ਫੁੱਟਬਾਲ ਮੈਚ ਦੌਰਾਨ ਖਿਡਾਰੀ 'ਤੇ ਅਸਮਾਨੀ ਬਿਜਲੀ ਡਿੱਗਣ ਕਾਰਨ ਹੋਈ ਮੌਤ (ਵੀਡੀਓ)

ਸਪੋਰਟਸ ਡੈਸਕ- ਖੇਡ ਜਗਤ ਲਈ ਇਕ ਹੈਰਾਨ ਕਰਨ ਵਾਲੀ ਦੁਖਦਾਈ ਖਬਰ ਸਾਹਮਣੇ ਆ ਰਹੀ ਹੈ। ਫੁੱਟਬਾਲ ਮੈਚ ਦੌਰਾਨ ਇਕ ਖਿਡਾਰੀ 'ਤੇ ਬਿਜਲੀ ਡਿੱਗ ਗਈ, ਜਿਸ ਕਾਰਨ ਖਿਡਾਰੀ ਦੀ ਮੌਤ ਹੋ ਗਈ। ਇਹ ਘਟਨਾ ਇੰਡੋਨੇਸ਼ੀਆ ਵਿੱਚ ਇੱਕ ਮੈਚ ਦੌਰਾਨ ਵਾਪਰੀ। ਹਸਪਤਾਲ ਲਿਜਾਂਦੇ ਸਮੇਂ ਖਿਡਾਰੀ ਦੀ ਮੌਤ ਹੋ ਗਈ। ਤੁਹਾਨੂੰ ਦੱਸ ਦੇਈਏ ਕਿ ਇੰਡੋਨੇਸ਼ੀਆ ਵਿੱਚ ਐੱਫਸੀ ਬੈਂਡੁੰਗ ਅਤੇ ਐੱਫਬੀਆਈ ਸ਼ੁਬੈਂਗ ਦੇ ਵਿੱਚ ਇੱਕ ਫ੍ਰੈਂਡਲੀ ਮੈਚ ਖੇਡਿਆ ਗਿਆ ਸੀ। ਇਹ ਮੈਚ ਸ਼ਨੀਵਾਰ ਨੂੰ ਇੰਡੋਨੇਸ਼ੀਆ ਦੇ ਪੱਛਮੀ ਜਾਵਾ ਦੇ ਸਿਲੀਵਾਂਗੀ ਸਟੇਡੀਅਮ 'ਚ ਖੇਡਿਆ ਗਿਆ। ਇਸ ਦੌਰਾਨ ਇਹ ਬਿਜਲੀ ਮੈਚ ਖੇਡ ਰਹੇ ਇਕ ਖਿਡਾਰੀ 'ਤੇ ਡਿੱਗ ਗਈ।
ਖ਼ਰਾਬ ਮੌਸਮ ਦੇ ਵਿਚਕਾਰ ਹੋ ਰਿਹਾ ਸੀ ਮੈਚ 
ਇਸ ਘਟਨਾ ਦਾ ਇੱਕ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਇਹ ਸਾਫ ਦੇਖਿਆ ਜਾ ਸਕਦਾ ਹੈ ਕਿ ਮੈਚ ਦੌਰਾਨ ਖਿਡਾਰੀ ਆਪਣੀ ਖੇਡ 'ਤੇ ਧਿਆਨ ਦੇ ਰਹੇ ਸਨ। ਇਹ ਮੈਚ ਖਰਾਬ ਮੌਸਮ ਵਿਚਾਲੇ ਖੇਡਿਆ ਜਾ ਰਿਹਾ ਸੀ।
ਇਸ ਦੌਰਾਨ ਮੈਦਾਨ ਦੇ ਇਕ ਪਾਸੇ ਖੜ੍ਹੇ ਇਕ ਖਿਡਾਰੀ 'ਤੇ ਅਚਾਨਕ ਬਿਜਲੀ ਡਿੱਗ ਪਈ। ਵੀਡੀਓ 'ਚ ਬਿਜਲੀ ਡਿੱਗਣ ਦੌਰਾਨ ਤੇਜ਼ ਅੱਗ ਨਿਕਲਦੀ ਦਿਖਾਈ ਦੇ ਰਹੀ ਹੈ। ਇਹ ਬਿਜਲੀ ਹੀ ਸੀ। ਜਿਸ ਖਿਡਾਰੀ 'ਤੇ ਬਿਜਲੀ ਡਿੱਗੀ ਉਹ ਤੁਰੰਤ ਮੈਦਾਨ 'ਤੇ ਡਿੱਗ ਪਿਆ।

A tragic incident occurred at stadium in Indonesia 🇮🇩, on the 10th of February 2024, When a man from Subang was fatally struck by lightning while playing football 😦

