ਰੇਜਾ ਢਿੱਲੋਂ ਨੇ ਚਾਂਦੀ ਤਮਗਾ ਜਿੱਤ ਕੇ ਭਾਰਤ ਨੂੰ 18ਵਾਂ ਓਲੰਪਿਕ ਕੋਟਾ ਦਿਵਾਇਆ

ਕੁਵੈਤ ਸਿਟੀ– ਨੌਜਵਾਨ ਨਿਸ਼ਾਨੇਬਾਜ਼ ਰੇਜਾ ਢਿੱਲੋਂ ਨੇ ਸ਼ਨੀਵਾਰ ਨੂੰ ਇੱਥੇ ਸ਼ਾਟਗਨ ਲਈ ਏਸ਼ੀਆਈ ਓਲੰਪਿਕ ਕੁਆਲੀਫਿਕੇਸ਼ਨ ਵਿਚ ਮਹਿਲਾਵਾਂ ਦੀ ਸਕੀਟ ਪ੍ਰਤੀਯੋਗਿਤਾ ਵਿਚ ਚਾਂਦੀ ਤਮਗਾ ਜਿੱਤ ਕੇ ਭਾਰਤ ਲਈ ਪੈਰਿਸ ਖੇਡਾਂ ਦਾ 18ਵਾਂ ਕੋਟਾ ਹਾਸਲ ਕੀਤਾ। ਢਿੱਲੋਂ (19 ਸਾਲ) 6 ਮਹਿਲਾਵਾਂ ਦੇ ਫਾਈਨਲ ਵਿਚ ਅੱਗੇ ਚੱਲ ਰਹੀ ਸੀ ਪਰ ਫਿਰ ਉਹ 2-3 ਨਿਸ਼ਾਨੇ ਖੁੰਝ ਕੇ ਚੀਨ ਦੀ ਜਿਨਮੇਈ ਗਾਓ ਤੋਂ ਪਿਛੜ ਗਈ। ਗਾਓ ਨੇ 60 ਸ਼ਾਟਾਂ ਦੇ ਫਾਈਨਲ ਵਿਚ 56 ਨਿਸ਼ਾਨੇ ਲਾ ਕੇ ਪਹਿਲਾ ਸਥਾਨ ਹਾਸਲ ਕੀਤਾ ਜਦਕਿ ਢਿੱਲੋਂ 52 ਨਿਸ਼ਾਨਿਆਂ ਨਾਲ ਚਾਂਦੀ ਤਮਗਾ ਜਿੱਤਣ ਵਿਚ ਸਫ਼ਲ ਰਹੀ। ਗਾਓ ਤੇ ਢਿੱਲੋਂ ਦੋਵਾਂ ਨੇ ਪੈਰਿਸ ਓਲੰਪਿਕ ਦਾ ਕੋਟਾ ਹਾਸਲ ਕੀਤਾ। ਢਿੱਲੋਂ ਦੇ ਨਾਲ ਹਮਵਤਨ ਨਿਸ਼ਾਨੇਬਾਜ਼ ਮਹੇਸ਼ਵਰੀ ਚੌਹਾਨ ਨੇ 43 ਨਿਸ਼ਾਨੇ ਲਾ ਕੇ ਕਾਂਸੀ ਤਮਗਾ ਜਿੱਤਿਆ। ਉੱਥੇ ਹੀ, ਭਾਰਤੀ ਨਿਸ਼ਾਨੇਬਾਜ਼ ਗਨੀਮਤ ਸੇਖੋਂ 30 ਅੰਕਾਂ ਨਾਲ ਚੌਥੇ ਸਥਾਨ ’ਤੇ ਰਹੀ।

ਇਹ ਵੀ ਪੜ੍ਹੋ-ਇੰਗਲੈਂਡ ਦੇ ਤੇਜ਼ ਗੇਂਦਬਾਜ਼ਾਂ ਨੂੰ ਡੋਨਾਲਡ ਦੀ ਸਲਾਹ, ਘੱਟ ਉਛਾਲ ਵਾਲੀ ਪਿੱਚ 'ਤੇ ਸਟੰਪ 'ਤੇ ਹਰ ਗੇਂਦ ਨੂੰ ਮਾਰੋ
ਢਿੱਲੋਂ ਛੇ ਵਿਚੋਂ ਛੇ ਨਿਸ਼ਾਨੇ ਲੈ ਕੇ ਸਿਖਰ ’ਤੇ ਸੀ। ਉਨ੍ਹਾਂ ਨੇ ਫਾਈਨਲ ਵਿਚ 14 ਹਿੱਟਾਂ ਦੀ ਬੜ੍ਹਤ ਬਣਾਈ ਸੀ ਅਤੇ ਉਹ ਗਾਓ ਤੋਂ ਦੋ ਅੰਕਾਂ ਨਾਲ ਅੱਗੇ ਸੀ। ਪਰ ਢਿੱਲੋਂ ਦੋ ਸ਼ਾਟ ਖੁੰਝ ਗਈ ਅਤੇ ਗਾਓ ਨੇ ਲੀਡ ਲੈ ਲਈ। ਭਾਰਤੀ ਨਿਸ਼ਾਨੇਬਾਜ਼ ਫਿਰ ਤੋਂ ਖੁੰਝ ਗਈ ਅਤੇ ਚੀਨੀ ਖਿਡਾਰਨ ਨੇ ਆਪਣੀ ਬੜ੍ਹਤ ਬਣਾਈ ਰੱਖੀ। ਫਿਰ ਦੋ ਭਾਰਤੀ ਨਿਸ਼ਾਨੇਬਾਜ਼ ਢਿੱਲੋਂ ਅਤੇ ਚੌਹਾਨ ਵਿਚਾਲੇ ਚਾਂਦੀ ਦੇ ਤਗਮੇ ਲਈ ਤਕਰਾਰ ਹੋਈ। ਪਰ ਢਿੱਲੋਂ ਚੌਹਾਨ ਨੂੰ ਪਛਾੜ ਕੇ ਸੋਨ ਤਮਗਾ ਜਿੱਤਣ ਦੀ ਕੋਸ਼ਿਸ਼ ਕਰ ਰਹੀ ਸੀ ਅਤੇ ਚੌਹਾਨ ਨੇ ਕਾਂਸੀ ਦਾ ਤਗਮਾ ਹਾਸਲ ਕੀਤਾ। ਢਿੱਲੋਂ ਗੋਲਡ ਮੈਡਲ ਮੈਚ ਵਿੱਚ ਦੋ ਵਾਰ ਖੁੰਝ ਗਈ ਅਤੇ ਗਾਓ ਨੇ ਤਿੰਨ ਅੰਕ ਲੈ ਕੇ ਪਹਿਲਾ ਸਥਾਨ ਹਾਸਲ ਕੀਤਾ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।