ਕਰਨਾਟਕ ਦੇ ਤੈਰਾਕ ਗੌੜਾ ਨੇ ਅਨੁਭਵੀ ਸਾਜਨ ਨੂੰ 200 ਮੀਟਰ ਫ੍ਰੀਸਟਾਈਲ ''ਚ ਪਛਾੜ ਕੇ ਸੋਨ ਤਮਗਾ ਜਿੱਤਿਆ

ਰਾਜਕੋਟ (ਭਾਸ਼ਾ)- ਕਰਨਾਟਕ ਦੇ ਕਿਸ਼ੋਰ ਅਨੀਸ਼ ਐੱਸ ਗੌੜਾ ਨੇ ਐਤਵਾਰ ਨੂੰ ਇੱਥੇ ਰਾਸ਼ਟਰੀ ਖੇਡਾਂ ਦੇ ਤੈਰਾਕੀ ਮੁਕਾਬਲੇ ਵਿੱਚ ਪੁਰਸ਼ਾਂ ਦੇ 200 ਮੀਟਰ ਫ੍ਰੀਸਟਾਈਲ ਫਾਈਨਲ ਵਿੱਚ ਤਜ਼ਰਬੇਕਾਰ ਸਾਜਨ ਪ੍ਰਕਾਸ਼ ਨੂੰ ਹਰਾ ਕੇ ਸੀਨੀਅਰ ਪੱਧਰ ਉੱਤੇ ਆਪਣੀ ਪਛਾਣ ਬਣਾਈ। ਐਤਵਾਰ ਨੂੰ ਸਵੀਮਿੰਗ ਪੂਲ ਵਿੱਚ ਇਨ੍ਹਾਂ ਖੇਡਾਂ ਦੇ ਪੰਜ ਨਵੇਂ ਰਿਕਾਰਡ ਬਣਾਏ ਗਏ। 18 ਸਾਲਾ ਗੌੜਾ ਨੇ 200 ਫ੍ਰੀਸਟਾਈਲ ਤੈਰਾਕੀ ਵਿੱਚ 1:51.88 ਸਕਿੰਟ ਦੇ ਸਮੇਂ ਨਾਲ ਇੱਕ ਅਸਾਧਾਰਨ ਕੋਸ਼ਿਸ਼ ਕੀਤੀ। ਓਲੰਪੀਅਨ ਪ੍ਰਕਾਸ਼ ਦੀ ਮੌਜੂਦਗੀ ਤੋਂ ਬਾਅਦ ਵੀ ਪਿਛਲੇ ਮਹੀਨੇ ਰਾਸ਼ਟਰੀ ਚੈਂਪੀਅਨਸ਼ਿਪ ਜਿੱਤਣ ਵਾਲੇ ਗੌੜਾ ਨੇ ਆਪਣਾ ਆਤਮ ਵਿਸ਼ਵਾਸ ਨਹੀਂ ਗੁਆਇਆ। ਗਾਂਧੀ ਨਗਰ ਵਿੱਚ ਟ੍ਰੈਕ ਅਤੇ ਫੀਲਡ ਪ੍ਰਤੀਯੋਗੀਆਂ ਨੇ 5 ਫਾਈਨਲ ਵਿਚ ਇਨ੍ਹਾਂ ਖੇਡਾਂ ਵਿੱਚ ਚਾਰ ਰਾਸ਼ਟਰੀ ਰਿਕਾਰਡ ਬਣਾਏ। ਆਰਮੀ ਦੇ ਹਾਈ ਜੰਪ ਦੇ ਖਿਡਾਰੀ ਸਰਵੇਸ਼ ਅਨਿਲ ਕੁਸ਼ਾਰੇ ਨੇ 2.27 ਮੀਟਰ ਨਾਲ ਅਤੇ ਉੱਤਰ ਪ੍ਰਦੇਸ਼ ਦੇ ਉਸੈਦ ਖਾਨ ਨੇ ਡੇਕਾਥਲੋਨ ਵਿੱਚ 7121 ਦੇ ਸਕੋਰ ਨਾਲ ਸੋਨ ਤਮਗੇ ਜਿੱਤੇ।

