ਸਾਤਵਿਕ- ਚਿਰਾਗ ਥਾਈਲੈਂਡ ਓਪਨ ਦੇ ਕੁਆਰਟਰ ਫਾਈਲ ’ਚ

05/16/2024 9:33:27 PM

ਬੈਂਕਾਕ- ਨੌਜਵਾਨ ਭਾਰਤੀ ਬੈਡਮਿੰਟਨ ਖਿਡਾਰੀ ਮੇਈਰਾਬਾ ਲੁਵਾਂਗ ਮੈਸਨਾਮ ਅਤੇ ਸਾਤਵਿਕ ਸਾਈਰਾਜ ਰੰਕੀਰੇੱਡੀ ਅਤੇ ਚਿਰਾਬ ਸ਼ੈੱਟੀ ਦੀ ਸਟਾਰ ਪੁਰਸ਼ ਯੁਗਲ ਜੋੜੀ ਆਪਣਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਰੱਖਦੇ ਹੋਏ ਵੀਰਵਾਰ ਨੂੰ ਇਥੇ ਥਾਈਲੈਂਡ ਓਪਨ ਸੁਪਰ 500 ਟੂਰਨਾਮੈਂਟ ਦੇ ਕੁਆਰਟਰ ਫਾਈਨਲ ’ਚ ਪਹੁੰਚ ਗਈ। ਹਮਵਤਨ ਐੱਚ.ਐੱਸ. ਪ੍ਰਣਯ ’ਤੇ ਉਲਟਫੇਰ ਭਰੀ ਜਿੱਤ ਦੇ ਇਕ ਦਿਨ ਬਾਅਦ 21 ਸਾਲਾ ਮੇਈਰਾਬਾ ਨੇ 50 ਮਿੰਟ ਤੱਕ ਚਲੇ ਪੁਰਸ਼ ਏਕਲ ਦੇ ਦੂਜੇ ਦੌਰ ਦੇ ਮੁਕਾਬਲੇ ’ਚ ਡੇਨਮਾਰਕ ਦੇ ਮੈਡਸ ਕ੍ਰਿਸਟੋਫਰਸਨ ਨੂੰ 21-14, 22-20 ਤੋਂ ਹਰਾ ਦਿੱਤਾ। ਮੇਈਰਾਬਾ ਨੂੰ ਅਗਲੇ ਦੌਰ ’ਤੇ ਵਿਸ਼ਵ ਚੈਂਪੀਅਨ ਅਤੇ ਸਥਾਨਕ ਦਾਅਵੇਦਾਰ ਕੁਨਲਾਵੁਤ ਵਿਤਿਦਸਾਰਨ ਦੀ ਸਖਤ ਚੁਣੌਤੀ ਦਾ ਸਾਹਮਣਾ ਕਰਨਾ ਹੋਵੇਗਾ।

ਸਾਤਵਿਕ ਅਤੇ ਚਿਰਾਬ ਦੀ ਦੁਨੀਆ ਦੀ ਤੀਸਰੇ ਨੰਬਰ ਦੀ ਭਾਰਤੀ ਜੋੜੀ ਨੇ ਆਪਣੇ ਦੂਜੇ ਦੌਰ ਦੇ ਮੁਕਾਬਲੇ ’ਚ 69ਵੀਂ ਰੈਂਕਿੰਗ ਵਾਲੇ ਸ਼ੇਈ ਸਾਓ ਨਾਨ ਅਤੇ ਝੇਂਗ ਵੇਈ ਹਾਨ ਨੂੰ 21-16, 21-11 ਨਾਲ ਹਰਾਇਆ। ਏਸ਼ੀਆਈ ਖੇਡਾਂ ਦੀ ਸੋਨੇ ਦਾ ਤਗਮਾ ਜਿੱਤ ਭਾਰਤੀ ਜੋੜੀ ਦਾ ਸਾਹਮਣਾ ਅਗਲੇ ਦੌਰ ’ਚ ਜੁਨੈਦੀ ਆਰਿਫ ਅਤੇ ਰਾਏ ਕਿੰਗ ਯਾਪ ਦੀ ਮਲੇਸ਼ੀਆ ਦੀ ਜੋੜੀ ਨਾਲ ਹੋਵੇਗਾ। ਹੋਰ ਭਾਰਤੀਆਂ ’ਚ ਅਰਿਸ਼ਤਾ ਚਾਲਿਹਾ ਨੂੰ ਕਰੀਬੀ ਮੁਕਾਬਲੇ ’ਚ ਸ਼ਿਰਕਤ ਦਾ ਸਾਹਮਣਾ ਕਰਨਾ ਪਿਆ। ਇਹ ਮਹਿਲਾ ਏਕਲ ’ਚ ਸਿਖਰ ਵਰੀਅਤਾ ਪ੍ਰਾਪਤ ਚੀਨ ਦੀ ਹਾਨ ਯੁਈ ਦੇ ਖਿਲਾਫ 15-21, 21-12, 12-21 ਨਾਲ ਹਾਰ ਗਈ। ਮਿਸ਼ਰਿਤ ਯੁਗਲ ’ਚ ਸਤੀਸ਼ ਕਰੂਣਾਕਰਣ ਅਤੇ ਆਘਾ ਵਰਿਆਥ ਦੀ ਜੋੜੀ ਨੂੰ ਰਿਨੋਵ ਰਿਵਾਲਡੀ ਅਤੇ ਪਿਥਾ ਹਨਿੰਗਟਿਆਸ ਮੇਂਟਾਰੀ ਦੀ ਜੋੜੀ ਦੇ ਖਿਲਾਫ 10-21, 17-21 ਤੋਂ ਹਾਰ ਝੱਲਣੀ ਪਈ।


Aarti dhillon

Content Editor

Related News