ਗਾਲਾਚੇਰ ਬਣੇ ਚੈਂਪੀਅਨ, ਰਾਸ਼ਿਦ-ਚਿੱਕਾ ਸਾਂਝੇ ਤੌਰ ''ਤੇ 10ਵੇਂ ਸਥਾਨ ''ਤੇ ਰਹੇ

ਨਵੀਂ ਦਿੱਲੀ— ਸਟੀਫਨ ਗਾਲਾਚੇਰ ਨੇ ਆਖਰੀ ਚਾਰ ਹੋਲ 'ਚ ਤਿੰਨ ਬਰਡੀ ਲਗਾ ਕੇ ਐਤਵਾਰ ਨੂੰ ਇੱਥੇ ਹੀਰੋ ਇੰਡੀਅਨ ਓਪਨ ਗੋਲਫ ਖਿਤਾਬ ਆਪਣੇ ਨਾਂ ਕੀਤਾ। ਰਾਸ਼ਿਦ ਖਾਨ ਤੇ ਐੱਸ. ਚਿੱਕਾਕੰਗੱਪਾ ਸਾਂਝੇ ਤੌਰ 'ਤੇ 10ਵੇਂ ਸਥਾਨ ਦੇ ਨਾਲ ਸਰਵਸ੍ਰੇਸ਼ਠ ਗੋਲਫਰ ਰਹੇ, ਜਦਕਿ ਖਿਤਾਬ ਸਕਾਟਲੈਂਡ ਦੇ ਸਟੀਫਨ ਗਾਲਾਚੇਰ ਨੇ ਜਿੱਤਿਆ। ਡੀ.ਐੱਲ. ਐੱਫ. ਐਂਡ ਕੰਟ੍ਰੀ ਕਲੱਬ 'ਤੇ ਇਸ ਟੂਰਨਾਮੈਂਟ ਦੇ ਆਖਰੀ ਦਿਨ ਗਾਲਾਚੇਰ ਨੇ ਇਕ ਅੰਡਰ 71 ਦਾ ਕਾਰਡ ਖੇਡਿਆ ਹੈ 9 ਅੰਡਰ 279 ਦੇ ਸਕੋਰ ਦਾ ਨਾਲ ਹੀ ਖਿਤਾਬ ਜਿੱਤਿਆ। ਉਨ੍ਹਾਂ ਨੇ ਇਕ ਸ਼ਾਟ ਦੇ ਅੰਤਰ ਤੋਂ ਖਿਤਾਬ ਆਪਣੇ ਨਾਂ ਕੀਤਾ। ਭਾਰਤ ਦੇ 2 ਖਿਡਾਰੀਆਂ ਨੇ ਟਾਪ-10 ਫਿਨਿਸ਼ ਹਾਸਲ ਕਰਨ 'ਚ ਕਾਮਯਾਬੀ ਹਾਸਲ ਕੀਤੀ। ਚਿੱਕਾ ਤੀਸਰੇ ਰਾਊਂਡ ਤੋਂ ਬਾਅਦ ਸਾਂਝੇ ਤੌਰ 'ਤੇ 6ਵੇਂ ਸਥਾਨ 'ਤੇ ਸਨ ਪਰ ਆਖਰੀ ਰਾਊਂਡ 'ਚ 2 ਓਵਰ 74 ਦਾ ਕਾਰਡ ਖੇਡ ਕੇ ਸਾਂਝੇ ਤੌਰ 'ਤੇ 10ਵੇਂ ਸਥਾਨ 'ਤੇ ਖਿਸਕ ਗਏ। ਰਾਸ਼ਿਦ ਨੇ ਦੋ ਅੰਡਰ 70 ਦਾ ਕਾਰਡ ਖੇਡਿਆ ਤੇ 11 ਸਥਾਨ ਦਾ ਸੁਧਾਰ ਕਰ ਸਾਂਝੇ ਤੌਰ 'ਤੇ 10ਵਾਂ ਸਥਾਨ ਹਾਸਲ ਕਰ ਲਿਆ। ਚਿੱਕਾ ਤੇ ਰਾਸ਼ਿਦ ਦਾ ਸਕੋਰ ਚਾਰ ਅੰਡਰ 284 ਰਿਹਾ।