ਕੋਹਲੀ ''ਚ ਤੇਂਦੁਲਕਰ ਦਾ 100 ਸੈਂਕੜਿਆਂ ਦਾ ਰਿਕਾਰਡ ਤੋੜਨ ਦੀ ਸਮਰੱਥਾ : ਸ਼ਾਸਤਰੀ

ਮੁੰਬਈ, (ਭਾਸ਼ਾ)- ਭਾਰਤ ਦੇ ਸਾਬਕਾ ਕੋਚ ਰਵੀ ਸ਼ਾਸਤਰੀ ਦਾ ਮੰਨਣਾ ਹੈ ਕਿ ਵਿਸ਼ਵ ਕੱਪ ਸੈਮੀਫਾਈਨਲ 'ਚ ਨਿਊਜ਼ੀਲੈਂਡ ਖਿਲਾਫ ਸੈਂਕੜਾ ਲਗਾਉਣ ਤੋਂ ਬਾਅਦ ਸਚਿਨ ਤੇਂਦੁਲਕਰ ਦੇ ਵਨਡੇ 'ਚ 49 ਸੈਂਕੜਿਆਂ ਦਾ ਰਿਕਾਰਡ ਤੋੜਨ ਵਾਲੇ ਵਿਰਾਟ ਕੋਹਲੀ ਕੋਲ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਇਸ ਸਾਬਕਾ ਭਾਰਤੀ ਦਿੱਗਜ ਦੇ 100 ਸੈਂਕੜਿਆਂ ਦਾ ਰਿਕਾਰਡ ਤੋੜਨ ਦੀ ਸਮਰੱਥਾ ਹੈ। ਕੋਹਲੀ ਦੇ ਨਾਮ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ 80 ਸੈਂਕੜੇ ਹਨ (ਵਨਡੇ ਵਿੱਚ 50, ਵਨਡੇ ਵਿੱਚ 29 ਅਤੇ ਟੀ-20 ਅੰਤਰਰਾਸ਼ਟਰੀ ਵਿੱਚ ਇੱਕ) ਅਤੇ ਉਹ ਤੇਂਦੁਲਕਰ (ਟੈਸਟ ਵਿੱਚ 51 ਅਤੇ ਵਨਡੇ ਵਿੱਚ 49) ਦੇ ਰਿਕਾਰਡ ਤੋਂ 20 ਸੈਂਕੜੇ ਪਿੱਛੇ ਹਨ। 

ਇਹ ਵੀ ਪੜ੍ਹੋ : ODI WC ਦੇ ਸੈਮੀਫਾਈਨਲ 'ਚ ਨਿਊਜ਼ੀਲੈਂਡ ਨੂੰ 70 ਦੌੜਾਂ ਨਾਲ ਹਰਾ ਕੇ ਭਾਰਤ ਨੇ ਫਾਈਨਲ 'ਚ ਬਣਾਈ ਜਗ੍ਹਾ

