IPL 2024 : ਖ਼ਿਤਾਬੀ ਮੁਕਾਬਲੇ 'ਚ ਫੇਲ੍ਹ ਸਾਬਿਤ ਹੋਏ ਹੈਦਰਾਬਾਦ ਦੇ ਬੱਲ਼ੇਬਾਜ਼, ਪੂਰੀ ਟੀਮ 113 ਦੌੜਾਂ 'ਤੇ ਹੋਈ ਢੇਰ

ਸਪੋਰਟਸ ਡੈਸਕ : ਕੋਲਕਾਤਾ ਨਾਈਟ ਰਾਈਡਰਜ਼ ਅਤੇ ਸਨਰਾਈਜ਼ਰਸ ਹੈਦਰਾਬਾਦ ਵਿਚਾਲੇ ਆਈ.ਪੀ.ਐੱਲ. 2024 ਦਾ ਫਾਈਨਲ ਮੈਚ ਚੇਨਈ ਦੇ ਐੱਮ.ਏ. ਚਿਦੰਬਰਮ ਸਟੇਡੀਅਮ ਵਿੱਚ ਖੇਡਿਆ ਜਾ ਰਿਹਾ ਹੈ। ਹੈਦਰਾਬਾਦ ਦੇ ਕਪਤਾਨ ਪੈਟ ਕਮਿੰਸ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲ਼ੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਇਹ ਹੈਦਰਾਬਾਦ ਲਈ ਲਾਭਦਾਇਕ ਸੌਦਾ ਸਾਬਤ ਹੋ ਸਕਦਾ ਹੈ ਕਿਉਂਕਿ ਇਸ ਸੀਜ਼ਨ 'ਚ ਉਨ੍ਹਾਂ ਨੇ ਪਹਿਲਾਂ ਬੱਲ਼ੇਬਾਜ਼ੀ ਕਰਦੇ ਹੋਏ ਵੱਡਾ ਸਕੋਰ ਬਣਾ ਕੇ ਕਈ ਅਹਿਮ ਮੈਚ ਜਿੱਤੇ ਹਨ।
ਸਨਰਾਈਜ਼ਰਸ ਹੈਦਰਾਬਾਦ

ਹੈਦਰਾਬਾਦ ਨੇ ਸਿਰਫ 2 ਓਵਰਾਂ 'ਚ ਗੁਆਏ ਸਲਾਮੀ ਬੱਲ਼ੇਬਾਜ਼ : ਸੀਜ਼ਨ 'ਚ ਹੈਦਰਾਬਾਦ ਲਈ ਸਭ ਤੋਂ ਮਜ਼ਬੂਤ ​​ਪਹਿਲੂ ਓਪਨਿੰਗ ਜੋੜੀ ਰਹੀ ਹੈ। ਪਰ ਇਹ ਜੋੜੀ ਫਾਈਨਲ ਮੈਚ ਵਿੱਚ ਕੋਲਕਾਤਾ ਖ਼ਿਲਾਫ਼ ਨਾਕਾਮ ਰਹੀ। ਅਭਿਸ਼ੇਕ ਸ਼ਰਮਾ ਨੂੰ ਪਹਿਲੇ ਹੀ ਓਵਰ 'ਚ ਮਿਸ਼ੇਲ ਸਟਾਰਕ ਨੇ ਪੈਵੇਲੀਅਨ ਦਾ ਰਸਤਾ ਦਿਖਾਇਆ, ਜਦਕਿ ਦੂਜੇ ਓਵਰ 'ਚ ਗੇਂਦਬਾਜ਼ੀ ਕਰਨ ਆਏ ਵੈਭਵ ਅਰੋੜਾ ਨੇ ਓਵਰ ਦੀ ਆਖਰੀ ਗੇਂਦ 'ਤੇ ਟ੍ਰੈਵਿਸ ਹੈੱਡ ਨੂੰ ਗੁਰਬਾਜ਼ ਹੱਥੋਂ ਕੈਚ ਆਊਟ ਕਰਵਾ ਦਿੱਤਾ। ਟ੍ਰੈਵਿਸ ਇਕ ਵਾਰ ਫਿਰ ਤੋਂ ਗੋਲਡਨ ਡਕ ਹੋਏ। ਇਸ ਤੋਂ ਪਹਿਲਾਂ ਕੁਆਲੀਫਾਇਰ 'ਚ ਹੈੱਡ ਸਟਾਰਕ ਦੀ ਗੇਂਦ 'ਤੇ ਜ਼ੀਰੋ 'ਤੇ ਆਊਟ ਹੋ ਗਏ ਸਨ। 

