ਭਾਰਤੀ ਕ੍ਰਿਕਟ ਟੀਮ ਦੇ ਸਲਾਮੀ ਬੱਲੇਬਾਜ਼ ਸ਼ੁਭਮਨ ਗਿੱਲ ਨੇ ਵਨਡੇ ਰੈਂਕਿੰਗ ''ਚ ਲਗਾਈ ਛਲਾਂਗ

ਨਵੀਂ ਦਿੱਲੀ- ਭਾਰਤੀ ਕ੍ਰਿਕਟ ਟੀਮ ਦੇ ਸਲਾਮੀ ਬੱਲੇਬਾਜ਼ ਸ਼ੁਭਮਨ ਗਿੱਲ ਨੇ ਕਈ ਮੌਕਿਆਂ 'ਤੇ ਚੰਗਾ ਪ੍ਰਦਰਸ਼ਨ ਕੀਤਾ ਹੈ। ਉਨ੍ਹਾਂ ਨੇ ਵੈਸਟਇੰਡੀਜ਼ ਖ਼ਿਲਾਫ਼ ਵਨਡੇ ਸੀਰੀਜ਼ ਦੇ ਤੀਜੇ ਮੈਚ 'ਚ 85 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ। ਇਸ ਤੋਂ ਬਾਅਦ ਟੀ-20 ਸੀਰੀਜ਼ ਦੇ ਚੌਥੇ ਮੈਚ 'ਚ 77 ਦੌੜਾਂ ਬਣਾਈਆਂ ਸਨ। ਗਿੱਲ ਨੂੰ ਵਨਡੇ ਰੈਂਕਿੰਗ 'ਚ ਫ਼ਾਇਦਾ ਹੋਇਆ ਹੈ। ਉਹ ਤਾਜ਼ਾ ਆਈਸੀਸੀ ਵਨਡੇ ਰੈਂਕਿੰਗ 'ਚ ਚੌਥੇ ਨੰਬਰ 'ਤੇ ਪਹੁੰਚ ਗਏ ਹਨ। ਹੁਣ ਉਨ੍ਹਾਂ ਦੇ ਅਤੇ ਵਿਰਾਟ ਕੋਹਲੀ ਵਿਚਾਲੇ ਚਾਰ ਸਥਾਨਾਂ ਦਾ ਫਰਕ ਹੈ। ਕੋਹਲੀ 9ਵੇਂ ਨੰਬਰ 'ਤੇ ਹਨ।

ਇਹ ਵੀ ਪੜ੍ਹੋ- ਜ਼ਿੰਬਾਬਵੇ ਦੇ ਸਾਬਕਾ ਕਪਤਾਨ ਹੀਥ ਸਟ੍ਰੀਕ ਦੇ ਦਿਹਾਂਤ ਦੀ ਖ਼ਬਰ ਇੰਟਰਨੈੱਟ 'ਤੇ ਫੈਲੀ, ਸਾਬਕਾ ਸਾਥੀ ਨੇ ਦੱਸੀ ਸੱਚਾਈ
ਬੱਲੇਬਾਜ਼ਾਂ ਦੀ ਆਈਸੀਸੀ ਵਨਡੇ ਰੈਂਕਿੰਗ 'ਚ ਸਿਰਫ਼ ਸ਼ੁਭਮਨ ਅਤੇ ਕੋਹਲੀ ਹੀ ਸਿਖਰਲੇ 10 'ਚ ਹਨ। ਰੋਹਿਤ ਸ਼ਰਮਾ ਟਾਪ 10 'ਚੋਂ ਬਾਹਰ ਹਨ। ਸ਼ੁਭਮਨ ਦੇ 743 ਅੰਕ ਹਨ। ਵਨਡੇ 'ਚ ਪਾਕਿਸਤਾਨ ਦੇ ਬਾਬਰ ਆਜ਼ਮ ਚੋਟੀ 'ਤੇ ਹਨ। ਬਾਬਰ ਦੇ 880 ਅੰਕ ਹਨ। ਦੂਜੇ ਨੰਬਰ 'ਤੇ ਦੱਖਣੀ ਅਫਰੀਕਾ ਦੀ ਰਾਸੀ ਵੇਨ ਡੇਰ ਡੁਸੇਨ ਹੈ। ਇਮਾਮ-ਉਲ-ਹੱਕ ਤੀਜੇ ਨੰਬਰ 'ਤੇ ਹਨ। ਪਾਕਿਸਤਾਨ ਦੇ ਇਮਾਮ ਦੇ 752 ਅੰਕ ਹਨ। ਆਇਰਲੈਂਡ ਦੇ ਹੈਰੀ ਟੇਕਟਰ 6ਵੇਂ ਨੰਬਰ 'ਤੇ ਹਨ। ਉਨ੍ਹਾਂ ਦੇ ਕੋਲ 726 ਅੰਕ ਹਨ।

