵਨਡੇ ਵਿਸ਼ਵ ਕੱਪ ਤੋਂ ਠੀਕ ਪਹਿਲਾਂ ਉਨ੍ਹਾਂ 'ਤੇ ਜਬਰ-ਜ਼ਨਾਹ ਦੇ ਇਲਜ਼ਾਮ ਲੱਗੇ ਸਨ, ਜਿਸ ਕਾਰਨ ਉਨ੍ਹਾਂ ਨੂੰ 3 ਦਿਨ ਜੇਲ੍ਹ ਵਿੱਚ ਵੀ ਬਿਤਾਉਣੇ ਪਏ। ਜੇਲ੍ਹ ਤੋਂ ਜ਼ਮਾਨਤ 'ਤੇ ਛੁੱਟਣ ਤੋਂ ਬਾਅਦ ਉਹ ਵਿਸ਼ਵ ਕੱਪ ਖੇਡਣ ਗਏ, ਜਿੱਥੇ ਉਨ੍ਹਾਂ ਨੇ ਇੰਗਲੈਂਡ ਵਿਰੁੱਧ ਸ਼ਾਨਦਾਰ ਮੈਚ ਜੇਤੂ ਪ੍ਰਦਰਸ਼ਨ ਕਰਕੇ ਸਭ ਦਾ ਦਿਲ ਜਿੱਤ ਲਿਆ। ਉਨ੍ਹਾਂ ਦੇ ਇਸ ਦਮਦਾਰ ਪ੍ਰਦਰਸ਼ਨ ਤੋਂ ਬਾਅਦ ਉਨ੍ਹਾਂ 'ਤੇ ਲੱਗੇ ਸਾਰੇ ਇਲਜ਼ਾਮ ਵੀ ਹਟਾ ਲਏ ਗਏ ਸਨ।

ਇਹ ਵੀ ਪੜ੍ਹੋ- ਦਿੱਗਜ ਭਾਰਤੀ ਖਿਡਾਰੀ ਦਾ ਹੋਇਆ ਦੇਹਾਂਤ, ਕ੍ਰਿਕਟ ਜਗਤ 'ਚ ਸੋਗ ਦੀ ਲਹਿਰ

ਕਰੀਅਰ 'ਤੇ ਇੱਕ ਨਜ਼ਰ:

ਅੰਤਰਰਾਸ਼ਟਰੀ ਡੈਬਿਊ:                      ਸਾਲ 2009
ਕੁੱਲ ਅੰਤਰਰਾਸ਼ਟਰੀ ਮੈਚ:                    159
ਕੁੱਲ ਅੰਤਰਰਾਸ਼ਟਰੀ ਵਿਕਟਾਂ:                193
ਆਖਰੀ ਮੈਚ:                         ਅਪ੍ਰੈਲ 2021 (ਨਿਊਜ਼ੀਲੈਂਡ ਵਿਰੁੱਧ ਟੀ-20)

ਰੁਬੇਲ ਨੂੰ ਬੰਗਲਾਦੇਸ਼ੀ ਕ੍ਰਿਕਟ ਪ੍ਰਸ਼ੰਸਕ ਹਮੇਸ਼ਾ ਉਨ੍ਹਾਂ ਦੀ ਤੇਜ਼ ਰਫ਼ਤਾਰ ਗੇਂਦਬਾਜ਼ੀ ਅਤੇ ਅਹਿਮ ਮੌਕਿਆਂ 'ਤੇ ਵਿਕਟਾਂ ਲੈਣ ਦੀ ਸਮਰੱਥਾ ਲਈ ਯਾਦ ਰੱਖਣਗੇ।

ਇਹ ਵੀ ਪੜ੍ਹੋ- ਸੂਰਿਆਕੁਮਾਰ ਯਾਦਵ ਦੀ TEAM INDIA ਤੋਂ ਹੋਵੇਗੀ ਛੁੱਟੀ!