ਪਾਵਰਪਲੇ 'ਚ ਹੈਦਰਾਬਾਦ ਨੂੰ ਮਿਲਿਆ ਦੂਜਾ ਸਭ ਤੋਂ ਘੱਟ ਸਕੋਰ : 2 ਓਵਰਾਂ 'ਚ 2 ਵਿਕਟਾਂ ਡਿੱਗਣ ਤੋਂ ਬਾਅਦ ਜ਼ਿੰਮੇਵਾਰੀ ਰਾਹੁਲ ਤ੍ਰਿਪਾਠੀ ਅਤੇ ਏਡੇਨ ਮਾਰਕਰਮ 'ਤੇ ਆ ਗਈ। ਤ੍ਰਿਪਾਠੀ (9) ਅਵਿਸ਼ਵਾਸ 'ਚ ਦਿਖ ਰਿਹਾ ਸੀ। ਇਸ ਲਈ ਉਹ 5ਵੇਂ ਓਵਰ ਵਿੱਚ ਹੀ ਸਟਾਰਕ ਦਾ ਸ਼ਿਕਾਰ ਹੋ ਗਏ। ਨਿਤੀਸ਼ ਰੈੱਡੀ ਨੇ ਕ੍ਰੀਜ਼ 'ਤੇ ਆ ਕੇ ਕੁਝ ਹਮਲਾਵਰ ਸ਼ਾਟ ਲਗਾਏ ਪਰ ਉਹ 7ਵੇਂ ਓਵਰ 'ਚ ਹਰਸ਼ਿਤ ਰਾਣਾ ਦਾ ਸ਼ਿਕਾਰ ਹੋ ਗਏ। ਨਿਤੀਸ਼ ਨੇ 10 ਗੇਂਦਾਂ 'ਤੇ 13 ਦੌੜਾਂ ਬਣਾਈਆਂ। ਪਾਵਰਪਲੇ ਵਿੱਚ ਹੈਦਰਾਬਾਦ ਵੱਲੋਂ ਸਿਰਫ਼ 40 ਦੌੜਾਂ ਹੀ ਬਣਾਈਆਂ ਗਈਆਂ। ਇਹ ਸੀਜ਼ਨ ਵਿੱਚ ਹੈਦਰਾਬਾਦ ਦਾ ਦੂਜਾ ਸਭ ਤੋਂ ਘੱਟ ਸਕੋਰ ਸੀ। ਇਸ ਤੋਂ ਪਹਿਲਾਂ ਰਾਜਸਥਾਨ ਖਿਲਾਫ ਪਾਵਰਪਲੇ 'ਚ ਉਹ ਸਿਰਫ 37 ਦੌੜਾਂ ਹੀ ਬਣਾ ਪਾਏ ਸਨ।
ਮਾਰਕਰਮ ਵੀ ਹੋਏ ਫੇਲ੍ਹ : ਜ਼ਿੰਮੇਵਾਰੀ ਏਡਨ ਮਾਰਕਰਮ 'ਤੇ ਸੀ ਜਦੋਂ ਉਨ੍ਹਾਂ ਨੇ 47 ਦੌੜਾਂ 'ਤੇ 4 ਵਿਕਟਾਂ ਗੁਆ ਦਿੱਤੀਆਂ ਸਨ। ਉਹ ਵੀ ਦਬਾਅ ਹੇਠ ਨਜ਼ਰ ਆਏ। ਉਨ੍ਹਾਂ ਨੂੰ ਬੱਲੇ ਨੂੰ ਗੇਂਦ ਨਾਲ ਜੋੜਨਾ ਮੁਸ਼ਕਲ ਹੋ ਰਿਹਾ ਸੀ। ਇਸ ਕਾਰਨ ਉਹ 11ਵੇਂ ਓਵਰ ਵਿੱਚ ਆਂਦਰੇ ਰਸਲ ਦਾ ਸ਼ਿਕਾਰ ਹੋ ਗਏ। ਮਾਰਕਰਮ ਨੇ ਗੇਂਦ 'ਤੇ ਛੱਕਾ ਲਗਾਇਆ ਪਰ ਸਟਾਰਕ ਨੇ ਇਸ ਨੂੰ ਬਾਊਂਡਰੀ ਰੋਪ 'ਤੇ ਕੈਚ ਕਰ ਲਿਆ। 