ਅੰਡਰ-18 ਪੁਰਸ਼ ਏਸ਼ੀਆ ਕੱਪ ਹਾਕੀ : ਚੀਨੀ ਤਾਈਪੇ ਨੂੰ 13-1 ਨਾਲ ਹਰਾ ਕੇ ਭਾਰਤ ਸੈਮੀਫਾਈਨਲ ’ਚ

ਕਾਕਾਮੀਗਾਹਾਰਾ (ਜਾਪਾਨ)- ਭਾਰਤੀ ਪੁਰਸ਼ ਹਾਕੀ ਟੀਮ ਨੇ ਬੁੱਧਵਾਰ ਨੂੰ ਇੱਥੇ ਆਪਣੇ ਆਖਰੀ ਪੂਲ-ਏ ਮੈਚ ’ਚ ਚੀਨੀ ਤਾਈਪੇ ਨੂੰ 13-1 ਨਾਲ ਹਰਾ ਕੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਤੇ ਅੰਡਰ-18 ਏਸ਼ੀਆ ਕੱਪ 2026 ਦੇ ਸੈਮੀਫਾਈਨਲ ’ਚ ਜਗ੍ਹਾ ਬਣਾਈ। ਭਾਰਤ ਨੇ ਕਜ਼ਾਕਿਸਤਾਨ, ਕੋਰੀਆ ਤੇ ਚੀਨੀ ਤਾਈਪੇ ਵਿਰੁੱਧ ਜਿੱਤ ਦੇ ਨਾਲ ਆਪਣੇ ਪੂਲ ਮੈਚ ਖਤਮ ਕੀਤੇ ਜਦਕਿ ਮੇਜ਼ਬਾਨ ਜਾਪਾਨ ਤੋਂ ਉਸ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਨਾਲ ਟੀਮ ਨੂੰ 4 ਮੈਚ ’ਚੋਂ 9 ਅੰਕ ਮਿਲੇ।

ਚੀਨੀ ਤਾਈਪੇ ਵਿਰੁੱਧ ਟੀਮ ਨੇ ਹਮਲਾਵਰ ਰੁਖ਼ ਅਪਣਾਇਆ ਜਿਸ ’ਚ ਆਸ਼ੀਸ਼ ਤਾਨੀ ਪੂਰਤੀ ਨੇ ਹੈਟ੍ਰਿਕ (27ਵੇਂ, 35ਵੇਂ, 42ਵੇਂ ਮਿੰਟ) ਕਰਕੇ ਸਰਵੋਤਮ ਪ੍ਰਦਰਸ਼ਨ ਕੀਤਾ ਜਦਕਿ ਗਾਜ਼ੀ ਖਾਨ (40ਵੇਂ, 44ਵੇਂ), ਸਿਧਾਰਥ ਬੇਨ (30ਵੇਂ, 52ਵੇਂ) ਤੇ ਰਾਹੁਲ ਯਾਦਵ (20ਵੇਂ, 54ਵੇਂ) ਨੇ 2-2 ਗੋਲ ਕੀਤੇ। ਕਰਨ ਗੌਤਮ (7ਵੇਂ), ਪ੍ਰੇਮਚੰਦ ਸੋਏ (11ਵੇਂ), ਕਪਤਾਨ ਕੇਤਨ ਕੁਸ਼ਵਾਹਾ (13ਵੇਂ) ਤੇ ਵਰਿੰਦਰ ਸਿੰਘ (50ਵੇਂ) ਨੇ ਵੀ ਗੋਲ ਕੀਤੇ।