ਇਹ ਵੀ ਪੜ੍ਹੋ- ਵੱਖਰੇ ਬੱਲੇਬਾਜ਼ੀ ਸਟਾਈਲ ਨਾਲ ਮਦਦ ਮਿਲਦੀ ਹੈ, ਰੋਹਿਤ ਦੇ ਨਾਲ ਸਾਂਝੇਦਾਰੀ 'ਤੇ ਬੋਲੇ ਗਿੱਲ
ਜੇਕਰ ਵਨਡੇ 'ਚ ਗੇਂਦਬਾਜ਼ਾਂ ਦੀ ਰੈਂਕਿੰਗ ਦੀ ਗੱਲ ਕਰੀਏ ਤਾਂ ਮੁਹੰਮਦ ਸਿਰਾਜ ਅਤੇ ਕੁਲਦੀਪ ਯਾਦਵ ਟਾਪ 10 'ਚ ਸ਼ਾਮਲ ਹਨ। ਸਿਰਾਜ 5ਵੇਂ ਨੰਬਰ 'ਤੇ ਹੈ। ਉਸ ਨੇ ਇੱਕ ਸਥਾਨ ਗੁਆ ​​ਦਿੱਤਾ ਹੈ ਸਿਰਾਜ ਦੇ 670 ਅੰਕ ਹਨ। ਕੁਲਦੀਪ 10ਵੇਂ ਨੰਬਰ 'ਤੇ ਹੈ। ਉਨ੍ਹਾਂ ਦੇ 622 ਅੰਕ ਹਨ। ਜੋਸ਼ ਹੇਜ਼ਲਵੁੱਡ ਸਿਖ਼ਰ 'ਤੇ ਹੈ। ਉਨ੍ਹਾਂ ਦੇ 705 ਅੰਕ ਹਨ। ਦੂਜੇ ਨੰਬਰ 'ਤੇ ਮਿਸ਼ੇਲ ਸਟਾਰਕ ਹਨ। ਉਨ੍ਹਾਂ ਦੇ 686 ਅੰਕ ਹਨ। ਅਫਗਾਨਿਸਤਾਨ ਦੇ ਮੁਜੀਬ ਉਰ ਰਹਿਮਾਨ ਤੀਜੇ ਨੰਬਰ 'ਤੇ ਹਨ।
ਦੱਸ ਦਈਏ ਕਿ ਭਾਰਤ ਵਨਡੇ ਟੀਮ ਰੈਂਕਿੰਗ 'ਚ ਤੀਜੇ ਨੰਬਰ 'ਤੇ ਹੈ। ਭਾਰਤ ਨੂੰ 113 ਰੇਟਿੰਗ ਮਿਲੀ ਹੈ। ਪਾਕਿਸਤਾਨ ਦੂਜੇ ਨੰਬਰ 'ਤੇ ਹੈ। ਪਾਕਿਸਤਾਨ ਨੂੰ 116 ਰੇਟਿੰਗ ਮਿਲੀ ਹੈ। ਆਸਟ੍ਰੇਲੀਆ 118 ਰੇਟਿੰਗਾਂ ਨਾਲ ਸਿਖਰ 'ਤੇ ਹੈ। ਟੀ-20 'ਚ ਟੀਮ ਇੰਡੀਆ ਸਿਖਰ 'ਤੇ ਹੈ। ਉਸ ਦੇ ਕੋਲ 264 ਰੇਟਿੰਗ ਹੈ। ਇਸ 'ਚ ਇੰਗਲੈਂਡ ਦੂਜੇ ਨੰਬਰ 'ਤੇ ਅਤੇ ਨਿਊਜ਼ੀਲੈਂਡ ਤੀਜੇ ਨੰਬਰ 'ਤੇ ਹੈ।

ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8