12ਵੇਂ ਓਵਰ ਵਿੱਚ ਕੋਲਕਾਤਾ ਦੇ ਸਪਿਨਰ ਚੱਕਰਵਰਤੀ ਨੇ ਆਪਣਾ ਜਾਦੂ ਚਲਾਇਆ ਅਤੇ ਸ਼ਾਹਬਾਜ਼ ਅਹਿਮਦ (8) ਦਾ ਵਿਕਟ ਲਿਆ। ਇਸ ਨਾਲ ਹੈਦਰਾਬਾਦ ਦਾ ਸਕੋਰ 71-6 ਹੋ ਗਿਆ।

ਕਪਤਾਨ ਕਮਿੰਸ ਨੇ ਖੇਡੀ ਛੋਟੀ ਪਾਰੀ : ਵਿਕਟਾਂ ਛੇਤੀ ਡਿੱਗਣ ਕਾਰਨ ਟੇਲ ਬੱਲ਼ੇਬਾਜ਼ੀ ਵੀ ਦਬਾਅ ਵਿੱਚ ਆ ਗਈ। ਅਬਦੁਲ ਸਮਦ 4 ਗੇਂਦਾਂ 'ਤੇ 4 ਦੌੜਾਂ ਬਣਾ ਕੇ ਪੈਵੇਲੀਅਨ ਪਰਤ ਗਏ। ਇਸ ਦੇ ਨਾਲ ਹੀ ਹੈਦਰਾਬਾਦ ਦੀ ਉਮੀਦ ਹੈਨਰਿਕ ਕਲਾਸੇਨ 17 ਗੇਂਦਾਂ 'ਚ 16 ਦੌੜਾਂ ਬਣਾ ਕੇ ਹਰਸ਼ਿਤ ਰਾਣਾ ਦਾ ਸ਼ਿਕਾਰ ਹੋ ਗਈ। ਜੈਦੇਵ ਉਨਾਦਕਟ ਨੇ 11 ਗੇਂਦਾਂ ਵਿੱਚ 4 ਦੌੜਾਂ ਬਣਾਈਆਂ। ਕਪਤਾਨ ਪੈਟ ਕਮਿੰਸ (24) ਨੇ ਇਕ ਸਿਰਾ ਸੰਭਾਲਿਆ ਅਤੇ ਕੁਝ ਦੌੜਾਂ ਬਣਾਈਆਂ। ਇਸ ਦੌਰਾਨ ਸਟਾਰਕ ਨੇ ਵੀ ਇੱਕ ਕੈਚ ਛੱਡਿਆ ਪਰ 19ਵੇਂ ਓਵਰ ਵਿੱਚ ਉਸ ਦਾ ਵਿਕਟ ਡਿੱਗਣ ਕਾਰਨ ਹੈਦਰਾਬਾਦ ਦੀ ਪਾਰੀ ਵੀ 113 ਦੌੜਾਂ ’ਤੇ ਹੀ ਸਮਾਪਤ ਹੋ ਗਈ।

ਹੈੱਡ ਟੂ ਹੈੱਡ
ਦੋਵਾਂ ਟੀਮਾਂ ਵਿਚਾਲੇ ਹੁਣ ਤੱਕ 27 ਮੈਚ ਹੋਏ ਹਨ, ਜਿਸ 'ਚ ਕੋਲਕਾਤਾ ਦਾ ਪਲੜਾ ਭਾਰੀ ਰਿਹਾ ਹੈ। ਕੋਲਕਾਤਾ ਨੇ 18 ਅਤੇ ਹੈਦਰਾਬਾਦ ਨੇ 9 ਮੈਚ ਜਿੱਤੇ ਹਨ। ਦੋਵਾਂ ਟੀਮਾਂ ਵਿਚਾਲੇ ਪਿਛਲੇ 5 ਮੈਚਾਂ 'ਚੋਂ ਕੋਲਕਾਤਾ ਨੇ 4 'ਚ ਜਿੱਤ ਦਰਜ ਕੀਤੀ ਹੈ।

ਇਹ ਵੀ ਪੜ੍ਹੋ- IPL 2024 Final : 'ਅਸੀਂ ਯਕੀਨੀ ਤੌਰ 'ਤੇ ਟਰਾਫੀ ਜਿੱਤਾਂਗੇ',ਖ਼ਿਤਾਬੀ ਮੁਕਾਬਲੇ ਤੋਂ ਪਹਿਲਾਂ ਬੋਲੇ ਭੁਵਨੇਸ਼ਵਰ
