ਕੇ. ਐੱਲ. ਰਾਹੁਲ ਨੇ ਕੀਤਾ ਝੂਲਨ ਗੋਸਵਾਮੀ ਦੀਆਂ ਗੇਂਦਾਂ ਦਾ ਸਾਹਮਣਾ, ਵਾਇਰਲ ਹੋਇਆ ਵੀਡੀਓ

ਨਵੀਂ ਦਿੱਲੀ- ਇੰਗਲੈਂਡ ਤੋਂ ਬਾਅਦ ਹੁਣ ਟੀਮ ਇੰਡੀਆ ਨੂੰ ਵੈਸਟਇੰਡੀਜ਼ ਖਿਲਾਫ ਸੀਰੀਜ਼ ਖੇਡਣੀ ਹੈ। ਵਨ-ਡੇ ਅਤੇ ਟੀ-20 ਦੋਵੇਂ ਸੀਰੀਜ਼ ਲਈ ਟੀਮ ਇੰਡੀਆ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਟੀਮ ਇੰਡੀਆ ਦੇ ਸਲਾਮੀ ਬੱਲੇਬਾਜ਼ ਕੇ. ਐਲ. ਰਾਹੁਲ ਦੀ ਸੱਟ ਤੋਂ ਬਾਅਦ ਟੀ-20 ਸੀਰੀਜ਼ 'ਚ ਖੇਡਣ ਦਾ ਫੈਸਲਾ ਉਸ ਦੀ ਫਿਟਨੈੱਸ ਹਾਸਲ ਕਰਨ ਤੋਂ ਬਾਅਦ ਹੀ ਲਿਆ ਜਾਣਾ ਹੈ। ਚੋਣਕਾਰਾਂ ਨੂੰ ਮਿਲੀ ਫਿਟਨੈੱਸ ਰਿਪੋਰਟ ਮੁਤਾਬਕ ਰਾਹੁਲ ਮੈਚ 'ਚ ਐਂਟਰੀ ਕਰ ਸਕਦੇ ਹਨ। ਸੀਰੀਜ਼ ਤੋਂ ਪਹਿਲਾਂ ਉਸ ਦੇ ਨੈੱਟ ਅਭਿਆਸ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ।

ਕੇ. ਐਲ. ਰਾਹੁਲ ਨੂੰ ਦੱਖਣੀ ਅਫਰੀਕਾ ਦੇ ਖਿਲਾਫ ਭਾਰਤੀ ਟੀਮ ਦੀ ਵਨਡੇ ਦੀ ਕਮਾਨ ਸੌਂਪੀ ਗਈ ਸੀ, ਜੋ ਇੰਡੀਅਨ ਪ੍ਰੀਮੀਅਰ ਲੀਗ ਤੋਂ ਬਾਅਦ ਘਰ ਵਿੱਚ ਖੇਡਣ ਆਇਆ ਸੀ। ਬਦਕਿਸਮਤੀ ਨਾਲ, ਉਹ ਇਸ ਸੀਰੀਜ਼ ਦੀ ਸ਼ੁਰੂਆਤ ਤੋਂ ਇਕ ਦਿਨ ਪਹਿਲਾਂ ਜ਼ਖਮੀ ਹੋ ਗਿਆ ਸੀ। ਇਸ ਤੋਂ ਬਾਅਦ ਉਹ ਇਸ ਕਾਰਨ ਇੰਗਲੈਂਡ ਦੌਰੇ ਤੋਂ ਵੀ ਖੁੰਝ ਗਏ ਅਤੇ ਜਰਮਨੀ ਵਿੱਚ ਆਪਣਾ ਇਲਾਜ ਕਰਵਾਇਆ। ਉਹ ਹੁਣ ਪੂਰੀ ਤਰ੍ਹਾਂ ਫਿੱਟ ਹੈ ਅਤੇ ਬੈਂਗਲੁਰੂ ਸਥਿਤ ਨੈਸ਼ਨਲ ਕ੍ਰਿਕਟ ਅਕੈਡਮੀ 'ਚ ਰਿਹੈਬਲਿਟੇਸ਼ਨ ਤੋਂ ਗੁਜ਼ਰ ਰਿਹਾ ਹੈ।

K L Rahul is batting and Jhulan Goswami is bowling.

📍NCA, Bangalore@klrahul • @cool_rahulfan pic.twitter.com/xkuvvPZsHP

— Juman Sarma (@Juman_gunda) July 18, 2022

ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ 'ਚ ਕੇ. ਐੱਲ. ਰਾਹੁਲ ਭਾਰਤੀ ਮਹਿਲਾ ਟੀਮ ਦੀ ਦਿੱਗਜ ਖਿਡਾਰੀ ਝੂਲਨ ਗੋਸਵਾਮੀ ਨਾਲ ਅਭਿਆਸ ਕਰ ਰਹੇ ਹਨ। ਨੈੱਟ ਅਭਿਆਸ ਦਾ ਇਹ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ 'ਚ ਰਾਹੁਲ ਝੂਲਨ ਦੀ ਗੇਂਦਬਾਜ਼ੀ ਦਾ ਸਾਹਮਣਾ ਕਰਦੇ ਨਜ਼ਰ ਆ ਰਹੇ ਹਨ। ਕੇਐੱਲ ਇਸ ਵੀਡੀਓ 'ਚ ਪੂਰੀ ਤਰ੍ਹਾਂ ਫਿੱਟ ਨਜ਼ਰ ਆ ਰਹੇ ਹਨ। ਝੂਲਨ ਵੀ ਇੱਥੇ ਆਪਣੀ ਪੂਰੀ ਰਫਤਾਰ ਨਾਲ ਗੇਂਦਬਾਜ਼ੀ ਕਰਦੀ ਨਜ਼ਰ ਆ ਰਹੀ ਹੈ।