ਭਾਰਤ ਦੇ ਗੁਕੇਸ਼ ਨੇ ਜਿੱਤਿਆ ਕੇਨਸ ਓਪਨ ਸ਼ਤਰੰਜ ਖਿਤਾਬ

ਕੇਨਸ (ਫ੍ਰਾਂਸ) (ਨਿਕਲੇਸ਼ ਜੈਨ)- ਕੇਨਸ ਓਪਨ ਸ਼ਤਰੰਜ ਖਿਤਾਬ ਦੁਨੀਆ ਦੇ ਦੂਜੇ ਸਭ ਤੋਂ ਘੱਟ ਉਮਰ ਦੇ ਗ੍ਰੈਂਡਮਾਸਟਰ  ਡੀ. ਗੁਕੇਸ਼ ਨੇ ਆਪਣੇ ਨਾਂ ਕਰ ਲਿਆ। ਗੁਕੇਸ਼ ਨੇ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਵਿਚ 9 ਰਾਊਂਡ ਖੇਡ ਕੇ 2667 ਰੇਟਿੰਗ ਲੈਵਲ ਦਾ ਪ੍ਰਦਰਸ਼ਨ ਕਰਦੇ ਹੋਏ 7.5 ਅੰਕ ਬਣਾਏ। ਇਸ ਦੌਰਾਨ ਉਸ ਨੇ 6 ਜਿੱਤਾਂ ਦਰਜ ਕੀਤੀਆਂ, ਜਦਕਿ 3 ਮੁਕਾਬਲੇ ਡਰਾਅ ਖੇਡੇ। ਗੁਕੇਸ਼ ਇਸ ਪ੍ਰਦਰਸ਼ਨ ਦੀ ਲਾਈਵ ਰੇਟਿੰਗ ਵਿਚ 2567 ਅੰਕਾਂ 'ਤੇ ਪਹੁੰਚ ਗਿਆ ਹੈ, ਜੋ 13 ਸਾਲ ਦੀ ਉਮਰ ਦੇ ਹਿਸਾਬ ਨਾਲ ਇਕ ਰਿਕਾਰਡ ਹੈ। ਪ੍ਰਤੀਯੋਗਿਤਾ ਵਿਚ 7 ਅੰਕ ਬਣਾ ਕੇ ਸ਼ਾਨਦਾਰ ਟਾਈਬ੍ਰੇਕ ਵਿਚ ਦੂਜੇ ਸਥਾਨ 'ਤੇ ਚੀਨ ਦਾ ਤਜਰਬੇਕਾਰ ਗ੍ਰੈਂਡਮਾਸਟਰ ਜੇਂਗ ਚੋਂਗਸ਼ੇਂਗ ਰਿਹਾ ਤਾਂ ਤੀਜੇ ਸਥਾਨ 'ਤੇ ਮੇਜ਼ਬਾਨ ਫ੍ਰਾਂਸ ਦਾ ਫੀਡੇ ਮਾਸਟਰ ਲੰਬਾਰਡ ਗੁਈਲਓਮੇ ਰਿਹਾ।