ਮੈਗਨਸ ਕਾਰਲਸਨ ਸੱਤਵੀਂ ਵਾਰ ਵਿਸ਼ਵ ਬਲਿਟਜ਼ ਸ਼ਤਰੰਜ ਚੈਂਪੀਅਨ ਬਣਿਆ

ਸਮਰਕੰਦ (ਨਿਕਲੇਸ਼ ਜੈਨ)- ਨਾਰਵੇ ਦੇ ਮੈਗਨਸ ਕਾਰਲਸਨ ਨੇ ਵਰਲਡ ਰੈਪਿਡ ਤੋਂ ਬਾਅਦ ਵਿਸ਼ਵ ਬਲਿਟਜ਼ ਖਿਤਾਬ ਜਿੱਤ ਕੇ ਇਕ ਹੋਰ ਇਤਿਹਾਸ ਰਚ ਦਿੱਤਾ। ਪਿਛਲੇ ਸਾਲ ਵੀ ਕਾਰਲਸਨ ਨੇ ਸ਼ਤਰੰਜ ਦੇ ਦੋਵੇਂ ਤੇਜ਼ ਫਾਰਮੈਟਾਂ ਰੈਪਿਡ ਅਤੇ ਬਲਿਟਜ਼ ਦੇ ਦੋਹਰੇ ਖਿਤਾਬ ਜਿੱਤ ਕੇ ਇਕ ਵਾਰ ਫਿਰ ਸਾਬਤ ਕਰ ਦਿੱਤਾ ਕਿ ਮੌਜੂਦਾ ਸਮੇਂ ਵਿਚ ਕਾਰਲਸਨ ਤੋਂ ਵੱਡਾ ਕੋਈ ਖਿਡਾਰੀ ਨਹੀਂ ਹੈ। ਕਾਰਲਸਨ ਨੇ 21 ਦੌਰ ਦੇ ਬਲਿਟਜ਼ ਟੂਰਨਾਮੈਂਟ ਵਿੱਚ 16 ਅੰਕ ਬਣਾ ਕੇ ਸੋਨ ਤਗ਼ਮਾ ਜਿੱਤਿਆ, ਜਿਸ ਦੌਰਾਨ ਉਸ ਨੇ 12 ਮੈਚ ਜਿੱਤੇ ਅਤੇ 8 ਡਰਾਅ ਰਹੇ ਜਦਕਿ ਉਸ ਦੀ ਇੱਕੋ-ਇੱਕ ਹਾਰ ਫਰਾਂਸ ਦੇ ਮੈਕਸਿਮ ਲਾਗਰੇਵ ਹੱਥੋਂ ਹੋਈ।

ਇਹ ਵੀ ਪੜ੍ਹੋ : Indian Sports Calendar 2024 : ਕ੍ਰਿਕਟ, ਹਾਕੀ, ਬੈਡਮਿੰਟਨ ਦੇ ਹੋਣਗੇ ਪ੍ਰਮੁੱਖ ਆਯੋਜਨ

ਕਾਰਲਸਨ ਨੇ ਇਸ ਤੋਂ ਪਹਿਲਾਂ 2009, 2014, 2017, 2018, 2019, 2022 'ਚ ਇਹ ਖਿਤਾਬ ਜਿੱਤਿਆ ਸੀ।ਰੂਸ ਦੇ ਡੇਨੀਅਲ ਡੁਬੋਵ ਨੇ 15.5 ਅੰਕ ਬਣਾ ਕੇ ਚਾਂਦੀ ਦਾ ਤਗਮਾ ਜਿੱਤਿਆ ਸੀ ਅਤੇ ਰੂਸ ਦੇ ਆਰਟੇਮਿਵ ਵਲਾਦਿਸਲਾਵ ਨੇ 15 ਅੰਕ ਬਣਾ ਕੇ ਕਾਂਸੀ ਦਾ ਤਗਮਾ ਜਿੱਤਿਆ ਸੀ। ਭਾਰਤੀ ਖਿਡਾਰੀਆਂ 'ਚ ਅਰਜੁਨ ਇਰੀਗਾਸੀ 14 ਅੰਕ ਲੈ ਕੇ ਛੇਵੇਂ, ਅਰਵਿੰਦ ਚਿਤੰਬਰਮ 13.5 ਅੰਕ ਲੈ ਕੇ 14ਵੇਂ, ਪ੍ਰਗਨਾਨੰਦ 12.5 ਅੰਕਾਂ ਨਾਲ 28ਵੇਂ ਸਥਾਨ 'ਤੇ ਰਹੇ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।