NZ vs ENG : ਬਨਰਸ, ਡੇਨਲੀ ਤੇ ਸਟੋਕਸ ਦੇ ਅਰਧ ਸੈਂਕੜੇ
11/21/2019 8:51:39 PM
ਮਾਊਂਟ ਮਾਨਗਨੁਈ— ਰੋਰੀ ਬਨਰਸ (52), ਜੋ ਡੇਨਲੀ (74) ਤੇ ਬੇਨ ਸਟੋਕਸ (ਅਜੇਤੂ 67) ਦੇ ਸ਼ਾਨਦਾਰ ਅਰਧ ਸੈਂਕੜਿਆਂ ਨਾਲ ਇੰਗਲੈਂਡ ਨੇ ਨਿਊਜ਼ੀਲੈਂਡ ਦੇ ਵਿਰੁੱਧ ਪਹਿਲੇ ਕ੍ਰਿਕਟ ਟੈਸਟ ਮੈਚ ਦੇ ਪਹਿਲੇ ਦਿਨ ਵੀਰਵਾਰ ਨੂੰ ਚਾਰ ਵਿਕਟਾਂ 'ਤੇ 241 ਦੌੜਾਂ ਬਣਾ ਲਈਆਂ ਹਨ। ਇੰਗਲੈਂਡ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਸੀ ਤੇ 90 ਓਵਰ ਦੇ ਖੇਡ 'ਚ ਚਾਰ ਵਿਕਟਾਂ 'ਤੇ 241 ਦੌੜਾਂ ਬਣਾਈਆਂ। ਬਨਰਸ ਤੇ ਡਾਮਿਨਿਕ ਸਿਬਲੀ ਨੇ ਪਹਿਲੇ ਵਿਕਟ ਦੇ ਲਈ 52 ਦੌੜਾਂ ਜੋੜੀਆਂ। ਬਨਰਸ ਨੇ 138 ਗੇਂਦਾਂ ਦੀ ਪਾਰੀ 'ਚ 6 ਚੌਕਿਆਂ ਦੀ ਮਦਦ ਨਾਲ 52 ਦੌੜਾਂ ਦੀ ਪਾਰੀ ਖੇਡੀ। ਡੇਨਲੀ ਨੇ 181 ਗੇਂਦਾਂ 'ਚ 74 ਦੌੜਾਂ ਬਣਾਈਆਂ, ਜਿਸ 'ਚ 8 ਚੌਕੇ ਤੇ ਇਕ ਛੱਕਾ ਸ਼ਾਮਲ ਹੈ।
ਡੇਨਲੀ ਨੇ ਸਟੋਕਸ ਦੇ ਨਾਲ ਚੌਥੇ ਵਿਕਟ ਦੇ ਲਈ 83 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਖੇਡ ਖਤਮ ਹੋਣ ਤਕ ਸਟੋਕਸ ਨੇ 114 ਗੇਂਦਾਂ 'ਚ 9 ਚੌਕਿਆਂ ਦੀ ਮਦਦ ਨਾਲ ਅਜੇਤੂ 67 ਦੌੜਾਂ ਤੇ ਓਲੀ ਪੋਪ 23 ਗੇਂਦਾਂ 'ਚ ਚਾਰ ਚੌਕਿਆਂ ਨਾਲ 18 ਦੌੜਾਂ ਬਣਾ ਕੇ ਕ੍ਰੀਜ਼ 'ਤੇ ਸਨ। ਕਪਤਾਨ ਜੋ ਰੂਟ 2 ਦੌੜਾਂ ਬਣਾ ਕੇ ਆਊਟ ਹੋਇਆ। ਕਾਲਿਨ ਡੀ ਗ੍ਰੈਂਡਹੋਮ ਨੇ 2 ਵਿਕਟਾਂ ਹਾਸਲ ਕੀਤੀਆਂ ।
