ਮੈਰੀ ਕਾਮ ਦੇ ਬੇਟੇ ਨੂੰ ਦਿੱਲੀ ਪੁਲਸ ਨੇ ਦਿੱਤਾ ਤੋਹਫਾ, ਜਨਮਦਿਨ ''ਤੇ ਕੱਟਿਆ ਕੇਕ

ਨਵੀਂ ਦਿੱਲੀ— ਪੂਰੇ ਦੇਸ਼ 'ਚ ਕੋਰੋਨਾ ਮਹਾਮਾਰੀ ਕਾਰਨ ਲਾਕਡਾਊਨ ਜਾਰੀ ਹੈ। ਇਸ ਦੇ ਚਲਦੇ ਸਕੂਲ, ਮਾਲ, ਬਾਜ਼ਾਰ ਤੇ ਸਿਨਮਾਘਰ ਸਮੇਤ ਹੋਰ ਜਨਤਕ ਥਾਵਾਂ ਬੰਦ ਹਨ। ਲਾਕਡਾਊਨ ਦੇ ਚੱਲਦੇ ਲੋਕ ਘਰਾਂ ਦੇ ਅੰਦਰ ਕੈਦ ਹਨ। ਇਸ ਲਾਕਡਾਊਨ 'ਚ 14 ਮਈ ਨੂੰ ਮੁੱਕੇਬਾਜ਼ ਚੈਂਪੀਅਨ ਮੈਰੀ ਕਾਮ ਦੇ ਸਭ ਤੋਂ ਛੋਟੇ ਬੇਟੇ ਪ੍ਰਿੰਸ ਦਾ ਜਨਮਦਿਨ ਸੀ। ਜਦੋਂ ਦਿੱਲੀ ਪੁਲਸ ਦੀ ਏ. ਸੀ. ਪੀ. ਨੂੰ ਮੈਰੀ ਕਾਮ ਦੇ ਬੇਟੇ ਦੇ ਜਨਮਦਿਨ ਦੀ ਜਾਣਕਾਰੀ ਮਿਲੀ। ਤਾਂ ਉਹ ਬਰਥ ਡੇ ਕੇਕ ਲੈ ਕੇ ਪੁਲਸ ਟੀਮ ਦੇ ਨਾਲ ਨਵੀਂ ਦਿੱਲੀ ਦੇ ਹੁਮਾਯੂੰ ਰੋਡ ਸਥਿਤ ਮੈਰੀ ਕਾਮ ਦੇ ਘਰ ਪਹੁੰਚੀ।

Delhi: Police reach the residence of boxer & Rajya Sabha MP Mary Kom with a cake to celebrate her son's birthday. #lockdown pic.twitter.com/BeVMO6ILYK

— ANI (@ANI) May 14, 2020

ਜਦੋਂ ਮੈਰੀ ਕਾਮ ਨੇ ਦਿੱਲੀ ਪੁਲਸ ਨੂੰ ਬਰਥ ਡੇ ਕੇਕ ਦੇ ਨਾਲ ਦੇਖਿਆ ਤਾਂ ਹੈਰਾਨ ਰਹਿ ਗਈ। ਇਸ ਤੋਂ ਬਾਅਦ ਮੈਰੀ ਕਾਮ ਦੇ ਬੇਟੇ ਪ੍ਰਿੰਸ ਨੇ ਕੇਕ ਕੱਟਿਆ ਤੇ ਆਪਣੀ ਮਾਂ, ਦਿੱਲੀ ਪੁਲਸ ਤੇ ਪਰਿਵਾਰ ਦੇ ਮੈਂਬਰਾਂ ਦੇ ਨਾਲ ਜਸ਼ਨ ਮਨਾਇਆ। ਦਿੱਲੀ ਪੁਲਸ ਦੀ ਟੀਮ ਨੇ ਵੀ ਮੈਰੀ ਕਾਮ ਦੇ ਬੇਟੇ ਨੂੰ ਜਨਮਦਿਨ ਦੀ ਵਧਾਈ ਦਿੱਤੀ।