ਵਨਡੇ ਮੈਚ ''ਚ ਟੀਮ ਨੇ ਬਣਾਈਆਂ 770 ਦੌੜਾਂ, ਇਕ ਖਿਡਾਰੀ ਨੇ 40 ਚੌਕੇ ਤੇ 22 ਛੱਕੇ ਜੜਦੇ ਹੋਏ ਠੋਕੀਆਂ 404 ਦੌੜਾਂ

ਸਪੋਰਟਸ ਡੈਸਕ- ਕ੍ਰਿਕਟਰ ਦੇ ਮੈਦਾਨ 'ਤੇ ਅਕਸਰ ਰਿਕਾਰਡ ਬਣਦੇ ਤੇ ਟੁੱਟਦੇ ਰਹਿੰਦੇ ਹਨ ਪਰ ਕਈ ਵਾਰ ਅਜਿਹੇ ਰਿਕਾਰਡ ਬਣ ਜਾਂਦੇ ਹਨ ਜੋ ਹੈਰਾਨੀਜਨਕ ਜਾਪਦੇ ਹਨ। ਬੰਗਲਾਦੇਸ਼ ਦੇ ਇਕ ਵਿਦਿਆਰਥੀ ਨੇ ਅਜਿਹਾ ਇਤਿਹਾਸ ਰਚ ਦਿੱਤਾ ਹੈ ਜੋ ਸ਼ਾਇਦ ਹੀ ਵਿਸ਼ਵਾਸ ਕੀਤਾ ਜਾ ਸਕੇ। ਬੰਗਲਾਦੇਸ਼ ਦੇ ਕੈਮਬਰਿਅਨ ਸਕੂਲ ਵੱਲੋਂ ਖੇਡਦੇ ਹੋਏ ਨੌਵੀਂ ਜਮਾਤ ਦੇ ਵਿਦਿਆਰਥੀ ਮੁਸਤਕੀਮ ਹੋਲਾਦਾਰ ਨੇ ਵਨਡੇ ਮੈਚ ਵਿੱਚ 404 ਦੌੜਾਂ ਨਾਟਆਉਟ ਹੁੰਦੇ ਹੋਏ ਬਣਾਈਆਂ। 

ਇਹ ਵੀ ਪੜ੍ਹੋ : ਕ੍ਰਿਕਟ ਜਗਤ 'ਚ ਸੋਗ ਦੀ ਲਹਿਰ, ਭਾਰਤ-ਇੰਗਲੈਂਡ ਸੀਰੀਜ਼ ਵਿਚਾਲੇ ਇਕ ਹੋਰ ਦਿੱਗਜ ਦਾ 41 ਸਾਲ ਦੀ ਉਮਰ 'ਚ ਦੇਹਾਂਤ

ਇਹ ਮੈਚ ਮਾਰਚ ਮਹੀਨੇ ਵਿੱਚ ਬੰਗਲਾਦੇਸ਼ ਦੇ ਇਕ ਜ਼ਿਲ੍ਹਾ ਪੱਧਰੀ ਸਕੂਲੀ ਟੂਰਨਾਮੈਂਟ ਦੌਰਾਨ ਖੇਡਿਆ ਗਿਆ ਸੀ। ਮੁਸਤਕੀਮ ਨੇ ਇਨਿੰਗਜ਼ ਦੀ ਸ਼ੁਰੂਆਤ ਕੀਤੀ ਅਤੇ ਪੂਰੇ 50 ਓਵਰ ਤੱਕ ਅਣਆਉਟ ਰਹੇ। ਉਨ੍ਹਾਂ ਨੇ 170 ਗੇਂਦਾਂ 'ਤੇ 404 ਦੌੜਾਂ ਬਣਾਏ, ਜਿਸ ਵਿੱਚ 50 ਚੌਕੇ ਅਤੇ 22 ਛੱਕੇ ਸ਼ਾਮਲ ਸਨ। ਉਨ੍ਹਾਂ ਦੀ ਸਟ੍ਰਾਈਕ ਰੇਟ 237.64 ਰਹੀ।

