ਪੋਟਿੰਗ ਅਤੇ ਲਾਰਾ ਨੇ ਕੀਤੀ ਕ੍ਰਿਕਟ 'ਚ ਵਾਪਸੀ, ਦੋਵਾਂ ਬੱਲੇਬਾਜ਼ਾਂ ਨੇ ਕੀਤਾ ਨੈਟ ਅਭਿਆਸ (ਵੀਡੀਓ)

ਸਪੋਰਟਸ ਡੈਸਕ— ਆਸਟਰੇਲੀਆ 'ਚ ਬੁਸ਼ਫਾਇਰ ਚੈਰਿਟੀ ਮੈਚ 9 ਫਰਵਰੀ ਨੂੰ ਮੈਲਬਰਨ ਦੇ ਜੰਕਸ਼ਨ ਓਵਲ ਮੈਦਾਨ 'ਤੇ ਖੇਡਿਆ ਜਾਣਾ ਹੈ। ਪਹਿਲਾਂ ਇਹ ਮੈਚ 8 ਫਰਵਰੀ ਨੂੰ ਸਿਡਨੀ ਕ੍ਰਿਕਟ ਗਰਾਊਂਡ 'ਤੇ ਖੇਡਿਆ ਜਾਣਾ ਸੀ, ਪਰ ਮੀਂਹ ਦੇ ਚੱਲਦੇ ਇਸ ਨੂੰ ਮੈਲਬਰਨ 'ਚ ਸ਼ਿਫਟ ਕਰ ਦਿੱਤਾ ਗਿਆ। ਇਸ ਮੈਚ 'ਚ ਇਕ ਟੀਮ ਦੀ ਕਮਾਨ ਆਸਟਰੇਲੀਆ ਦੇ ਸਾਬਕਾ ਕਪਤਾਨ ਰਿਕੀ ਪੋਂਟਿੰਗ ਦੇ ਹੱਥਾਂ 'ਚ ਹੋਵੇਗੀ, ਜਦ ਕਿ ਦੂਜੀ ਟੀਮ ਦੀ ਕਪਤਾਨੀ ਸਾਬਕਾ ਵਿਕਟਕੀਪਰ ਬੱਲੇਬਾਜ਼ ਐਡਮ ਗਿਲਕ੍ਰਿਸਟ ਕਰਨਗੇ। ਬੁਸ਼ਫਾਇਰ ਚੈਰਿਟੀ ਮੈਚ 'ਚ ਰਿਕੀ ਪੋਂਟਿੰਗ ਦੀ ਟੀਮ ਦੇ ਕੋਚ ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਹੋਣਗੇ। ਇਸ ਮੈਚ ਲਈ ਵੀਰਵਾਰ ਨੂੰ ਰਿਕੀ ਪੋਂਟਿੰਗ ਅਤੇ ਬ੍ਰਾਇਨ ਲਾਰਾ ਨੇ ਨੈੱਟ ਪ੍ਰੈਕਟਿਸ ਕੀਤੀ।

ਰਿਕੀ ਪੋਂਟਿੰਗ ਨੇ ਨੈੱਟ ਪ੍ਰੈਕਟਿਸ ਦੀ ਵੀਡੀਓ ਟਵੀਟ ਕੀਤੀ ਅਤੇ ਨਾਲ ਹੀ ਇਸ ਗੱਲ ਦੀ ਇੱਛਾ ਜਤਾਈ ਹੈ ਕਿ ਬ੍ਰਾਇਨ ਲਾਰਾ ਇਸ ਮੈਚ 'ਚ ਉਨ੍ਹਾਂ ਦੀ ਟੀਮ ਲਈ ਖੇਡਣ। ਪੋਂਟਿੰਗ ਦੇ ਸ਼ੇਅਰ ਕਰਨ ਤੋਂ ਬਾਅਦ ਇਹ ਵੀਡੀਓ ਕਾਫ਼ੀ ਵਾਈਰਲ ਹੋ ਰਹੀ ਹੈ। ਇਸ ਟਵੀਟ 'ਤੇ ਕਈ ਲੋਕਾਂ ਨੇ ਕੁਮੈਂਟਸ ਵੀ ਕੀਤੇ ਹਨ। ਫੈਨਜ਼ ਚਾਹੁੰਦੇ ਹਨ ਕਿ ਪੋਂਟਿੰਗ ਅਤੇ ਲਾਰਾ ਇਸ ਮੈਚ 'ਚ ਇਕੱਠੇ ਬੱਲੇਬਾਜ਼ੀ ਕਰਦੇ ਹੋਏ ਨਜ਼ਰ ਆਉਣ।

If I'm batting three on Sunday, hopefully this guy is on my team and batting four @brianlara pic.twitter.com/dsaXhJTLoU

— Ricky Ponting AO (@RickyPonting) February 6, 2020

ਬੁਸ਼ਫਾਇਰ ਕ੍ਰਿਕਟ ਬੈਸ਼ ਮੈਲਬਰਨ ਦੇ ਜੰਕਸ਼ਨਲ ਓਵਲ ਮੈਦਾਨ 'ਤੇ ਐਤਵਾਰ ਨੂੰ ਖੇਡਿਆ ਜਾਵੇਗਾ। ਸਚਿਨ ਤੇਂਦੁਲਕਰ ਰਿਕੀ ਪੋਂਟਿੰਗ X9 ਟੀਮ ਦੇ ਕੋਚ ਹੋਣਗੇ, ਜਦ ਕਿ ਵੈਸਟਇੰਡੀਜ਼ ਦੇ ਸਾਬਕਾ ਕਪਤਾਨ ਅਤੇ ਤੇਜ਼ ਗੇਂਦਬਾਜ਼ ਕਰਟਨੀ ਵਾਲਸ਼ ਦੂਜੀ ਟੀਮ ਦੇ ਕੋਚ ਹੋਣਗੇ, ਜਿਸ ਦੀ ਕਪਤਾਨੀ ਸਾਬਕਾ ਵਿਕਟਕੀਪਰ ਬੱਲੇਬਾਜ਼ ਐਡਮ ਗਿਲਕ੍ਰਿਸਟ ਕਰਨਗੇ। ਪਹਿਲਾਂ ਇਸ ਟੀਮ ਦੇ ਕਪਤਾਨ ਸਾਬਕਾ ਸਪਿਨਰ ਸ਼ੇਨ ਵਾਰਨ ਸਨ ਪਰ ਤਾਰੀਖ ਬਦਲਨ ਤੋਂ ਬਾਅਦ ਵਾਰਨ ਨੂੰ ਆਪਣਾ ਨਾਂ ਵਾਪਸ ਲੈਣਾ ਪਿਆ। 9 ਫਰਵਰੀ ਤੋਂ ਕੁਝ ਸਮਾਂ ਪਹਿਲਾਂ ਦੇ ਕਮਿਟਮੈਂਟ ਨੂੰ ਵੇਖਦੇ ਹੋਏ ਆਖਰੀ ਸਮੇਂ ਤੇ ਗਿਲਕ੍ਰਿਸਟ ਉਨ੍ਹਾਂ ਦੀ ਟੀਮ ਦੀ ਕਮਾਨ ਸੰਭਾਲਣਗੇ।