ਰਣਜੀ ਟਰਾਫੀ: ਮਹਾਰਾਸ਼ਟਰ ਦੀ ਜ਼ਬਰਦਸਤ ਜਿੱਤ, ਮੇਘਾਲਿਆ ਨੂੰ 10 ਵਿਕਟਾਂ ਨਾਲ ਹਰਾਇਆ

ਔਰੰਗਾਬਾਦ— ਗੇਂਦਬਾਜ਼ਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਮੁਰਤਜ਼ਾ ਟਰੰਕਵਾਲਾ (ਅਜੇਤੂ 78) ਦੀ ਪਾਰੀ ਦੇ ਦਮ 'ਤੇ ਮਹਾਰਾਸ਼ਟਰ ਨੇ ਰਣਜੀ ਟਰਾਫੀ ਦੇ ਗਰੁੱਪ-ਏ ਮੈਚ 'ਚ ਮੇਘਾਲਿਆ ਨੂੰ 10 ਵਿਕਟਾਂ ਨਾਲ ਹਰਾ ਦਿੱਤਾ। ਦੂਜੀ ਪਾਰੀ ਵਿੱਚ ਮਹਾਰਾਸ਼ਟਰ ਦੀ ਸਲਾਮੀ ਜੋੜੀ ਮੁਰਤਜ਼ਾ ਟਰੰਕਵਾਲਾ ਅਤੇ ਸਿਧੇਸ਼ ਵੀਰ ਨੇ ਸ਼ਾਨਦਾਰ ਬੱਲੇਬਾਜ਼ੀ ਦਾ ਪ੍ਰਦਰਸ਼ਨ ਕਰਦਿਆਂ 21.1 ਓਵਰਾਂ ਵਿੱਚ 104 ਦੌੜਾਂ ਬਣਾ ਕੇ ਆਪਣੀ ਟੀਮ ਨੂੰ ਦਸ ਵਿਕਟਾਂ ਨਾਲ ਜਿੱਤ ਦਿਵਾਈ। ਮੁਰਤਜ਼ਾ ਟਰੰਕਵਾਲਾ (ਅਜੇਤੂ 78) ਅਤੇ ਸਿਧੇਸ਼ ਵੀਰ (24) ਦੌੜਾਂ ਬਣਾ ਕੇ ਨਾਬਾਦ ਰਹੇ।

ਦੂਜੀ ਪਾਰੀ ਵਿੱਚ ਬੱਲੇਬਾਜ਼ੀ ਕਰਨ ਆਏ ਮੇਘਾਲਿਆ ਦੀ ਸ਼ੁਰੂਆਤ ਚੰਗੀ ਨਹੀਂ ਰਹੀ ਅਤੇ ਉਸ ਦੇ ਬੱਲੇਬਾਜ਼ ਮੁਕੇਸ਼ ਚੌਧਰੀ ਦੀ ਗੇਂਦਬਾਜ਼ੀ ਅੱਗੇ ਬੇਵੱਸ ਨਜ਼ਰ ਆਏ। ਇੱਕ ਸਮੇਂ ਮੇਘਾਲਿਆ ਨੇ ਸਕੋਰ 50 ਹੋਣ ਤੱਕ ਪੰਜ ਵਿਕਟਾਂ ਗੁਆ ਦਿੱਤੀਆਂ ਸਨ। ਸੁਮਿਤ ਕੁਮਾਰ ਨੇ ਸਭ ਤੋਂ ਵੱਧ 45 ਦੌੜਾਂ ਬਣਾਈਆਂ। ਬਾਲਚੰਦਰ ਅਨਿਰੁਧ (36), ਆਕਾਸ਼ ਚੌਧਰੀ (26) ਦੌੜਾਂ ਬਣਾ ਕੇ ਆਊਟ ਹੋ ਗਏ। ਮੇਘਾਲਿਆ ਦੀ ਪੂਰੀ ਟੀਮ 55.5 ਓਵਰਾਂ 'ਚ 185 ਦੌੜਾਂ 'ਤੇ ਸਿਮਟ ਗਈ। ਮਹਾਰਾਸ਼ਟਰ ਨੂੰ ਜਿੱਤ ਲਈ 100 ਦੌੜਾਂ ਦਾ ਟੀਚਾ ਮਿਲਿਆ। ਮਹਾਰਾਸ਼ਟਰ ਲਈ ਮੁਕੇਸ਼ ਚੌਧਰੀ ਨੇ ਚਾਰ ਵਿਕਟਾਂ ਲਈਆਂ। ਰਜਨੀਸ਼ ਗੁਰਬਾਣੀ ਅਤੇ ਪ੍ਰਦੀਪ ਦਧੇ ਨੇ ਦੋ-ਦੋ ਵਿਕਟਾਂ ਹਾਸਲ ਕੀਤੀਆਂ। ਹਿਤੇਸ਼ ਵਲੁੰਜ ਨੇ ਇਕ ਬੱਲੇਬਾਜ਼ ਨੂੰ ਆਊਟ ਕੀਤਾ।