ਸ਼ਾਸਤਰੀ ਨੇ 'ਦਿ ਆਈ. ਸੀ. ਸੀ. ਰਿਵਿਊ' ਨੂੰ ਦੱਸਿਆ, "ਜਦੋਂ ਸਚਿਨ ਤੇਂਦੁਲਕਰ ਨੇ 100 ਸੈਂਕੜੇ ਬਣਾਏ ਸਨ, ਤਾਂ ਕਿਸ ਨੇ ਸੋਚਿਆ ਹੋਵੇਗਾ ਕਿ ਕੋਈ ਉਨ੍ਹਾਂ ਦੇ ਨੇੜੇ ਵੀ ਆਵੇਗਾ? ਅਤੇ ਉਨ੍ਹਾਂ ਨੇ 80 ਸੈਂਕੜੇ ਲਗਾਏ ਹਨ। ਇਨ੍ਹਾਂ 'ਚੋਂ 50 ਸੈਂਕੜੇ ਵਨਡੇ 'ਚ ਆਏ ਹਨ। ਕਈ ਵਾਰ ਇਹ ਅਸਲੀਅਤ ਤੋਂ ਵੀ ਪਰੇ ਲੱਗਦਾ ਹੈ।'' ਇਸ ਸਾਬਕਾ ਭਾਰਤੀ ਆਲਰਾਊਂਡਰ ਨੇ ਕਿਹਾ, ''ਕੁਝ ਵੀ ਅਸੰਭਵ ਨਹੀਂ ਹੈ ਕਿਉਂਕਿ ਜਦੋਂ ਅਜਿਹੇ ਖਿਡਾਰੀ ਸੈਂਕੜਾ ਲਗਾਉਣ ਦੀ ਕੋਸ਼ਿਸ਼ ਕਰਦੇ ਹਨ ਤਾਂ ਉਹ ਬਹੁਤ ਤੇਜ਼ੀ ਨਾਲ ਸੈਂਕੜੇ ਬਣਾ ਲੈਂਦੇ ਹਨ। ਤੁਸੀਂ ਉਸ ਦੀਆਂ ਅਗਲੀਆਂ 10 ਪਾਰੀਆਂ 'ਚ ਪੰਜ ਹੋਰ ਸੈਂਕੜੇ ਦੇਖ ਸਕਦੇ ਹੋ।'' 

ਸ਼ਾਸਤਰੀ ਨੇ ਕਿਹਾ, ''ਤੁਹਾਡੇ ਕੋਲ ਖੇਡ ਦੇ ਤਿੰਨ ਫਾਰਮੈਟ ਹਨ, ਅਤੇ ਉਹ ਉਨ੍ਹਾਂ ਸਾਰੇ ਫਾਰਮੈਟਾਂ ਦਾ ਹਿੱਸਾ ਹੈ। ਉਹ ਅਜੇ ਵੀ ਤਿੰਨ-ਚਾਰ ਸਾਲ ਤੱਕ ਅੰਤਰਰਾਸ਼ਟਰੀ ਕ੍ਰਿਕਟ ਖੇਡ ਸਕਦਾ ਹੈ। ਸ਼ਾਸਤਰੀ ਵੀ ਕੋਹਲੀ ਦੀ ਦਬਾਅ ਝੱਲਣ ਦੀ ਸਮਰੱਥਾ ਤੋਂ ਹੈਰਾਨ ਹਨ। ਉਸ ਨੇ ਕਿਹਾ, ''ਮੈਨੂੰ ਲੱਗਦਾ ਹੈ ਕਿ ਉਸ ਦਾ ਸੰਜਮ, ਉਸ ਦੀ ਬਾਡੀ ਲੈਂਗੂਏਜ, ਕ੍ਰੀਜ਼ 'ਤੇ ਉਸ ਦਾ ਧੀਰਜ (ਇਸ ਵਿਸ਼ਵ ਕੱਪ 'ਚ) ਕਮਾਲ ਹੈ। ਮੈਂ ਉਸ ਨੂੰ ਪਿਛਲੇ ਵਿਸ਼ਵ ਕੱਪ 'ਚ ਦੇਖਿਆ ਹੈ ਜਿੱਥੇ ਉਹ ਬਹੁਤ ਨਰਵਸ ਦਿਖਾਈ ਦੇ ਰਿਹਾ ਸੀ।'' ਉਸ ਨੇ ਕਿਹਾ, ''ਉਹ ਪਹਿਲੇ ਤੋਂ ਸ਼ਾਨਦਾਰ ਫਾਰਮ 'ਚ ਰਹਿਣਾ ਚਾਹੁੰਦਾ ਸੀ। ਉਹ ਆਪਣਾ ਸਮਾਂ ਲੈ ਰਿਹਾ ਹੈ, ਦਬਾਅ ਨੂੰ ਸੰਭਾਲ ਰਿਹਾ ਹੈ, ਆਪਣੇ ਆਪ ਨੂੰ ਮੈਦਾਨ ਵਿੱਚ ਸਮਾਂ ਦੇ ਰਿਹਾ ਹੈ ਅਤੇ ਪਾਰੀ ਦੇ ਅੰਤ ਤੱਕ ਬੱਲੇਬਾਜ਼ੀ ਕਰਨ ਲਈ ਆਪਣੀ ਭੂਮਿਕਾ ਨੂੰ ਸਮਝ ਰਿਹਾ ਹੈ। ਉਹ ਹੈਰਾਨੀਜਨਕ ਹੈ।''

