ਜੇਸਨ ਰਾਏ ਦਾ ਸਕੈਨ ਹੋਇਆ, ਮੋਰਗਨ ਦੀ ਪਿੱਠ ਦੀਆਂ ਮਾਸਪੇਸ਼ੀਆਂ 'ਚ ਆਇਆ ਖਿਚਾਅ

ਸਾਊਥੰਪਟਨ— ਇੰਗਲੈਂਡ ਦੇ ਕਪਤਾਨ ਈਓਨ ਮੋਰਗਨ ਦਾ ਵਰਲਡ ਕੱਪ ਦੇ ਅਗਲੇ ਮੈਚ 'ਚ ਖੇਡਣਾ ਸ਼ੱਕੀ ਹੈ ਜਦ ਕਿ ਜੇਸਨ ਰਾਏ ਦਾ ਹੈਮਸਟਰਿੰਗ ਸਟਰੇਨ ਦੀ ਵਜ੍ਹਾ ਨਾਲ ਸਕੈਨ ਕਰਾਉਣਾ ਪਿਆ। ਪਰ ਮੋਰਗਨ ਨੇ ਕਿਹਾ ਕਿ ਇਹ ਪਰੇਸ਼ਾਨੀ ਦੀ ਗੱਲ ਨਹੀਂ ਹੈ ਜੋ ਸ਼ੁੱਕਰਵਾਰ ਨੂੰ 41ਵੇਂ ਓਵਰ 'ਚ ਵੈਸਟਇੰਡੀਜ਼ ਪਾਰੀ ਦੇ ਦੌਰਾਨ ਮੈਦਾਨ ਛੱਡ ਕੇ ਚੱਲੇ ਗਏ। ਉਨ੍ਹਾਂ ਤੋਂ ਪਹਿਲੇ ਰਾਏ ਹੈਮਸਟਰਿੰਗ ਸਟ੍ਰੇਨ ਦੀ ਵਜ੍ਹਾ ਨਾਲ ਲੜਖੜਾ ਰਹੇ ਸਨ। ਮੋਰਗਨ ਨੇ ਕਿਹਾ, ''ਇਹ ਸੁੱਜਿਆ ਹੋਇਆ ਹੈ। ਮੇਰੇ ਪਹਿਲਾਂ ਵੀ ਪਿੱਠ 'ਚ ਦਰਦ ਹੋ ਚੁੱਕਿਆ ਹੈ ਤੇ ਇਕੋ ਜਿਹੇ ਤੌਰ 'ਤੇ ਇਸ ਨੂੰ ਠੀਕ ਹੋਣ 'ਚ ਕੁਝ ਦਿਨ ਲੱਗਦੇ ਹਨ। ਅਗਲੇ 24 ਘੰਟੇ 'ਚ ਇਸ ਦੀ ਗੰਭੀਰਤਾ ਦਾ ਪਤਾ ਚੱਲੇਗਾ।

ਉਨ੍ਹਾਂ ਨੇ ਕਿਹਾ, ''ਜੇਸਨ ਦੀ ਹੈਮਸਟਰਿੰਗ 'ਚ ਖਿਚਾਅ ਹੈ ਤੇ ਉਸ ਦਾ ਸਕੈਨ ਹੋਵੇਗਾ। ਇਸ ਦੇ ਬਾਰੇ 'ਚ ਜਾਨਣ 'ਚ 48 ਘੰਟੇ ਲਗਣਗੇ। ਮੈਨੂੰ ਲਗਦਾ ਹੈ ਕਿ ਜਦ ਦੋ ਖਿਡਾਰੀ ਜਖਮੀ ਹੋਣ ਤਾਂ ਇਹ ਚਿੰਤਾ ਦੀ ਗੱਲ ਹੁੰਦੀ ਹੈ ਪਰ ਅਜੇ ਇਸ ਤੋਂ ਪਰੇਸ਼ਾਨ ਹੋਣ ਦੀ ਗੱਲ ਨਹੀਂ ਹੈ।