ਰਾਫੇਲ ਨਡਾਲ ਮੌਂਟੇ ਕਾਰਲੋ ਟੈਨਿਸ ਟੂਰਨਾਮੈਂਟ ਦੇ ਆਖਰੀ 16 ਰਾਊਂਡ 'ਚ

ਸਪੋਰਟਸ ਡੈਸਕ— 11 ਵਾਰ ਦੇ ਜੇਤੂ ਸਪੇਨ ਦੇ ਰਾਫੇਲ ਨਡਾਲ ਨੇ ਮੋਂਟੇ ਕਾਰਲੋ ਮਾਸਟਰਸ ਟੈਨਿਸ ਟੂਰਨਾਮੈਂਟ 'ਚ ਆਪਣੇ ਖਿਤਾਬ ਬਚਾਓ ਅਭਿਆਨ ਦੀ ਸ਼ੁਰੂਆਤ ਕਰਦੇ ਹੋਏ ਹਮਵਤਨ ਰਾਬਟਰੇ ਬਤੀਸਤਾ ਅਗੁਤ ਨੂੰ ਲਗਾਤਾਰ ਸੈਟਾ 'ਚ 6-1, 6-1 ਨਾਲ ਹਰਾ ਕੇ ਆਖਰੀ-16 ਰਾਊਂਡ 'ਚ ਦਾਖਲ ਕਰ ਲਿਆ ਹੈ। ਨਡਾਲ ਦੀ ਇਹ 73 ਮੈਚਾਂ 69ਵੀਂ ਜਿੱਤ ਹੈ ਤੇ ਮੋਂਟੇ ਕਾਰਲੋ ਮਾਸਟਰਸ 'ਚ ਉਨ੍ਹਾਂ ਨੇ ਲਗਾਤਾਰ 16 ਮੈਚ ਜਿੱਤਣ ਦਾ ਰਿਕਾਡਰ ਬਣਾ ਲਿਆ ਹੈ।ਸਪੈਨਿਸ਼ ਖਿਡਾਰੀ ਨੇ ਜਿੱਤ ਤੋਂ ਬਾਅਦ ਕਿਹਾ, ''ਵਿਅਕਤੀਗਤ ਤੌਰ 'ਤੇ ਮੇਰੇ ਲਈ ਇਹ ਟੂਰਨਾਮੈਂਟ ਬਹੁਤ ਬਹੁਤ ਖਾਸ ਹੈ। ਮੇਰੇ ਲਈ ਹਰ ਵਾਰ ਇੱਥੇ ਵਾਪਸੀ ਕਰਨ ਦਾ ਹਰ ਮੌਕਾ ਅਹਿਮ ਰਿਹਾ ਹੈ ਅਤੇ ਮੈਂ ਇੱਥੇ ਹਰ ਮੈਚ ਦਾ ਮਜਾ ਲੈ ਰਿਹਾ ਹਾਂ। ਇਕ ਹੋਰ ਮੈਚ 'ਚ ਵਿਸ਼ਵ ਦੇ ਤੀਜੇ ਨੰਬਰ ਦੇ ਖਿਡਾਰੀ ਜਰਮਨੀ ਦੇ ਅਲੈਕਸਾਂਦਰ ਜਵੇਰੇਵ ਨੇ ਫੇਲਿਕਸ ਆਗਰ ਆਲਿਆਸਿਮੇ ਨੂੰ 6-1, 6-4 ਨਾਲ ਹਰਾਇਆ।