ਉਹ 260 ਮਿੰਟ ਤੱਕ ਪਿੱਚ 'ਤੇ ਡਟੇ ਰਹੇ, ਜੋ ਕਿ ਲਗਭਗ 4 ਘੰਟੇ 20 ਮਿੰਟ ਹੁੰਦੇ ਹਨ। ਹੋਲਾਦਾਰ ਦੀ ਇਨਿੰਗਜ਼ ਸਿਰਫ਼ ਉਨ੍ਹਾਂ ਦੀਆਂ ਦੌੜਾਂ ਕਰਕੇ ਹੀ ਨਹੀਂ, ਸਗੋਂ ਉਨ੍ਹਾਂ ਦੀ ਕਪਤਾਨ ਸਾਊਦ ਪਰਵੇਜ਼ ਨਾਲ ਹੋਈ 699 ਦੌੜਾਂ ਦੀ ਭਾਰੀ ਸਾਂਝੇਦਾਰੀ ਕਰਕੇ ਵੀ ਯਾਦਗਾਰ ਬਣ ਗਈ। ਪਰਵੇਜ਼ ਨੇ ਵੀ 124 ਗੇਂਦਾਂ 'ਤੇ 256 ਦੌੜਾਂ ਨਾਟਆਉਟ ਹੁੰਦੇ ਹੋਏ ਬਣਾਈਆਂ, ਜਿਸ ਵਿੱਚ 32 ਚੌਕੇ ਅਤੇ 13 ਛੱਕੇ ਮਾਰੇ ਗਏ।

ਇਹ ਵੀ ਪੜ੍ਹੋ : ICC ਟੈਸਟ ਰੈਂਕਿੰਗ ਵਿੱਚ ਛਾਇਆ ਪੰਜਾਬ ਦਾ ਪੁੱਤ ਸ਼ੁਭਮਨ ਗਿੱਲ, ਮਾਰੀ ਤਕੜੀ ਛਾਲ਼, ਪਹਿਲੇ ਨੰਬਰ ਤੋਂ ਖਿਸਕਿਆ ਇਹ

ਇਨ੍ਹਾਂ ਧਾਕੜ ਬੱਲੇਬਾਜ਼ਾਂ ਦੀ ਟੀਮ ਕੈਮਬਰਿਅਨ ਸਕੂਲ ਨੇ ਕੁੱਲ 770 ਦੌੜਾਂ ਬਣਾਈਆਂ, ਜੋ ਕਿ ਸਕੂਲੀ ਕ੍ਰਿਕਟ ਇਤਿਹਾਸ ਵਿੱਚ ਇਕ ਵੱਡਾ ਸਕੋਰ ਮੰਨਿਆ ਜਾ ਰਿਹਾ ਹੈ। ਉਨ੍ਹਾਂ ਦੇ ਸਾਹਮਣੇ ਸੀ ਗ੍ਰਿਗਰੀ ਸਕੂਲ ਦੀ ਟੀਮ, ਜੋ ਕਿ ਸਿਰਫ਼ 32 ਦੌੜਾਂ 'ਤੇ ਢੇਰ ਹੋ ਗਈ। ਇਸ ਤਰੀਕੇ ਨਾਲ ਕੈਮਬਰਿਅਨ ਸਕੂਲ ਨੇ 738 ਦੌੜਾਂ ਨਾਲ ਮੈਚ ਜਿੱਤ ਕੇ ਵਿਸ਼ਵ-ਪੱਧਰੀ ਰਿਕਾਰਡ ਕਾਇਮ ਕਰ ਦਿੱਤਾ।

ਇਹ ਮੈਚ ਨਾ ਸਿਰਫ਼ ਰਿਕਾਰਡਾਂ ਲਈ ਜਾਣਿਆ ਜਾਵੇਗਾ, ਸਗੋਂ ਇਹ ਭਵਿੱਖ ਦੇ ਕ੍ਰਿਕਟ ਸਿਤਾਰਿਆਂ ਦੀ ਇੱਕ ਝਲਕ ਵੀ ਦਿੰਦਾ ਹੈ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8