ਪਿੱਚ-ਮੌਸਮ ਦੀ ਰਿਪੋਰਟ
ਚੇਨਈ ਵਿੱਚ ਹੈਦਰਾਬਾਦ ਅਤੇ ਰਾਜਸਥਾਨ ਵਿਚਾਲੇ ਹੋਏ ਮੈਚ ਵਿੱਚ ਤ੍ਰੇਲ ਦਾ ਅਸਰ ਘੱਟ ਰਿਹਾ। ਸਪਿਨਰਾਂ ਨੂੰ ਪਿੱਚ ਤੋਂ ਕਾਫੀ ਮਦਦ ਮਿਲੀ। ਪਰ ਹੁਣ ਸਵਿੰਗ ਗੇਂਦਬਾਜ਼ ਇਸ ਸਤ੍ਹਾ 'ਤੇ ਕਾਰਗਰ ਸਾਬਤ ਹੋ ਸਕਦੇ ਹਨ। ਪੂਰੇ ਸੀਜ਼ਨ ਦੌਰਾਨ ਇਸ ਮੈਦਾਨ 'ਤੇ ਹਾਈ ਸਕੋਰਿੰਗ ਮੈਚ ਦੇਖਣ ਨੂੰ ਮਿਲੇ ਹਨ। ਮੈਚ ਦੌਰਾਨ ਚੇਨਈ ਦਾ ਤਾਪਮਾਨ 32 ਡਿਗਰੀ ਸੈਲਸੀਅਸ ਦੇ ਆਸ-ਪਾਸ ਰਹਿਣ ਦੀ ਸੰਭਾਵਨਾ ਹੈ, ਜਦਕਿ ਅਸਲ ਤਾਪਮਾਨ 37 ਡਿਗਰੀ ਸੈਲਸੀਅਸ ਰਹਿਣ ਦੀ ਉਮੀਦ ਹੈ। ਨਮੀ ਦਾ ਪੱਧਰ ਲਗਭਗ 66% ਰਹਿਣ ਦੀ ਉਮੀਦ ਹੈ। ਮੀਂਹ ਦੀ ਸੰਭਾਵਨਾ 3% ਹੈ।
ਦਿਲਚਸਪ ਮੈਚ ਅੰਕੜੇ
ਟੀ-20 'ਚ ਪਹਿਲੀ ਵਾਰ ਹੈੱਡ ਦਾ ਸਾਹਮਣਾ ਸਟਾਰਕ ਨਾਲ ਹੋਇਆ ਅਤੇ ਉਹ ਦੂਜੀ ਗੇਂਦ 'ਤੇ ਬੋਲਡ ਹੋ ਗਿਆ। ਇਸੇ ਤਰ੍ਹਾਂ ਹੈੱਡ ਨੇ ਨਾਰਾਇਣ ਅਤੇ ਰਸਲ ਦੀਆਂ ਸਿਰਫ 14 ਗੇਂਦਾਂ ਹੀ ਖੇਡੀਆਂ ਹਨ। ਉਨ੍ਹਾਂ ਕੋਲ ਕੋਲਕਾਤਾ ਦੇ ਗੇਂਦਬਾਜ਼ਾਂ ਨੂੰ ਖੇਡਣ ਦਾ ਤਜਰਬਾ ਨਹੀਂ ਹੈ।
- ਕੇਕੇਆਰ ਦੇ ਗੇਂਦਬਾਜ਼ਾਂ ਨੇ ਪਿਛਲੇ ਪੰਜ ਮੈਚਾਂ ਵਿੱਚ 47 ਵਿਕਟਾਂ ਲਈਆਂ ਹਨ। ਇਸ ਸਮੇਂ ਦੌਰਾਨ, ਉਨ੍ਹਾਂ ਦੀ ਸਮੂਹਿਕ ਔਸਤ 16 ਅਤੇ ਆਰਥਿਕਤਾ 7.95 ਰਹੀ ਹੈ।
- ਅਭਿਸ਼ੇਕ ਸ਼ਰਮਾ ਦਾ ਰਸਲ (12 ਗੇਂਦਾਂ 'ਤੇ ਦੋ ਆਊਟ) ਦੇ ਖਿਲਾਫ ਖਰਾਬ ਪ੍ਰਦਰਸ਼ਨ ਰਿਹਾ ਹੈ ਪਰ ਉਸ ਨੇ ਕੇਕੇਆਰ ਦੇ ਸਪਿਨਰਾਂ ਵਰੁਣ ਅਤੇ ਨਰਾਇਣ ਖਿਲਾਫ 175 ਤੋਂ ਵੱਧ ਦੌੜਾਂ ਬਣਾਈਆਂ ਹਨ।
