FIFA ਵਿਸ਼ਵ ਕੱਪ ''ਚ ਇਸਤੇਮਾਲ ਬੀਅਰ ਦੀਆਂ ਬੋਤਲਾਂ ਰਿਸਾਈਕਿਲ ਕਰ ਰੂਸ ਨੇ ਬਣਾ ਦਿੱਤਾ ਫੁੱਟਬਾਲ ਮੈਦਾਨ

ਜਲੰਧਰ : ਰੂਸ ਨੇ ਵਧਿਆ ਪਹਿਲ ਕਰਦੇ ਹੋਏ ਗੁਜ਼ਰੇ ਸਾਲ ਹੋਏ ਫੀਫਾ ਵਿਸ਼ਵ ਕੱਪ ਦੇ ਦੌਰਾਨ ਇਸਤੇਮਾਲ ਹੋਈਆਂ ਬੀਅਰ ਦੀਆਂ ਬੋਤਲਾਂ ਨੂੰ ਰਿਸਾਈਕਿਲ ਕਰ ਫੁੱਟਬਾਲ ਮੈਦਾਨ ਤਿਆਰ ਕਰ ਲਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਮਹੀਨੇ ਭਰ ਤੋਂ ਲੰਬੇ ਚੱਲੇ ਵਿਸ਼ਵ ਕੱਪ ਦੇ ਦੌਰਾਨ ਕਰੀਬ 50 ਹਜ਼ਾਰ ਤੋਂ ਜ਼ਿਆਦਾ ਬੋਤਲਾਂ ਸਾਰੇ ਸਟੇਡੀਅਮ ਦੇ ਬਾਹਰ ਮਿਲੀ ਸਨ। ਇਨ੍ਹਾਂ ਨੂੰ ਦੁਬਾਰਾ ਇਸਤੇਮਾਲ ਕਰ ਸੋਚੀ 'ਚ ਇਹ ਨਵਾਂ ਫੁੱਟਬਾਲ ਮੈਦਾਨ ਬਣਾਇਆ ਗਿਆ ਹੈ। ਖਾਸ ਗੱਲ ਇਹ ਹੈ ਕਿ ਇਹ ਪਹਿਲ ਬੀਅਰ ਕੰਪਨੀ ਪ੍ਰਬੰਧਨ ਦੁਆਰਾ ਹੀ ਕੀਤੀ ਗਈ ਹੈ।
ਉਕਤ ਕੰਪਨੀ ਦੇ ਮਾਰਕੀਟਿੰਗ ਡਾਇਰੈਕਟਰ ਕੋਂਸਟੈਂਟਿਨ ਟੈਮੀਰੋਵ ਦਾ ਕਹਿਣਾ ਹੈ ਕਿ ਇਹ ਸਾਡੀ ਸਾਮਾਜਿਕ ਜ਼ਿੰਮੇਦਾਰੀ ਸੀ ਕਿ ਲੋਕਾਂ ਨੂੰ ਪਲਾਸਟਿਕ ਦੀ ਰਿਸਾਈਕਿੰਲਗ ਲਈ ਜਾਗਰੂਕ ਕਰ ਸਕੇ।