ਨਤਾਸ਼ਾ ਨਾਲ ਡਰਾਈਵ ''ਤੇ ਨਿਕਲੇ ਪੰਡਯਾ, ਸ਼ੇਅਰ ਕੀਤੀ ਤਸਵੀਰ
06/26/2020 9:56:12 PM
ਨਵੀਂ ਦਿੱਲੀ- ਭਾਰਤੀ ਟੀਮ ਦੇ ਆਲਰਾਊਂਡਰ ਕ੍ਰਿਕਟਰ ਹਾਰਦਿਕ ਪੰਡਯਾ ਨੇ ਆਪਣੀ ਮੰਗੇਤਰ ਨਤਾਸ਼ਾ ਸਟੈਕੋਵਿਚ ਦੇ ਨਾਲ ਸ਼ੁੱਕਰਵਾਰ ਨੂੰ ਇਕ ਤਸਵੀਰ ਸ਼ੇਅਰ ਕੀਤੀ ਹੈ। ਇਸ ਸੈਲਫੀ 'ਚ ਇਹ ਕਪਲ ਆਪਣੀ ਕਾਰ 'ਚ ਬੈਠੇ ਹੋਏ ਹਨ ਤੇ ਦੋਵਾਂ ਨੇ ਹੱਸਦੇ ਹੋਏ ਪੋਜ਼ ਦਿੱਤਾ ਹੈ। ਹਾਰਦਿਕ ਨੇ ਇਸ ਤਸਵੀਰ 'ਤੇ ਨਤਾਸ਼ਾ ਨੂੰ ਟੈਗ ਕਰਦੇ ਹੋਏ ਪਿਆਰਾ ਜਿਹਾ ਕੈਪਸ਼ਨ ਵੀ ਦਿੱਤਾ ਹੈ। ਪੰਡਯਾ ਨੇ ਲਿਖਿਆ- 'ਬਬਸ (ਪਿਆਰ ਨਾਲ ਪੁਕਾਰਨਾ) ਤੁਮ ਆਪਣੇ ਚਿਹਰੇ 'ਤੇ ਇਤਨੀ ਚਮਕ ਕਹਾਂ ਸੇ ਲਾ ਰਹੀ ਹੋ?' ਇਸਦੇ ਨਾਲ ਹੀ ਹਾਰਦਿਕ ਪੰਡਯਾ ਨੇ ਪਿਆਰ ਨਾਲ ਹੱਸਣ ਵਾਲਾ ਲਾਫਟਰ ਇਮੋਜ਼ੀ ਵੀ ਇਸਤੇਮਾਲ ਕੀਤਾ ਹੈ। ਦੱਸ ਦੇਈਏ ਕਿ ਨਤਾਸ਼ਾ ਗਰਭਵਤੀ ਹੈ। ਇਸ ਕਪਲ ਨੇ ਇਸ ਸਾਲ ਦੀ ਸ਼ੁਰੂਆਤ 'ਚ 'ਨਿਊ ਯੀਅਰ' ਦੇ ਦਿਨ ਆਪਣੀ ਮੰਗਣੀ ਕੀਤੀ ਸੀ ਤੇ ਫੈਂਸ ਦੇ ਨਾਲ ਸੋਸ਼ਲ ਮੀਡੀਆ 'ਤੇ ਇਸਦਾ ਐਲਾਨ ਕੀਤਾ ਸੀ।
@natasastankovic__ bubs from where are you getting the glow on your face? 😍
A post shared by Hardik Pandya (@hardikpandya93) on Jun 26, 2020 at 5:54am PDT
ਲਾਕਡਾਊਨ ਦੀ ਵਜ੍ਹਾ ਨਾਲ ਪੰਡਯਾ ਤੇ ਨਤਾਸ਼ਾ ਆਪਣੇ ਵੱਡੇ ਭਰਾ ਕਰੁਣਾਲ ਤੇ ਉਸਦੀ ਪਤਨੀ ਦੇ ਨਾਲ ਬੀਤੇ ਤਿੰਨ ਮਹੀਨੀਆਂ ਤੋਂ ਘਰ 'ਚ ਸਨ। ਹੁਣ ਲਾਕਡਾਊਨ ਦੇ ਨਿਯਮਾਂ 'ਚ ਕੁਝ ਹਾਰਤ ਮਿਲੀ ਤਾਂ ਇਹ ਕਪਲ ਵੀ ਸ਼ਾਇਦ ਕਿਸੇ ਜ਼ਰੂਰੀ ਕੰਮ ਨਾਲ ਬਾਹਰ ਨਿਕਲੇ ਹਨ। ਹਾਲਾਂਕਿ ਹਾਰਦਿਕ ਨੇ ਇਸ ਦੀ ਜਾਣਕਾਰੀ ਨਹੀਂ ਦਿੱਤੀ ਹੈ ਕਿ ਉਹ ਗੱਡੀ 'ਚ ਬੈਠ ਕੇ ਕਿੱਥੇ ਜਾ ਰਹੇ ਹਨ।