ਮੇਘਾਲਿਆ ਦੀਆਂ 276 ਦੌੜਾਂ ਦੇ ਜਵਾਬ ਵਿੱਚ ਮਹਾਰਾਸ਼ਟਰ ਨੇ ਹਰਸ਼ਲ ਕੇਟ (128), ਅਜ਼ੀਮ ਕਾਜ਼ੀ (66), ਮੰਦਰ ਭੰਡਾਰੀ (73), ਰਜਨੀਸ਼ ਗੁਰਬਾਨੀ (26) ਅਤੇ ਸਿਧੇਸ਼ ਵੀਰ (26) ਦੇ ਯੋਗਦਾਨ ਨਾਲ 106.2 ਓਵਰਾਂ ਵਿੱਚ 361 ਦੌੜਾਂ ਬਣਾਈਆਂ। ਇਸ ਨਾਲ ਮਹਾਰਾਸ਼ਟਰ ਨੂੰ ਪਹਿਲੀ ਪਾਰੀ ਦੇ ਆਧਾਰ 'ਤੇ 85 ਦੌੜਾਂ ਦੀ ਲੀਡ ਮਿਲ ਗਈ ਹੈ। ਮੇਘਾਲਿਆ ਵੱਲੋਂ ਆਕਾਸ਼ ਚੌਧਰੀ ਨੇ ਚਾਰ ਵਿਕਟਾਂ ਲਈਆਂ। ਅਜੇ ਦੁਹਾਨ ਨੇ ਦੋ ਵਿਕਟਾਂ ਹਾਸਲ ਕੀਤੀਆਂ। ਚੇਂਗਕਾਮ ਸੰਗਮਾ, ਦੀਪੂ ਸੰਗਮਾ ਅਤੇ ਆਰੀਅਨ ਬੋਰਾ ਨੇ ਇਕ-ਇਕ ਬੱਲੇਬਾਜ਼ ਨੂੰ ਆਊਟ ਕੀਤਾ।

ਇਸ ਤੋਂ ਪਹਿਲਾਂ ਮਹਾਰਾਸ਼ਟਰ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦੇ ਆਪਣੇ ਫੈਸਲੇ ਨੂੰ ਸਹੀ ਸਾਬਤ ਕਰਦਿਆਂ ਮੇਘਾਲਿਆ ਦੀ ਟੀਮ ਨੂੰ ਪਹਿਲੀ ਪਾਰੀ 'ਚ 88.3 ਓਵਰਾਂ 'ਚ 276 ਦੌੜਾਂ 'ਤੇ ਹੀ ਰੋਕ ਦਿੱਤਾ। ਬਾਲਚੰਦਰ ਅਨਿਰੁਧ ਨੇ (142) ਦੌੜਾਂ ਦੀ ਸੈਂਕੜੇ ਵਾਲੀ ਪਾਰੀ ਖੇਡੀ। ਅਜੇ ਦੁਹਾਨ (34), ਬਾਮਨਭਾ ਸ਼ਾਂਗਪਲਿਯਾਂਗ (33), ਕਿਸ਼ਨ ਲਿੰਗਦੋਹ ਅਤੇ (22) ਨੇ ਪਾਰੀ ਖੇਡੀ ਸੀ। ਮਹਾਰਾਸ਼ਟਰ ਲਈ ਮੁਕੇਸ਼ ਚੌਧਰੀ ਨੇ ਚਾਰ ਵਿਕਟਾਂ ਲਈਆਂ। ਰਜਨੀਸ਼ ਗੁਰਬਾਣੀ ਨੇ ਤਿੰਨ ਵਿਕਟਾਂ ਹਾਸਲ ਕੀਤੀਆਂ। ਪ੍ਰਦੀਪ ਦਧੇ, ਸਿਧੇਸ਼ ਵੀਰ ਅਤੇ ਹਿਤੇਸ਼ ਵਲੁੰਜ ਨੇ ਇਕ-ਇਕ ਬੱਲੇਬਾਜ਼ ਨੂੰ ਆਊਟ ਕੀਤਾ।