ਹਰਿਆਣਾ ਪੁਰਸ਼ਾਂ ਦੀ 4x400 ਮੀਟਰ ਰਿਲੇਅ ਚੌਕੜੀ ਅਤੇ ਤਾਮਿਲਨਾਡੂ ਦੀ 4x400 ਮੀਟਰ ਟੀਮ ਨੇ ਵੀ ਇਸ ਦੌਰਾਨ ਇਨ੍ਹਾਂ ਖੇਡਾਂ ਵਿਚ ਨਵੇਂ ਰਿਕਾਰਡ ਬਣਾਏ। ਰਾਸ਼ਟਰਮੰਡਲ ਖੇਡਾਂ (2018) ਦੇ ਕਾਂਸੀ ਤਮਗਾ ਜੇਤੂ ਵੇਟਲਿਫਟਰ ਦੀਪਕ ਲਾਥੇਰ (ਹਰਿਆਣਾ) ਨੇ ਪੁਰਸ਼ਾਂ ਦੇ 81 ਕਿਲੋਗ੍ਰਾਮ ਭਾਰ ਵਰਗ ਵਿੱਚ ਫੌਜ ਦੇ ਅਜੈ ਸਿੰਘ ਨੂੰ ਕਰੀਬੀ ਮੁਕਾਬਲੇ ਵਿੱਚ ਹਰਾ ਕੇ ਸੋਨ ਤਮਗਾ ਜਿੱਤਿਆ। ਅਜੇ ਕਲੀਨ ਐਂਡ ਜਰਕ ਵਿੱਚ ਦੋ ਕਿਲੋ ਜ਼ਿਆਦਾ ਭਾਰ ਚੁੱਕਣ ਦੇ ਬਾਵਜੂਦ ਦੀਪਕ ਤੋਂ ਕੁੱਲ ਭਾਰ ਦੇ ਮਾਮਲੇ ਵਿਚ ਇੱਕ ਕਿਲੋ ਤੋਂ ਪਛੜ ਗਏ। ਦੀਪਕ ਨੇ ਕੁੱਲ 315 ਕਿਲੋਗ੍ਰਾਮ ਭਾਰ ਚੁੱਕ ਕੇ ਚੋਟੀ ਦਾ ਸਥਾਨ ਹਾਸਲ ਕੀਤਾ। ਪੱਛਮੀ ਬੰਗਾਲ ਦੀ ਓਲੰਪੀਅਨ ਪ੍ਰਣਤੀ ਨਾਇਕ ਨੇ ਜਿਮਨਾਸਟਿਕ ਵਿੱਚ ਦੋ ਸੋਨ ਤਮਗੇ ਜਿੱਤੇ। ਉਨ੍ਹਾਂ ਨੇ ‘ਅਨਈਨਨ ਬਾਰਜ਼’ ਅਤੇ ‘ਫਲੋਰ ਐਕਸਰਸਾਈਜ਼’ ਵਰਗ ਵਿੱਚ ਪੀਲਾ ਤਮਗਾ ਜਿੱਤਿਆ। ਤ੍ਰਿਪੁਰਾ ਦੀ ਜਿਮਨਾਸਟ ਪ੍ਰਤਿਸ਼ਠਾ ਸਾਮੰਤ ਨੇ ਵੀ 'ਆਰਟਿਸਟਿਕ ਵਾਲਟਿੰਗ' ਅਤੇ 'ਬੈਲੈਂਸਿੰਗ ਬੀਮ' ਵਿੱਚ ਦੋ ਸੋਨ ਤਮਗੇ ਜਿੱਤੇ। ਕੁਸ਼ਤੀ ਵਿੱਚ ਅੰਡਰ-20 ਵਿਸ਼ਵ ਚੈਂਪੀਅਨ ਅੰਤਿਮ ਪੰਘਾਲ ਨੇ ਮਹਿਲਾਵਾਂ ਦੇ 53 ਕਿਲੋ ਵਰਗ ਵਿੱਚ ਸੋਨ ਤਮਗਾ ਜਿੱਤਿਆ।

ਹਿਸਾਰ ਦੀ 18 ਸਾਲਾ ਪਹਿਲਵਾਨ ਨੇ ਫਾਈਨਲ ਵਿੱਚ ਮੱਧ ਪ੍ਰਦੇਸ਼ ਦੀ ਪ੍ਰਿਯਾਂਸ਼ੀ ਪ੍ਰਜਾਪਤੀ ਨੂੰ ਹਰਾਇਆ। ਬੈਡਮਿੰਟਨ 'ਚ ਚੋਟੀ ਦਾ ਦਰਜਾ ਪ੍ਰਾਪਤ ਤੇਲੰਗਾਨਾ ਦੀ ਟੀਮ ਨੇ ਮਿਕਸਡ ਟੀਮ ਚੈਂਪੀਅਨਸ਼ਿਪ ਦੇ ਸੈਮੀਫਾਈਨਲ 'ਚ ਮਹਾਰਾਸ਼ਟਰ ਨੂੰ 3-2 ਨਾਲ ਹਰਾ ਕੇ ਸਖ਼ਤ ਸੰਘਰਸ਼ ਕੀਤਾ। ਫਾਈਨਲ ਵਿੱਚ ਤੇਲੰਗਾਨਾ ਦਾ ਸਾਹਮਣਾ ਐੱਚ.ਐੱਸ. ਪ੍ਰਣਯ ਦੀ ਅਗਵਾਈ ਵਾਲੀ ਕੇਰਲਾ ਟੀਮ ਨਾਲ ਹੋਵੇਗਾ, ਜਿਸ ਨੇ ਮੇਜ਼ਬਾਨ ਗੁਜਰਾਤ ਨੂੰ 3-1 ਨਾਲ ਹਰਾਇਆ ਸੀ। ਹਾਕੀ ਮੁਕਾਬਲਿਆਂ ਦੇ ਪਹਿਲੇ ਦਿਨ, ਸੁਨਲੀਟ ਟੋਪੋ ਦੇ ਇੱਕ ਗੋਲ ਦੀ ਮਦਦ ਨਾਲ ਮਹਿਲਾਵਾਂ ਦੇ ਗਰੁੱਪ ਏ ਮੈਚ ਵਿਚ ਓਡੀਸ਼ਾ ਨੇ ਉੱਤਰ ਪ੍ਰਦੇਸ਼ ਦੇ ਖ਼ਿਲਾਫ਼ 3-2 ਨਾਲ ਜਿੱਤ ਦਰਜ ਕੀਤੀ। ਹਰਿਆਣਾ ਨੇ ਇਕ ਹੋਰ ਮੈਚ ਵਿਚ ਗੁਜਰਾਤ ਨੂੰ 30-1 ਨਾਲ ਹਰਾਇਆ। ਨਵਨੀਤ ਕੌਰ ਅਤੇ ਨੇਹਾ ਨੇ ਪੰਜ-ਪੰਜ ਗੋਲ ਕੀਤੇ। ਮੇਜ਼ਬਾਨ ਟੀਮ ਲਈ ਮੁਸਕਾਨ ਕੁਰੈਸ਼ੀ ਨੇ 37ਵੇਂ ਮਿੰਟ ਵਿੱਚ ਤਸੱਲੀ ਵਾਲਾ ਗੋਲ ਕੀਤਾ।