ਇੰਡੀਆ ਏ ਪੁਰਸ਼ ਹਾਕੀ ਟੀਮ ਨੇ ਆਇਰਲੈਂਡ ਨੂੰ 6-1 ਨਾਲ ਹਰਾਇਆ

ਆਇੰਡਹੋਵਨ, (ਨੀਦਰਲੈਂਡ)- ਇੰਡੀਆ ਏ ਪੁਰਸ਼ ਹਾਕੀ ਟੀਮ ਨੇ ਆਪਣੇ ਯੂਰਪੀ ਦੌਰੇ ਦੀ ਸ਼ੁਰੂਆਤ ਆਇਰਲੈਂਡ 'ਤੇ 6-1 ਦੀ ਸ਼ਾਨਦਾਰ ਜਿੱਤ ਨਾਲ ਕੀਤੀ। ਮੰਗਲਵਾਰ ਨੂੰ ਓਰਾਂਜੇ-ਰੂਡ ਹਾਕੀ ਕਲੱਬ ਵਿਖੇ ਖੇਡੇ ਗਏ ਮੈਚ ਵਿੱਚ, ਭਾਰਤੀ ਟੀਮ ਨੇ ਚਾਰੇ ਕੁਆਰਟਰਾਂ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। 

ਉੱਤਮ ਸਿੰਘ ਨੇ ਇੱਕ ਗੋਲ ਕਰਕੇ ਭਾਰਤੀ ਟੀਮ ਨੂੰ ਲੀਡ ਦਿਵਾਈ। ਅਮਨਦੀਪ ਲਾਕੜਾ ਨੇ ਗੋਲ ਕਰਕੇ ਟੀਮ ਦੀ ਲੀਡ ਦੁੱਗਣੀ ਕਰ ਦਿੱਤੀ। ਇਸ ਤੋਂ ਬਾਅਦ ਆਦਿਤਿਆ ਲਾਲਗੇ ਨੇ ਲਗਾਤਾਰ ਦੋ ਗੋਲ ਕਰਕੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਫਾਰਵਰਡ ਸੇਲਵਮ ਕਾਰਥੀ ਅਤੇ ਬੌਬੀ ਸਿੰਘ ਧਾਮੀ ਨੇ ਵੀ ਇੱਕ-ਇੱਕ ਗੋਲ ਕਰਕੇ ਸਕੋਰ ਵਿੱਚ ਯੋਗਦਾਨ ਪਾਇਆ। 

ਭਾਰਤ ਦੇ ਮਜ਼ਬੂਤ ​​ਡਿਫੈਂਸ ਦੇ ਸਾਹਮਣੇ ਆਇਰਲੈਂਡ ਸਿਰਫ਼ ਇੱਕ ਦਿਲਾਸਾ ਗੋਲ ਹੀ ਕਰ ਸਕਿਆ। ਅੱਜ ਭਾਰਤੀ ਟੀਮ ਆਪਣੇ ਦੂਜੇ ਮੈਚ ਵਿੱਚ ਆਇਰਲੈਂਡ ਦਾ ਸਾਹਮਣਾ ਕਰੇਗੀ। ਇਸ ਤੋਂ ਬਾਅਦ, ਭਾਰਤ ਅਗਲੇ ਦੋ ਹਫ਼ਤਿਆਂ ਵਿੱਚ ਫਰਾਂਸ, ਇੰਗਲੈਂਡ, ਬੈਲਜੀਅਮ ਅਤੇ ਮੇਜ਼ਬਾਨ ਨੀਦਰਲੈਂਡ ਨਾਲ ਖੇਡੇਗਾ।