ਭਾਰਤ ਦੇ ਅਭਿਮਨਿਊ ਨੇ ਜਿੱਤਿਆ ਯੇਰੇਵਨ ਕੌਮਾਂਤਰੀ ਸ਼ਤਰੰਜ ਖ਼ਿਤਾਬ

ਯੇਰੇਵਾਨ, ਅਰਮੇਨੀਆ (ਨਿਕਲੇਸ਼ ਜੈਨ)- ਅਰਮੇਨੀਆ ਦੀ ਰਾਜਧਾਨੀ ਯੇਰੇਵਾਨ 'ਚ ਭਾਰਤ ਦੇ ਗ੍ਰਾਂਡ ਮਾਸਟਰ ਅਭਿਮਨਿਊ ਪੌਰਾਣਿਕ ਨੇ ਯੇਰੇਵਾਨ ਕੌਮਾਂਤਰੀ ਸ਼ਤਰੰਜ ਟੂਰਨਾਮੈਂਟ ਦਾ ਖ਼ਿਤਾਬ ਆਪਣੇ ਨਾਂ ਕੀਤਾ। ਅਭਿਮਨਿਊ ਨੇ 9 ਰਾਊਂਡ 'ਚ 6 ਜਿੱਤ ਤੇ 3 ਡਰਾਅ ਦੇ ਨਾਲ ਅਜੇਤੂ ਰਹਿੰਦੇ ਹੋਏ ਕੁਲ 7.5 ਅੰਕ ਬਣਾਏ ਤੇ ਬਿਹਤਰ ਟਾਈਬ੍ਰੇਕ ਦੇ ਆਧਾਰ 'ਤੇ ਪਹਿਲਾ ਸਥਾਨ ਹਾਸਲ ਕੀਤਾ, ਇਸ ਜਿੱਤ ਨਾਲ ਅਭਿਮਨਿਊ ਲਾਈਵ ਰੇਟਿੰਗ 'ਚ 2590 ਅੰਕ ਦੇ ਕਰੀਬ ਪਹੁੰਚ ਗਏ ਹਨ ਤੇ ਛੇਤੀ ਹੀ 2600 ਅੰਕ ਪਾਰ  ਕਰਨ ਵਾਲੇ ਅਗਲੇ ਭਾਰਤੀ ਹੋ ਸਕਦੇ ਹਨ, ਉਨ੍ਹਾਂ ਤੋਂ ਇਲਾਵਾ ਯੂਕ੍ਰੇਨ ਦੇ ਸਿਵੁਕ ਵਿਤਾਲਯ ਤੇ ਅਰਮੇਨੀਆ ਦੇ ਅਰਮਾਨ ਮਿਕਲਯਨ ਵੀ 7.5 ਅੰਕ ਬਣਾਉਣ 'ਚ ਸਫਲ ਰਹੇ ਪਰ ਟਾਈਬ੍ਰੇਕ ਦੇ ਆਧਾਰ 'ਤੇ ਕ੍ਰਮਵਾਰ ਦੂਜੇ ਤੇ ਤੀਜੇ ਸਥਾਨ 'ਤੇ ਰਹੇ। ਭਾਰਤ ਦੇ ਐੱਸ. ਐੱਲ. ਨਾਰਾਇਣਨ ਜੋ ਕਿ ਪ੍ਰਤੀਯੋਗਿਤਾ ਦੇ ਟਾਪ ਸੀਡ ਸਨ 7 ਅੰਕ ਬਣਾ ਕੇ ਤੀਜੇ ਸਥਾਨ 'ਤੇ ਰਹੇ। ਹੋਰ ਭਾਰਤੀ ਖਿਡਾਰੀਆਂ 'ਚ 6.5 ਅੰਕ ਬਣਾ ਕੇ ਅਰਜੁਨ ਐਰੀਗਾਸੀ ਛੇਵੇਂ, ਹਰਸ਼ਾ ਭਾਰਤਕੋਠੀ ਸਤਵੇਂ ਸਥਾਨ 'ਤੇ ਰਹੇ।

Final Ranking after 9 Rounds