Thoughts? pic.twitter.com/s0AP2vo0Mb

— GIDI (@Gidi_Traffic) February 11, 2024

ਹਸਪਤਾਲ ਲਿਜਾਂਦੇ ਸਮੇਂ ਖਿਡਾਰੀ ਦੀ ਮੌਤ ਹੋ ਗਈ
ਬਿਜਲੀ ਦਾ ਧਮਾਕਾ ਇੰਨਾ ਜ਼ਬਰਦਸਤ ਸੀ ਕਿ ਨੇੜੇ ਖੜ੍ਹਾ ਇਕ ਹੋਰ ਖਿਡਾਰੀ ਵੀ ਜ਼ਮੀਨ 'ਤੇ ਡਿੱਗ ਗਿਆ। ਹਾਲਾਂਕਿ ਉਹ ਕੁਝ ਸਮੇਂ ਬਾਅਦ ਉੱਠ ਜਾਂਦਾ ਹੈ। ਬਾਕੀ ਖਿਡਾਰੀ ਆਪਣੇ ਬਚਾਅ ਲਈ ਜ਼ਮੀਨ 'ਤੇ ਲੇਟ ਗਏ ਜਦਕਿ ਕੁਝ ਬਾਹਰ ਭੱਜਣ ਲੱਗੇ।
ਪਰ ਜਿਸ ਖਿਡਾਰੀ 'ਤੇ ਬਿਜਲੀ ਡਿੱਗਦੀ ਹੈ, ਉਹ ਉਥੇ ਹੀ ਪਿਆ ਰਹਿੰਦਾ ਹੈ। ਹੋਰ ਖਿਡਾਰੀ ਅਤੇ ਡਾਕਟਰੀ ਟੀਮ ਉਸ ਦੀ ਦੇਖਭਾਲ ਕਰਨ ਲਈ ਮੈਦਾਨ ਵਿੱਚ ਆਉਂਦੀ ਹੈ। ਖਿਡਾਰੀ ਨੂੰ ਤੁਰੰਤ ਸਟਰੈਚਰ 'ਤੇ ਬਾਹਰ ਲਿਜਾਇਆ ਜਾਂਦਾ ਹੈ। ਇਸ ਦੌਰਾਨ ਖਿਡਾਰੀ ਸਾਹ ਲੈ ਰਿਹਾ ਹੈ। ਇਸ ਤੋਂ ਬਾਅਦ ਉਹ ਉਸ ਨੂੰ ਹਸਪਤਾਲ ਲੈ ਗਏ। ਪਰ ਰਸਤੇ ਵਿੱਚ ਹੀ ਉਸਦੀ ਮੌਤ ਹੋ ਜਾਂਦੀ ਹੈ। ਹਸਪਤਾਲ ਵਿੱਚ ਡਾਕਟਰ ਉਸ ਖਿਡਾਰੀ ਨੂੰ ਮ੍ਰਿਤਕ ਐਲਾਨ ਕਰ ਦਿੰਦੇ ਹਨ।
ਇੱਕ ਸਾਲ ਵਿੱਚ ਬਿਜਲੀ ਡਿੱਗਣ ਦੀ ਹੋਈ ਦੂਜੀ ਘਟਨਾ
ਪਿਛਲੇ 12 ਮਹੀਨਿਆਂ 'ਚ ਇਹ ਦੂਜੀ ਵਾਰ ਹੈ ਜਦੋਂ ਕਿਸੇ ਇੰਡੋਨੇਸ਼ੀਆਈ ਫੁੱਟਬਾਲਰ 'ਤੇ ਬਿਜਲੀ ਡਿੱਗੀ ਹੈ। 2023 ਸੋਰਾਟਿਨ ਅੰਡਰ-13 ਕੱਪ ਦੌਰਾਨ ਪੂਰਬੀ ਜਾਵਾ ਦੇ ਬੋਜੋਂਗੋਰੋ ਵਿੱਚ ਇੱਕ ਫੁੱਟਬਾਲਰ 'ਤੇ ਬਿਜਲੀ ਡਿੱਗੀ ਸੀ। ਉਦੋਂ ਮੈਦਾਨ 'ਤੇ ਮੌਜੂਦ 6 ਹੋਰ ਖਿਡਾਰੀ ਵੀ ਬਿਜਲੀ ਦੀ ਲਪੇਟ 'ਚ ਆ ਗਏ। ਹਾਲਾਂਕਿ ਉਸ ਸਮੇਂ ਡਾਕਟਰ ਨੇ ਸਾਰਿਆਂ ਨੂੰ ਬਚਾ ਲਿਆ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।