ਪੂਜਾ ਗਹਲੋਤ ਅੰਡਰ-23 ਵਿਸ਼ਵ ਕੁਸ਼ਤੀ ਚੈਂਪੀਅਨਸ਼ਿਪ ਦੇ ਸੈਮੀਫਾਈਨਲ ''ਚ

ਬੁਡਾਪੇਸਟ— ਭਾਰਤ ਦੀ ਪਹਿਲਵਾਨ ਪੂਜਾ ਗਹਲੋਤ (53 ਕਿ. ਗ੍ਰਾ.) ਵੀਰਵਾਰ ਨੂੰ ਇੱਥੇ ਯੂ. ਡਬਲਯੂ. ਡਬਲਯੂ. ਅੰਡਰ-23 ਵਿਸ਼ਵ ਚੈਂਪੀਅਨਸ਼ਿਪ 2019 ਦੇ ਸੈਮੀਫਾਈਨਲ 'ਚ ਪ੍ਰਵੇਸ਼ ਕਰ ਤਮਗੇ ਦੀ ਦੌੜ 'ਚ ਬਣੀ ਹੋਈ ਹੈ। ਪੂਜਾ ਨੇ ਕੁਆਲੀਫਾਇੰਗ ਪੜਾਅ ਤੋਂ ਸ਼ੁਰੂਆਤ ਕੀਤੀ ਜਿਸ 'ਚ ਉਸ ਨੇ ਰੂਸ ਦੀ ਕੈਟਰੀਨਾ ਵਰਬਿਨਾ ਨੂੰ 8-3 ਨਾਲ ਹਰਾਇਆ। ਕੁਆਰਟਰ ਫਾਈਨਲ 'ਚ ਉਸ ਨੇ 8-0 ਦੀ ਸ਼ਾਨਦਾਰ ਜਿੱਤ ਨਾਲ ਸੈਮੀਫਾਈਨਲ 'ਚ ਪ੍ਰਵੇਸ਼ ਕੀਤਾ, ਜਿਸ 'ਚ ਉਹ 2018 ਜੂਨੀਅਰ ਯੂਰਪੀਅਨ ਕੁਸ਼ਤੀ ਚੈਂਪੀਅਨਸ਼ਿਪ ਦੀ ਸੋਨ ਤਮਗਾ ਜੇਨੇਪ ਯੇਤਗਿਲ ਦੇ ਸਾਹਮਣੇ ਹੋਵੇਗੀ। ਯੋਤੀ (50 ਕਿ. ਗ੍ਰਾ) ਨੇ ਵੀ ਕਾਂਸੀ ਤਮਗਾ ਦੇ ਮੁਕਾਬਲੇ 'ਚ ਜਗ੍ਹਾ ਬਣਾ ਲਈ ਹੈ। 57 ਕਿ. ਗ੍ਰਾ. 'ਚ ਪਿੰਕੀ ਰਾਣੀ ਨੇ ਵੀ ਮੁਕਾਬਲੇ 'ਚ ਅਮਰੀਕਾ ਦੀ ਅਰੀਅਨ ਗੇਰਲਿਨ ਨੂੰ 5-0 ਨਾਲ ਹਰਾ ਕੇ ਕੁਆਰਟਰ 'ਚ ਪ੍ਰਵੇਸ਼ ਕੀਤਾ। ਹਾਲਾਂਕਿ ਉਹ ਆਖਰੀ ਅੱਠ 'ਚ ਹਨਾਹ ਫੇ ਟੇਲਰ ਤੋਂ 1-2 ਨਾਲ ਹਰਾ ਕੇ ਬਾਹਰ ਹੋ ਗਈ। ਹੋਰ ਭਾਰਤੀ ਇਕ ਵੀ ਦੌਰ ਨਹੀਂ ਜਿੱਤ ਸਕੇ।