ਦੱਖਣੀ ਅਫਰੀਕਾ ਦੇ ਧਾਕੜ ਗੇਂਦਬਾਜ਼ ਕੈਗਿਸੋ ਰਬਾਡਾ ਦਿੱਲੀ ਕੈਪੀਟਲਸ ਨਾਲ ਜੁੜੇ

ਨਵੀਂ ਦਿੱਲੀ — ਦੱਖਣ ਅਫਰੀਕਾ ਦੇ ਕੈਗਿਸੋ ਰਬਾਡਾ ਆਪਣੀ ਆਈ. ਪੀ. ਐੱਲ ਟੀਮ ਦਿੱਲੀ ਕੈਪੀਟਲਸ ਨਾਲ ਜੁੜ ਗਏ ਹਨ ਤੇ ਐਤਵਾਰ ਨੂੰ ਮੁੰਬਈ ਦੇ ਵਾਨਖੇੜੇ ਸਟੇਡੀਅਮ 'ਚ ਟੂਰਨਾਮੈਂਟ ਦੇ ਪਹਿਲੇ ਮੁਕਾਬਲੇ ਲਈ ਉਤਰਣਗੇ। ਦਿੱਲੀ ਫਰੈਂਚਾਇਜ਼ੀ ਨੇ ਇਕ ਵੀਡੀਓ ਜਾਰੀ ਕਰ ਇਸ ਦੀ ਜਾਣਕਾਰੀ ਦਿੱਤੀ ਜਿਸ 'ਚ 23 ਸਾਲ ਦਾ ਤੇਜ਼ ਗੇਂਦਬਾਜ਼ ਰਬਾਡਾ ਨੇ ਆਪਣਾ ਮੈਸੇਜ ਦਿੱਤਾ ਹੈ। ਰਬਾਡਾ ਨੇ ਕਿਹਾ, '' ਪਿਛਲੇ ਸਾਲ ਮੈਂ ਆਈ. ਪੀ. ਐੱਲ 'ਚ ਨਹੀਂ ਖੇਡਿਆ ਸੀ। ਮੇਰੇ ਲਈ ਇਹ ਨਿਰਾਸ਼ਾਜਨਕ ਸੀ ਪਰ ਮੈਨੂੰ ਆਪਣੇ ਆਰਾਮ ਦਾ ਮਜਾ ਆਇਆ। ਪਰ ਮੈਂ ਹੁਣ ਵਾਪਸ ਇੱਥੇ ਆ ਗਿਆ ਹਾਂ ਤੇ ਉਸੀ ਟੀਮ ਲਈ ਖੇਡ ਰਿਹਾ ਹਾਂ ਜੋ ਹੁਣ ਦਿੱਲੀ ਕੈਪਿਟਲਸ ਬੁਲਾਈ ਜਾ ਰਹੀ ਹੈ। ਭਾਰਤ ਆ ਕੇ ਚੰਗਾ ਲਗ ਰਿਹਾ ਹੈ ਤੇ ਮੈਨੂੰ ਇੱਥੇ ਖੇਡਣਾ ਪਸੰਦ ਹੈ। ਉਨ੍ਹਾਂ ਨੇ ਕਿਹਾ, ''ਮੈਂ ਇਸ ਟੂਰਨਾਮੈਂਟ ਨੂੰ ਲੈ ਕੇ ਬਹੁਤ ਉਤਸ਼ਾਹਿਤ ਹਾਂ।ਮੈਂ ਆਪਣੇ ਲਈ ਅਤੇ ਆਪਣੀ ਟੀਮ ਲਈ ਹਰ ਸੰਭਵ ਕੋਸ਼ਿਸ਼ ਕਰਾਂਗਾ ਕਿ ਉਹ ਇਸ ਵਾਰ ਟਰਾਫੀ ਹਾਸਲ ਕਰ ਸਕਣ। ਦਿੱਲੀ ਨੇ ਰਬਾਡਾ ਨੂੰ 4.2 ਕਰੋੜ ਰੁਪਏ ਦੀ ਰਾਸ਼ੀ 'ਚ ਆਪਣੀ ਟੀਮ 'ਚ ਸ਼ਾਮਲ ਕੀਤਾ ਹੈ ਪਰ ਪਿੱਠ ਦੀ ਚੋਟ ਦੇ ਕਾਰਨ ਉਹ 11ਵੇਂ ਸੀਜ਼ਣ 'ਚ ਨਹੀਂ ਖੇਡ ਸਕੇ ਸਨ।  ਉਨ੍ਹਾਂ ਨੇ 2017 ਦੇ ਸਤਰ 'ਚ ਹੀ ਆਈ. ਪੀ. ਐੱਲ. ਡੈਬਿਊ ਕੀਤਾ ਸੀ ਤੇ ਹੁਣ ਤੱਕ ਛੇ ਮੈਚਾਂ 'ਚ ਛੇ ਵਿਕਟਾਂ ਹਾਸਿਲ ਕੀਤੀਆਂ ਹਨ।