ਭਾਰਤ-ਏ ਨੇ ਦੱਖਣੀ ਅਫਰੀਕਾ ਏ ਨੂੰ ਸੱਤ ਵਿਕਟਾਂ ਨਾਲ ਹਰਾਇਆ

9/12/2019 1:02:19 PM

ਸਪੋਰਸਟ ਡੈਸਕ— ਭਾਰਤ-ਏ ਨੇ ਵੀਰਵਾਰ ਨੂੰ ਇੱਥੇ ਪਹਿਲਾਂ ਗੈਰ ਅਧਿਕਾਰਤ ਟੈਸਟ ਦੇ ਆਖਰੀ ਦਿਨ ਦੱਖਣ ਅਫਰੀਕਾ-ਏ ਨੂੰ ਅਸਾਨੀ ਨਾਲ ਸੱਤ ਵਿਕਟਾਂ ਨਾਲ ਹਾਰ ਦੇ ਕੇ ਦੋ ਮੈਚਾਂ ਦੀ ਸੀਰੀਜ਼ 'ਚ 1-0 ਦੀ ਬੜ੍ਹਤ ਹਾਸਲ ਕੀਤੀ। ਮੁੰਬਈ ਦੇ ਆਲ ਰਾਊਂਡਰ ਸ਼ਿਵਮ ਦੁਬੇ ਨੇ ਲਗਾਤਾਰ ਗੇਂਦ 'ਚ ਦੋ ਛੱਕੇ ਲਾ ਕੇ ਮੇਜ਼ਬਾਨਾਂ ਦੀ ਜਿੱਤ ਪੱਕੀ ਕੀਤੀ। ਦੱਖਣੀ ਅਫਰੀਕਾ-ਏ ਨੇ ਦੂਜੀ ਪਾਰੀ 'ਚ ਨੌਂ ਵਿਕਟਾਂ ਤੇ 179 ਦੌੜਾਂ ਤੋਂ ਖੇਡਣਾ ਸ਼ੁਰੂ ਕੀਤਾ ਅਤੇ ਟੀਮ 186 ਦੌੜਾਂ 'ਤੇ ਸਿਮਟ ਗਈ। ਮੇਜ਼ਬਾਨ ਨੂੰ ਜਿੱਤ ਹਾਸਲ ਕਰਨ 'ਚ ਸਿਰਫ 3.5 ਓਵਰ ਲੱਗੇ।  

ਸਿਰਫ਼ 48 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਭਾਰਤ-ਏ ਨੇ ਦੂਜੀ ਪਾਰੀ 'ਚ ਕਪਤਾਨ ਸ਼ੁਭਮਨ ਗਿਲ (05), ਅੰਕਿਤ ਬਾਵਨੇ (06) ਅਤੇ ਕੇ. ਐੱਸ. ਭਰਤ (05) ਦੇ ਰੂਪ 'ਚ ਸਸਤੇ 'ਚ ਵਿਕਟਾਂ ਗੁਆ ਦਿੱਤੀਆਂ। ਪਰ ਦੁਬੇ (ਅਜੇਤੂ 12) ਅਤੇ ਰਿੱਕੀ ਭੂੰਡੀ (ਅਜੇਤੂ 20)  ਨੇ ਘਰੇਲੂ ਟੀਮ ਲਈ ਉਪਚਾਰਿਕਤਾ ਪੂਰੀ ਕੀਤੀ। ਦੱਖਣ ਅਫਰੀਕਾ-ਏ ਦੇ ਤੇਜ਼ ਗੇਂਦਬਾਜ਼ ਲੁੰਗੀ ਐਨਗਿਡੀ ਨੇ ਪਹਿਲੀ ਪਾਰੀ 'ਚ 90 ਦੌੜਾਂ ਬਣਾਉਣ ਵਾਲੇ ਗਿਲ ਨੂੰ ਬੋਲਡ ਕੀਤਾ। ਬਾਵਨੇ 17 ਗੇਂਦ ਖੇਡਣ  ਦੇ ਬਾਅਦ ਐਨਗਿਡੀ ਨੂੰ ਵਿਕਟ ਦੇ ਬੈਠੇ ਜਦ ਕਿ ਭਰਤ ਨੂੰ ਆਫ ਸਪਿਨਰ ਦਾਣੇ ਪਿਏਟ ਨੇ ਪਵੇਲੀਅਨ ਭੇਜਿਆ। ਦੁਬੇ ਨੇ ਪਿਏਟ ਦੀ ਲਗਾਤਾਰ ਗੇਂਦਾਂ 'ਤੇ ਦੋ ਛੱਕੇ ਲਾ ਕੇ ਟੀਮ ਨੂੰ ਜਿੱਤ ਦਿਲਾਈ।PunjabKesariਸ਼ਾਰਦੁਲ ਠਾਕੁਰ ਨੇ ਲੁਥੋ ਸਿਪਮਾਲਾ ਨੂੰ ਅੱਠ ਦੌੜਾਂ 'ਤੇ ਬੋਲਡ ਕੀਤਾ ਜਿਸਦੇ ਨਾਲ ਉਨ੍ਹਾਂ ਨੇ 31 ਦੌੜਾਂ ਦੇ ਕੇ ਦੋ ਵਿਕਟਾਂ ਹਾਸਲ ਕੀਤੀਆਂ। ਸਪਿਨਰ ਸ਼ਾਹਬਾਜ਼ ਨਦੀਮ (17 ਦੌੜਾਂ 'ਤੇ ਤਿੰਨ ਵਿਕਟਾਂ) ਅਤੇ ਜਲਜ ਸਕਸੇਨਾ (22 ਦੌੜਾਂ 'ਤੇ ਦੋ ਵਿਕਟਾਂ) ਭਾਰਤ ਏ ਲਈ ਦੂਜੀ ਪਾਰੀ 'ਚ ਸਭ ਤੋਂ ਬਿਹਤਰੀਨ ਗੇਂਦਬਾਜ਼ ਰਹੇ। ਬੀਤੇ ਦਿਨ ਬੁੱਧਵਾਰ ਨੂੰ ਗਰੀਨਫੀਲਡ ਸਟੇਡੀਅਮ 'ਚ ਸਿਰਫ 20 ਓਵਰਾਂ ਦਾ ਹੀ ਮੈਚ ਹੋ ਸਕਿਆ। ਭਾਰਤ ਏ ਨੇ ਦੱਖਣੀ ਅਫਰੀਕਾ-ਏ ਦੀ ਪਹਿਲੀ ਪਾਰੀ ਦੇ 164 ਦੌੜਾਂ ਦੇ ਜਵਾਬ 'ਚ 303 ਦੌੜਾਂ ਬਣਾਈਆਂ ਸਨ।PunjabKesari



ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