ਭਾਰਤ-ਬੀ ਟੀਮ ਮਹਿਲਾ ਚੈਲੰਜਰ ਟਰਾਫੀ ਦੇ ਫਾਈਨਲ ''ਚ

ਕਟਕ— ਵੇਲਾਸਵਾਮੀ ਵਨਿਤਾ (30) ਅਤੇ ਕਪਤਾਨ ਸਮ੍ਰਿਤੀ ਮੰਧਾਨਾ (34) ਦੀਆਂ ਸ਼ਾਨਦਾਰ ਪਾਰੀਆਂ ਅਤੇ ਉਨ੍ਹਾਂ ਵਿਚਾਲੇ ਪਹਿਲੀ ਵਿਕਟ ਲਈ 58 ਦੌੜਾਂ ਦੀ ਸਾਂਝੇਦਾਰੀ ਦੀ ਬਦੌਲਤ ਭਾਰਤ-ਬੀ ਮਹਿਲਾ ਟੀਮ ਨੇ ਮੰਗਲਵਾਰ ਨੂੰ ਏ-ਟੀਮ ਨੂੰ 35 ਦੌੜਾਂ ਨਾਲ ਹਰਾ ਕੇ ਮਹਿਲਾ ਟੀ-20 ਚੈਲੰਜਰ ਟਰਾਫੀ ਦੇ ਫਾਈਨਲ ਵਿਚ ਪ੍ਰਵੇਸ਼ ਕਰ ਲਿਆ। ਬੀ ਟੀਮ ਨੇ 4 ਵਿਕਟਾਂ 'ਤੇ 139 ਦੌੜਾਂ ਦਾ ਮਜ਼ਬੂਤ ਸਕੋਰ ਬਣਾਇਆ ਸੀ, ਜਿਸ ਦੇ ਜਵਾਬ ਵਿਚ ਏ ਟੀਮ 7 ਵਿਕਟਾਂ 'ਤੇ 104 ਦੌੜਾਂ ਹੀ ਬਣਾ ਸਕੀ। ਬੀ ਟੀਮ ਦੀ 3 ਮੈਚਾਂ ਵਿਚ ਇਹ ਦੂਜੀ ਜਿੱਤ ਹੈ ਅਤੇ ਉਸ ਨੇ 10 ਅੰਕਾਂ ਦੇ ਨਾਲ ਫਾਈਨਲ ਵਿਚ ਜਗ੍ਹਾ ਬਣਾ ਲਈ ਹੈ ਜਦਕਿ ਉਸਦਾ ਇਕ ਮੈਚ ਅਜੇ ਬਾਕੀ ਹੈ।  ਏ-ਟੀਮ ਨੂੰ 3 ਮੈਚਾਂ ਵਿਚ ਦੂਜੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਅਤੇ ਉਸਦੇ ਖਾਤੇ ਵਿਚ 2 ਅੰਕ ਹਨ।