ਮੈਨਚੈਸਟਰ ਸਿਟੀ ਨੇ 2023 ਦਾ ਪਹਿਲਾ ਕਲੱਬ ਵਿਸ਼ਵ ਕੱਪ ਖਿਤਾਬ ਤੇ ਪੰਜਵੀਂ ਟਰਾਫੀ ਜਿੱਤੀ

ਜੇਦਾ (ਸਾਊਦੀ ਅਰਬ), (ਭਾਸ਼ਾ)- ਮੈਨਚੈਸਟਰ ਸਿਟੀ ਨੇ ਸ਼ੁੱਕਰਵਾਰ ਨੂੰ ਇੱਥੇ ਕਲੱਬ ਵਿਸ਼ਵ ਕੱਪ ਫਾਈਨਲ ਵਿੱਚ ਫਲੂਮੀਨੇਂਸ ਨੂੰ 4-0 ਨਾਲ ਹਰਾ ਕੇ 2023 ਦਾ ਪੰਜਵਾਂ ਖਿਤਾਬ ਜਿੱਤ ਲਿਆ। ਮੈਨਚੈਸਟਰ ਸਿਟੀ ਨੇ ਸਿਰਫ਼ 40 ਸਕਿੰਟਾਂ ਦੇ ਅੰਦਰ ਹੀ ਲੀਡ ਲੈ ਲਈ ਜਦੋਂ ਜੂਲੀਅਨ ਅਲਵਾਰੇਜ਼ ਨੇ ਗੋਲ ਕੀਤਾ। ਫਲੂਮੀਨੇਸ ਦੇ ਕਪਤਾਨ ਨੀਨੋ ਨੇ 27ਵੇਂ ਮਿੰਟ 'ਚ ਖੁਦ ਦੇ ਗੋਲ ਨਾਲ ਮੈਨਚੈਸਟਰ ਸਿਟੀ ਦੀ ਬੜ੍ਹਤ ਨੂੰ ਦੁੱਗਣਾ ਕਰ ਦਿੱਤਾ ਅਤੇ ਫਿਰ ਫਿਲ ਫੋਡੇਨ ਨੇ 72ਵੇਂ ਮਿੰਟ 'ਚ ਟੀਮ ਦਾ ਤੀਜਾ ਗੋਲ ਕੀਤਾ। 

ਇਹ ਵੀ ਪੜ੍ਹੋ : ਪਹਿਲਵਾਨ ਬਜਰੰਗ ਪੂਨੀਆ ਨੇ 'ਪਦਮ ਸ਼੍ਰੀ' ਕੀਤਾ ਵਾਪਸ, PM  ਨਿਵਾਸ ਦੇ ਬਾਹਰ ਫੁੱਟਪਾਥ 'ਤੇ ਰੱਖਿਆ ਪੁਰਸਕਾਰ

ਅਲਵਰੋਜ਼ ਨੇ 88ਵੇਂ ਮਿੰਟ ਵਿੱਚ ਆਪਣਾ ਦੂਜਾ ਗੋਲ ਕਰਕੇ ਮਾਨਚੈਸਟਰ ਸਿਟੀ ਨੂੰ 4-0 ਨਾਲ ਅੱਗੇ ਕਰ ਦਿੱਤਾ। ਇਸ ਦੇ ਨਾਲ ਮਾਨਚੈਸਟਰ ਸਿਟੀ ਨੇ ਆਪਣਾ ਪਹਿਲਾ ਕਲੱਬ ਵਿਸ਼ਵ ਕੱਪ ਖਿਤਾਬ ਜਿੱਤਿਆ ਅਤੇ ਇਸ ਫੀਫਾ ਕਲੱਬ ਮੁਕਾਬਲੇ ਦੇ 17 ਐਡੀਸ਼ਨਾਂ ਵਿੱਚ ਯੂਰਪ ਨੂੰ ਆਪਣੀ 16ਵੀਂ ਟਰਾਫੀ ਦਿੱਤੀ। ਮਾਨਚੈਸਟਰ ਸਿਟੀ ਨੇ ਇਸ ਸਾਲ ਐਫ. ਏ. ਕੱਪ, ਪ੍ਰੀਮੀਅਰ ਲੀਗ, ਚੈਂਪੀਅਨਜ਼ ਲੀਗ ਅਤੇ ਸੁਪਰ ਕੱਪ ਖ਼ਿਤਾਬ ਜਿੱਤੇ ਹਨ। 

ਇਹ ਵੀ ਪੜ੍ਹੋ : ਸੂਰਿਆਕੁਮਾਰ ਯਾਦਵ ਨੂੰ ਲੱਗੀ ਡੂੰਘੀ ਸੱਟ, T20 WC ਦੀਆਂ ਤਿਆਰੀਆਂ ਨੂੰ ਲੱਗਾ ਵੱਡਾ ਝਟਕਾ

ਇਸ ਜਿੱਤ ਨੇ ਪੇਪ ਗਾਰਡੀਓਲਾ ਨੂੰ ਤਿੰਨ ਵੱਖ-ਵੱਖ ਟੀਮਾਂ ਨਾਲ ਫੀਫਾ ਵਿਸ਼ਵ ਕੱਪ ਜਿੱਤਣ ਵਾਲਾ ਪਹਿਲਾ ਕੋਚ ਬਣਾ ਦਿੱਤਾ। ਉਸਨੇ 2009 ਅਤੇ 2011 ਵਿੱਚ ਬਾਰਸੀਲੋਨਾ ਨੂੰ ਇਹ ਖਿਤਾਬ ਦਿਵਾਇਆ ਸੀ।ਫਿਰ 2013 ਵਿੱਚ ਬਾਇਰਨ ਮਿਊਨਿਖ ਨੇ ਵੀ ਇਹ ਟਰਾਫੀ ਜਿੱਤੀ ਸੀ। ਗਾਰਡੀਓਲਾ ਨੇ ਚੁੱਪਚਾਪ ਜਿੱਤ ਦਾ ਜਸ਼ਨ ਮਨਾਇਆ, ਫਲੂਮਿਨੈਂਸ ਕੋਚ ਫਰਨਾਂਡੋ ਦਿਨੀਜ਼ ਨੂੰ ਦਿਲਾਸਾ ਦੇਣ ਲਈ ਪਹੁੰਚੇ। ਉਨ੍ਹਾਂ ਨੇ ਆਪਣਾ ਹੱਥ ਹਿਲਾਇਆ ਤੇ ਆਪਣੇ ਮੋਢਿਆਂ 'ਤੇ ਹੱਥ ਰੱਖਿਆ। ਫਿਰ ਉਨ੍ਹਾਂ ਨੂੰ ਫੇਲਿਪੋ ਮੇਲੋ ਨਾਲ ਜੱਫੀ ਪਾਉਂਦੇ ਅਤੇ ਮੁਸਕਰਾਉਂਦੇ ਹੋਏ ਦੇਖਿਆ ਗਿਆ। 

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।