ਭਾਰਤ ਨੇ ਪਾਕਿਸਤਾਨ ਖਿਲਾਫ ਡੇਵਿਸ ਕੱਪ ਮੈਚ ਲਈ ਟੀਮ ਦਾ ਐਲਾਨ

ਨਵੀਂ ਦਿੱਲੀ— ਭਾਰਤ ਨੇ ਸ਼ਨੀਵਾਰ ਨੂੰ ਇਸਲਾਮਾਬਾਦ 'ਚ 3 ਅਤੇ 4 ਫਰਵਰੀ ਨੂੰ ਪਾਕਿਸਤਾਨ ਖਿਲਾਫ ਹੋਣ ਵਾਲੇ ਡੇਵਿਸ ਕੱਪ ਵਿਸ਼ਵ ਗਰੁੱਪ ਵਨ ਪਲੇਆਫ ਮੈਚ ਲਈ ਛੇ ਮੈਂਬਰੀ ਟੀਮ ਦਾ ਐਲਾਨ ਕੀਤਾ ਹੈ। ਰਾਮਕੁਮਾਰ ਰਾਮਨਾਥਨ, ਐੱਨ ਸ਼੍ਰੀਰਾਮ ਬਾਲਾਜੀ, ਯੂਕੀ ਭਾਂਬਰੀ, ਨਿਕੀ ਕਾਲਿੰਡਾ ਪੂਨਾਚਾ, ਸਾਕੇਤ ਮਾਈਨੇਨੀ ਅਤੇ ਦਿਗਵਿਜੇ ਪ੍ਰਤਾਪ ਸਿੰਘ ਨੂੰ ਟੀਮ 'ਚ ਸ਼ਾਮਲ ਕੀਤਾ ਗਿਆ ਹੈ।

ਇਹ ਵੀ ਪੜ੍ਹੋ- ਵਾਰਨਰ ਦੇ ਸੰਨਿਆਸ ਲੈਣ ਤੋਂ ਬਾਅਦ ਟੈਸਟ ਓਪਨਰ ਬਣਨ ਦਾ ਇਰਾਦਾ ਨਹੀਂ : ਮਿਸ਼ੇਲ ਮਾਰਸ਼
ਦਿਗਵਿਜੇ ਪ੍ਰਤਾਪ ਸਿੰਘ ਇੱਕ ਰਿਜ਼ਰਵ ਖਿਡਾਰੀ ਹੈ। ਰਾਮਨਾਥਨ ਅਤੇ ਪੂਨਾਚਾ ਸਿੰਗਲ ਮੈਚ ਖੇਡ ਸਕਦੇ ਹਨ ਜਦੋਂ ਕਿ ਯੂਕੀ, ਬਾਲਾਜੀ ਅਤੇ ਮਾਈਨੇਨੀ ਵਿੱਚੋਂ ਕਿਸੇ ਵੀ ਦੋ ਨੂੰ ਡਬਲਜ਼ ਮੈਚ ਲਈ ਚੁਣਿਆ ਜਾ ਸਕਦਾ ਹੈ। ਰੋਹਿਤ ਰਾਜਪਾਲ ਟੀਮ ਦੇ ਗੈਰ-ਖੇਡਣ ਵਾਲੇ ਕਪਤਾਨ ਹੋਣਗੇ ਜਦਕਿ ਜੀਸ਼ਾਨ ਅਲੀ ਕੋਚ ਦੀ ਭੂਮਿਕਾ ਨਿਭਾਉਣਗੇ।

ਇਹ ਵੀ ਪੜ੍ਹੋ- ਆਸਟ੍ਰੇਲੀਆ ਨੇ ਪਾਕਿ ’ਤੇ ਕੱਸਿਆ ਸ਼ਿਕੰਜਾ, 300 ਦੌੜਾਂ ਦੀ ਹੋਈ ਕੁਲ ਬੜ੍ਹਤ
ਆਲ ਇੰਡੀਆ ਟੈਨਿਸ ਐਸੋਸੀਏਸ਼ਨ (ਏਆਈਟੀਏ) ਨੇ ਜਾਰੀ ਬਿਆਨ ਵਿੱਚ ਕਿਹਾ ਕਿ ਚੋਣ ਕਮੇਟੀ ਦੀ ਮੀਟਿੰਗ ਦੀ ਪ੍ਰਧਾਨਗੀ ਨੰਦਨ ਬਲ ਨੇ ਕੀਤੀ ਅਤੇ ਇਸ ਵਿੱਚ ਕਮੇਟੀ ਦੇ ਹੋਰ ਮੈਂਬਰ ਬਲਰਾਮ ਸਿੰਘ, ਮੁਸਤਫਾ ਘੋਸ਼, ਸਾਈ ਜੈਲਕਸ਼ਮੀ, ਰਾਜਪਾਲ, ਜੀਸ਼ਾਨ ਅਤੇ ਸਕੱਤਰ ਅਨਿਲ ਧੂਪਰ ਵੀ ਮੌਜੂਦ ਸਨ।
ਭਾਰਤ ਨੇ ਆਖਰੀ ਵਾਰ 1964 ਵਿੱਚ ਪਾਕਿਸਤਾਨ ਦਾ ਦੌਰਾ ਕੀਤਾ ਸੀ ਅਤੇ 4-0 ਨਾਲ ਜਿੱਤ ਦਰਜ ਕੀਤੀ ਸੀ। ਭਾਰਤ ਹੁਣ ਤੱਕ ਪਾਕਿਸਤਾਨ ਤੋਂ ਕਦੇ ਨਹੀਂ ਹਾਰਿਆ ਹੈ। ਉਨ੍ਹਾਂ ਨੇ ਪਾਕਿਸਤਾਨ ਖਿਲਾਫ ਸਾਰੇ ਅੱਠ ਮੈਚ ਜਿੱਤੇ ਹਨ। ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਆਖਰੀ ਮੈਚ 2019 'ਚ ਨਿਰਪੱਖ ਸਥਾਨ 'ਤੇ ਖੇਡਿਆ ਗਿਆ ਸੀ। ਭਾਰਤ ਨੇ ਇਹ ਮੈਚ ਵੀ 4-0 ਨਾਲ ਜਿੱਤ ਲਿਆ ਸੀ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।