ਇਹ ਵੀ ਪੜ੍ਹੋ : ਕੋਹਲੀ ਦੇ 50ਵੇਂ ਸੈਂਕੜੇ ਦੀ ਖ਼ੁਸ਼ੀ 'ਚ ਦੁਕਾਨਦਾਰ ਨੇ ਮੁਫ਼ਤ ਵੰਡੀ ਬਰਿਆਨੀ, ਟੁੱਟ ਕੇ ਪੈ ਗਏ ਲੋਕ

ਸ਼ਾਸਤਰੀ ਨੇ ਕੋਹਲੀ ਦੇ ਨਾਲ ਭਾਰਤੀ ਟੀਮ ਦੇ ਕੋਚ ਦੇ ਕਾਰਜਕਾਲ ਦੌਰਾਨ ਨੇੜਿਓਂ ਕੰਮ ਕੀਤਾ ਸੀ। ਉਨ੍ਹਾਂ ਦੱਸਿਆ ਕਿ ਕੋਹਲੀ ਸਖਤ ਡਾਈਟ ਦੇ ਨਾਲ- ਨਾਲ ਫਿਟਨੈੱਸ 'ਤੇ ਵੀ ਕਾਫੀ ਪਸੀਨਾ ਵਹਾਉਂਦੇ ਹਨ। ਇਸ ਨਾਲ ਉਸ ਨੂੰ ਵਿਕਟਾਂ ਦੇ ਵਿਚਕਾਰ ਦੌੜ ਕੇ ਦੌੜਾਂ ਬਣਾਉਣ ਦੀ ਆਜ਼ਾਦੀ ਮਿਲਦੀ ਹੈ। ਉਸ ਨੇ ਕਿਹਾ, “ਉਸਦੀ ਬੱਲੇਬਾਜ਼ੀ ਦੀ ਇੱਕ ਵਿਸ਼ੇਸ਼ਤਾ ਵਿਕਟਾਂ ਦੇ ਵਿਚਕਾਰ ਦੌੜ ਕੇ ਦੌੜਾਂ ਬਣਾਉਣਾ ਹੈ। ਇਸ ਗੁਣ ਕਾਰਨ ਉਸ ਨੂੰ ਚੌਕੇ-ਛੱਕਿਆਂ 'ਤੇ ਨਿਰਭਰ ਨਹੀਂ ਰਹਿਣਾ ਪੈਂਦਾ। ਆਪਣੀ ਫਿਜ਼ੀਕਲ ਫਿਟਨੈੱਸ ਕਾਰਨ ਉਹ ਵਿਕਟਾਂ ਦੇ ਵਿਚਕਾਰ ਤੇਜ਼ੀ ਨਾਲ ਦੌੜਾਂ ਬਣਾ ਸਕਦਾ ਹੈ।'' ਸ਼ਾਸਤਰੀ ਨੇ ਕਿਹਾ, ''ਇਸ ਨਾਲ ਉਸ 'ਤੇ ਦਬਾਅ ਘੱਟ ਹੁੰਦਾ ਹੈ। ਬਾਊਂਡਰੀ ਨਾ ਮਿਲਣ 'ਤੇ ਵੀ ਉਹ ਸਟਰਾਈਕ ਰੋਟੇਟ ਕਰ ਰਿਹਾ ਹੈ। ਉਸ ਕੋਲ ਹਮੇਸ਼ਾ ਪਾਰੀ ਦੇ ਅੰਤ ਤੱਕ ਪਹੁੰਚਣ ਦੀ ਅਦਭੁਤ ਸਮਰੱਥਾ ਹੈ।'' 

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:- 
https://play.google.com/store/apps/details?id=com.jagbani&hl=en&pli=1

For IOS:- 
https://apps.apple.com/in/app/id538323711

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