- ਨਾਰਾਇਣ ਨੇ ਹੁਣ ਤੱਕ ਖੇਡੇ ਗਏ 13 ਪਲੇਆਫ ਮੈਚਾਂ 'ਚੋਂ 7 'ਚ ਵਿਕਟ ਨਹੀਂ ਲਈ ਹੈ। ਉਨ੍ਹਾਂ ਨੇ ਬਾਕੀ 6 ਵਿੱਚ 11 ਵਿਕਟਾਂ ਲਈਆਂ ਹਨ।
- ਵਰੁਣ ਅਤੇ ਸਟਾਰਕ ਦੇ ਖਿਲਾਫ ਕਲਾਸੇਨ ਦਾ ਟੀ-20 ਸਟ੍ਰਾਈਕ ਰੇਟ 200 ਤੋਂ ਵੱਧ ਹੈ ਜਦਕਿ ਨਾਰਾਇਣ ਦੇ ਖਿਲਾਫ ਇਹ 166.67 ਹੈ। ਰਸਲ ਨੇ ਕਲਾਸਨ ਨੂੰ ਸ਼ਾਂਤ ਰੱਖਿਆ ਹੈ। ਉਸ ਨੇ 10 ਗੇਂਦਾਂ 'ਤੇ ਸਿਰਫ 12 ਦੌੜਾਂ ਦਿੱਤੀਆਂ।
- ਕੁਆਲੀਫਾਇਰ 1 ਜਿੱਤਣ ਵਾਲੀ ਟੀਮ ਨੇ ਪਿਛਲੇ 6 ਆਈਪੀਐੱਲ ਫਾਈਨਲਜ਼ (2018 ਤੋਂ 2023) ਵਿੱਚੋਂ ਹਰ ਇੱਕ ਜਿੱਤਿਆ ਹੈ।

ਇਹ ਵੀ ਪੜ੍ਹੋ- ਆਖਰੀ ਗੇੜ ’ਚ ਰਾਜਸਥਾਨ ਰਾਇਲਜ਼ ਦੇ ਖਿਡਾਰੀਆਂ ’ਤੇ ਥਕਾਨ ਹਾਵੀ ਹੋ ਗਈ-ਸੰਗਾਕਾਰਾ
ਦੋਵੇਂ ਟੀਮਾਂ ਦੀ ਪਲੇਇੰਗ 11 
ਸਨਰਾਈਜ਼ਰਜ਼ ਹੈਦਰਾਬਾਦ: ਟ੍ਰੈਵਿਸ ਹੈੱਡ, ਅਭਿਸ਼ੇਕ ਸ਼ਰਮਾ, ਰਾਹੁਲ ਤ੍ਰਿਪਾਠੀ, ਏਡਨ ਮਾਰਕਰਮ, ਨਿਤੀਸ਼ ਰੈੱਡੀ, ਹੇਨਰਿਕ ਕਲਾਸੇਨ (ਵਿਕਟਕੀਪਰ), ਸ਼ਾਹਬਾਜ਼ ਅਹਿਮਦ, ਪੈਟ ਕਮਿੰਸ (ਕਪਤਾਨ), ਭੁਵਨੇਸ਼ਵਰ ਕੁਮਾਰ, ਜੈਦੇਵ ਉਨਾਦਕਟ, ਟੀ ਨਟਰਾਜਨ।
ਕੋਲਕਾਤਾ ਨਾਈਟ ਰਾਈਡਰਜ਼: ਰਹਿਮਾਨਉੱਲ੍ਹਾ ਗੁਰਬਾਜ਼ (ਵਿਕਟਕੀਪਰ), ਸੁਨੀਲ ਨਾਰਾਇਣ, ਵੈਂਕਟੇਸ਼ ਅਈਅਰ, ਸ਼੍ਰੇਅਸ ਅਈਅਰ (ਕਪਤਾਨ), ਰਿੰਕੂ ਸਿੰਘ, ਆਂਦਰੇ ਰਸਲ, ਰਮਨਦੀਪ ਸਿੰਘ, ਮਿਸ਼ੇਲ ਸਟਾਰਕ, ਵੈਭਵ ਅਰੋੜਾ, ਹਰਸ਼ਿਤ ਰਾਣਾ, ਵਰੁਣ ਚੱਕਰਵਰਤੀ।