ਸ਼ਤਰੰਜ ''ਚ ਭਾਰਤ ਦਾ ਡੰਕਾ: ਪ੍ਰਗਿਆਨੰਦਾ ਨੇ ਸਿੰਦਾਰੋਵ ਨੂੰ ਹਰਾ ਕੇ ਜਿੱਤਿਆ ਸੈਂਟ ਲੁਈਸ ਖ਼ਿਤਾਬ

ਸਪੋਰਟਸ ਡੈਸਕ : ਭਾਰਤੀ ਗ੍ਰੈਂਡਮਾਸਟਰ ਆਰ. ਪ੍ਰਗਿਆਨੰਧਾ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਸੇਂਟ ਲੁਈਸ ਰੈਪਿਡ ਤੇ ਬਲਿਟਜ਼ ਟੂਰਨਾਮੈਂਟ ਜਿੱਤਿਆ, ਇੱਕ ਰਾਊਂਡ ਬਾਕੀ ਰਹਿੰਦਿਆਂ ਗ੍ਰੈਂਡ ਫਾਈਨਲ ਵਿੱਚ ਜਗ੍ਹਾ ਪੱਕੀ ਕਰ ਲਈ। ਪ੍ਰਗਿਆਨੰਧਾ ਨੇ ਸੇਂਟ ਲੁਈਸ ਅਮਰੀਕਾ 'ਚ ਆਯੋਜਿਤ ਸੇਂਟ ਲੁਈਸ ਰੈਪਿਡ ਅਤੇ ਬਲਿਟਜ਼ ਟੂਰਨਾਮੈਂਟ 23.5 ਅੰਕਾਂ ਨਾਲ ਜਿੱਤਿਆ। ਪ੍ਰਗਿਆਨੰਧਾ ਨੇ ਟੂਰਨਾਮੈਂਟ ਦੇ ਸਾਰੇ ਪੰਜ ਦਿਨਾਂ ਦੌਰਾਨ ਅਗਵਾਈ ਕੀਤੀ ਅਤੇ ਉਜ਼ਬੇਕਿਸਤਾਨ ਦੇ ਜ਼ਵੋਖਿਰ ਸਿੰਦਾਰੋਵ ਵਿਰੁੱਧ ਬਲਿਟਜ਼ ਗੇਮ ਡਰਾਅ ਕਰਨ ਤੋਂ ਬਾਅਦ ਇੱਕ ਰਾਊਂਡ ਬਾਕੀ ਰਹਿੰਦਿਆਂ ਜਿੱਤ ਪ੍ਰਾਪਤ ਕੀਤੀ। 23.5 ਅੰਕਾਂ ਨਾਲ ਟੂਰਨਾਮੈਂਟ ਖਤਮ ਕਰਦੇ ਹੋਏ, ਪ੍ਰਗਿਆਨੰਧਾ ਗ੍ਰੈਂਡ ਸ਼ਤਰੰਜ ਟੂਰ (ਜੀਸੀਟੀ) ਵਿੱਚ ਦੂਜੇ ਸਥਾਨ 'ਤੇ ਚਲਾ ਗਿਆ। ਇਸ ਨਾਲ ਇਸ ਸਾਲ ਦੇ ਅੰਤ ਵਿੱਚ ਗ੍ਰੈਂਡ ਫਾਈਨਲ ਵਿੱਚ ਵੀ ਉਸਦੀ ਜਗ੍ਹਾ ਪੱਕੀ ਹੋ ਜਾਂਦੀ ਹੈ। 
ਭਾਰਤੀ ਖਿਡਾਰੀ ਨੂੰ ਸਿਰਫ਼ ਸੀਜ਼ਨ ਦੇ ਆਖਰੀ ਟੂਰਨਾਮੈਂਟ ਵਿੱਚ ਆਪਣੀ ਫਾਰਮ ਬਣਾਈ ਰੱਖਣ ਦੀ ਲੋੜ ਹੈ, ਜੋ ਕਿ ਕਲਾਸੀਕਲ ਪ੍ਰਣਾਲੀ ਦੇ ਤਹਿਤ ਖੇਡਿਆ ਜਾਵੇਗਾ। ਸਿੰਦਾਰੋਵ ਦੇ ਖਿਲਾਫ ਥੋੜੀ ਜਿਹੀ ਲੀਡ ਨਾਲ ਰੈਪਿਡ ਸੈਕਸ਼ਨ ਜਿੱਤਣ ਤੋਂ ਬਾਅਦ ਪ੍ਰਗਿਆਨੰਧਾ ਨੇ ਬਲਿਟਜ਼ ਵਿੱਚ ਸਿਰਫ਼ ਇੱਕ ਗੇਮ ਹਾਰੀ ਅਤੇ 18 ਵਿੱਚੋਂ 11.5 ਅੰਕ ਹਾਸਲ ਕਰਨ ਲਈ ਜ਼ਰੂਰੀ ਜਿੱਤਾਂ ਹਾਸਲ ਕੀਤੀਆਂ। ਰੈਪਿਡ ਸੈਕਸ਼ਨ ਤੋਂ ਬਾਅਦ ਪ੍ਰਗਿਆਨੰਧਾ ਤੋਂ ਪੂਰੇ ਅੰਕ ਨਾਲ ਪਿੱਛੇ ਰਹਿਣ ਕਰਕੇ ਸਿੰਦਾਰੋਵ ਨੂੰ 22 ਅੰਕਾਂ ਨਾਲ ਦੂਜੇ ਸਥਾਨ 'ਤੇ ਸਬਰ ਕਰਨਾ ਪਿਆ, ਜਦੋਂ ਕਿ ਅਮਰੀਕੀ ਵੇਸਲੇ ਸੋ 20 ਅੰਕਾਂ ਨਾਲ ਤੀਜੇ ਸਥਾਨ 'ਤੇ ਰਿਹਾ।