ਪਾਕਿਸਤਾਨੀ ਟੀਮ ਨਹੀਂ ਖੇਡੇਗੀ ਭਾਰਤ ''ਚ ਵਿਸ਼ਵ ਕਬੱਡੀ ਕੱਪ

ਸਪੋਰਟਸ ਡੈਸਕ : 1 ਦਸੰਬਰ ਤੋਂ ਸ਼ੁਰੂ ਹੋ ਰਹੇ ਵਿਸ਼ਵ ਕਬੱਡੀ ਕੱਪ 'ਚ ਪਾਕਿਸਤਾਨੀ ਟੀਮ ਹਿੱਸਾ ਨਹੀਂ ਲਵੇਗੀ। ਦਰਅਸਲ, ਕਲੇਅਰੈਂਸ ਨਾ ਮਿਲਣ ਕਾਰਨ ਪਾਕਿ ਟੀਮ ਭਾਰਤ ਨਹੀਂ ਆ ਸਕੇਗੀ। ਇਹ ਜਾਣਕਾਰੀ ਕਬੱਡੀ ਟੀਮ ਦੇ ਸਿਲੈਕਟਰ ਅਤੇ ਪੁਰਾਣੇ ਖਿਡਾਰੀ ਤੇਜਿੰਦਰ ਸਿੰਘ ਮਿੱਡੂ ਖੇੜਾ ਨੇ ਦਿੱਤੀ ਹੈ। ਅਜੇ ਇਸ ਦੀ ਪੂਰੀ ਤਰ੍ਹਾਂ ਪੁਸ਼ਟੀ ਨਹੀਂ ਹੋ ਸਕੀ ਹੈ। 

ਜ਼ਿਕਰਯੋਗ ਹੈ ਕਿ ਵਿਸ਼ਵ ਕਬੱਡੀ ਕੱਪ ਦਾ ਸ਼ੈਡਿਊਲ ਵੀ ਜਾਰੀ ਹੋ ਚੁੱਕਾ ਹੈ। ਪੰਜਾਬ ਸਰਕਾਰ ਨੇ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਵਿਸ਼ਵ ਕਬੱਡੀ ਕੱਪ ਪਹਿਲੀ ਦਸੰਬਰ ਤੋਂ 9 ਦਸੰਬਰ ਤੱਕ ਕਰਵਾਉਣ ਦਾ ਐਲਾਨ ਕੀਤਾ ਹੈ। ਇਸ ਟੂਰਨਾਮੈਂਟ ਦੀ ਜੇਤੂ ਟੀਮ ਨੂੰ 25 ਲੱਖ, ਦੂਜੇ ਨੰਬਰ ਦੀ ਟੀਮ ਨੂੰ 15 ਜਦਕਿ ਤੀਜੇ ਨੰਬਰ ਦੀ ਟੀਮ ਨੂੰ 10 ਲੁੱਖ ਰੁਪਏ ਦੀ ਇਨਾਮੀ ਰਾਸ਼ੀ ਦਿੱਤੀ ਜਾਵੇਗੀ।