ਰਾਹੁਲ ਅਤੇ ਡੀ ਕਾਕ ਨੇ ਵਿਸ਼ਵ ਪੱਧਰੀ ਬੱਲੇਬਾਜ਼ੀ ਕੀਤੀ : ਹੈਨਰੀ

ਲਖਨਊ, (ਭਾਸ਼ਾ) ਲਖਨਊ ਸੁਪਰ ਜਾਇੰਟਸ ਦੇ ਤੇਜ਼ ਗੇਂਦਬਾਜ਼ ਮੈਟ ਹੈਨਰੀ ਨੇ ਕਪਤਾਨ ਕੇਐਲ ਰਾਹੁਲ ਅਤੇ ਕਵਿੰਟਨ ਡੀ ਕਾਕ ਦੀ 'ਵਿਸ਼ਵ ਪੱਧਰੀ' ਬੱਲੇਬਾਜ਼ੀ ਦੀ ਤਾਰੀਫ਼ ਕਰਦਿਆਂ ਕਿਹਾ ਕਿ ਪਹਿਲੀ ਵਿਕਟ ਲਈ ਸੈਂਕੜੇ ਵਾਲੀ ਸਾਂਝੇਦਾਰੀ ਨਾਲ ਉਸ ਨੂੰ ਚੇਨਈ ਸੁਪਰ ਕਿੰਗਜ਼ ਦੇ ਸ਼ਾਨਦਾਰ ਗੇਂਦਬਾਜ਼ੀ ਹਮਲੇ 'ਤੇ ਦਬਾਅ ਬਣਾਉਣ ਵਿਚ ਮਦਦ ਮਿਲੀ। ਜਿੱਤ ਲਈ 177 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਰਾਹੁਲ (82) ਅਤੇ ਡੀ ਕਾਕ (54) ਦੀਆਂ ਪਾਰੀਆਂ ਦੇ ਦਮ 'ਤੇ ਲਖਨਊ ਅੱਠ ਵਿਕਟਾਂ ਨਾਲ ਜਿੱਤ ਗਿਆ। 

ਹੈਨਰੀ ਨੇ ਮੈਚ ਤੋਂ ਬਾਅਦ ਪ੍ਰੈੱਸ ਕਾਨਫਰੰਸ 'ਚ ਕਿਹਾ, ''ਜੇਕਰ ਬੱਲੇਬਾਜ਼ੀ ਦੀ ਗੱਲ ਕਰੀਏ ਤਾਂ ਓਪਨਿੰਗ ਸਾਂਝੇਦਾਰੀ ਸ਼ਾਨਦਾਰ ਰਹੀ। ਕੇਐਲ ਅਤੇ ਕਵਿੰਟਨ ਨੇ ਮੈਚ ਨੂੰ ਸਾਡੇ ਹੱਕ ਵਿੱਚ ਕਰ ਦਿੱਤਾ। ਇਹ ਵਿਸ਼ਵ ਪੱਧਰੀ ਬੱਲੇਬਾਜ਼ੀ ਸੀ।'' ਦੋਵਾਂ ਨੇ 15 ਓਵਰਾਂ 'ਚ 134 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। "ਇਹ ਇੱਕ ਮੁਕਾਬਲੇ ਵਾਲਾ ਸਕੋਰ ਸੀ,"। ਇਸ ਤਰ੍ਹਾਂ ਦੇ ਟੂਰਨਾਮੈਂਟ 'ਚ ਟੀਚੇ ਦਾ ਪਿੱਛਾ ਕਰਦੇ ਹੋਏ ਚੰਗੀ ਸ਼ੁਰੂਆਤ ਬਹੁਤ ਜ਼ਰੂਰੀ ਹੁੰਦੀ ਹੈ। ਸਾਡੇ ਲਈ ਦੋ ਬੱਲੇਬਾਜ਼ਾਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਪਿੱਚ ਧੀਮੀ ਸੀ ਪਰ ਦੋਨਾਂ ਨੇ ਮੈਚ ਮੁਤਾਬਕ ਢਲ ਕੇ ਖੇਡਿਆ।''