ਅੰਡਰ-17 ਮਹਿਲਾ ਵਿਸ਼ਵ ਕੱਪ ਦੀਆਂ ਤਿਆਰੀਆਂ ਠੀਕ ਦਿਸ਼ਾ ’ਚ : ਕੁਸ਼ਲ ਦਾਸ

5/28/2020 11:13:12 AM

ਸਪੋਰਟਸ ਡੈਸਕ— ਆਲ ਇੰਡੀਆ ਫੁੱਟਬਾਲ ਫੈਡਰੇਸ਼ਨ (ਏ. ਆਈ. ਐੱਫ. ਐੱਫ.) ਦੇ ਪ੍ਰਧਾਨ ਕੁਸ਼ਲ ਦਾਸ ਨੇ ਕਿਹਾ ਹੈ ਕਿ ਫੀਫਾ ਅੰਡਰ-17 ਮਹਿਲਾ ਵਿਸ਼ਵ ਕੱਪ 2020 ਦੀ ਮੇਜ਼ਬਾਨੀ ਲਈ ਭਾਰਤ ’ਚ ਚੁਣੇ ਗਏ ਪੰਜਾਂ ਸਥਾਨਾਂ ’ਤੇ ਤਿਆਰੀਆਂ ਠੀਕ ਦਿਸ਼ਾ ’ਚ ਚੱਲ ਰਹੀਆਂ ਹਨ। ਕੁਸ਼ਲ ਦਾਸ ਨੇ ਸਪੋਟਰਸ ਇੰਡਸਟਰੀ ਐਵਾਰਡਸ ਏਸ਼ੀਆ (ਐੱਸ. ਪੀ. ਆਈ. ਏ.) ਦੇ ਇਕ ਵੈਬਿਨਾਰ ’ਚ ਕਿਹਾ, ‘‘ਇਹ ਬਿਨਾਂ ਕਾਰਣਾ ਦੇ ਹਾਲਾਤ ਹਨ ਅਤੇ ਸਾਨੂੰ ਕੁਝ ਝਟਕੇ ਲੱਗੇ ਹਨ ਪਰ ਪੰਜ ਸਥਾਨਾਂ ’ਚੋਂ ਤਿੰਨ ਨੇ ਸਾਲ 2017 ’ਚ ਅੰਡਰ-17 ਫੀਫਾ ਵਿਸ਼ਵ ਕੱਪ ਦੀ ਮੇਜ਼ਬਾਨੀ ਕੀਤੀ ਸੀ ਅਤੇ ਉਨ੍ਹਾਂ ’ਚ ਬਹੁਤ ਜ਼ਿਆਦਾ ਬਦਲਾਵਾਂ ਦੀ ਲੋੜ ਨਹੀਂ ਹੈ। ਕੋਰੋਨਾ ਦੇ ਕਾਰਨ ਇਸ ਟੂਰਨਾਮੈਂਟ ਨੂੰ ਮੁਲਤਵੀ ਕੀਤਾ ਗਿਆ ਸੀ ਅਤੇ ਹੁਣ ਇਸ ਦਾ ਪ੍ਰਬੰਧ ਅਗਲੇ ਸਾਲ 17 ਫਰਵਰੀ ਤੋਂ 7 ਮਾਰਚ ਤੱਕ ਹੋਵੇਗਾ।

PunjabKesari

ਉਨ੍ਹਾਂ ਨੇ ਕਿਹਾ, ‘‘ਅਜੇ ਸਾਡੇ ਕੋਚ ਸਵੀਡਨ ’ਚ ਹਨ ਜਦ ਕਿ ਖਿਡਾਰੀ ਆਪਣੇ-ਆਪਣੇ ਘਰ ਪਰਤ ਗਈਆਂ ਹਨ। ਕੁਝ ਯਾਤਰਾ ਬੰਦ ਹਨ ਪਰ ਅਸੀਂ ਕੈਂਪ ਨੂੰ ਫਿਰ ਤੋਂ ਸ਼ੁਰੂ ਕਰਨ ’ਤੇ ਕੰਮ ਕਰ ਰਹੇ ਹਾਂ। ਦਾਸ ਨੇ ਕਿਹਾ, ‘‘ਅਜੇ ਯਾਤਰਾ ਤੋਂ ਲੈ ਕੇ ਕੁਝ ਮੁੱਦੇ ਹਨ ਅਤੇ ਲੋਕ ਸਮਾਜਿਕ ਦੂਰੀ (ਸੋਸ਼ਲ ਡਿਸਟੈਂਸਿੰਗ) ਦੀ ਪਾਲਣਾ ਕਰ ਰਹੇ ਹਨ ਪਰ ਅਸੀਂ ਦੇਖਿਆ ਹੈ ਕਿ ਕਾਫ਼ੀ ਚੀਜ਼ਾਂ ਆਨਲਾਈਨ ਹੋ ਸਕਦੀਆਂ ਹਨ। PunjabKesari

ਦਾਸ ਨੇ ਕਿਹਾ,  ‘‘ਅਸੀਂ ਭਾਰਤੀ ਖੇਡ ਆਥੋਰਿਟੀ (ਸਾਇ) ਨੂੰ ਇਕ ਕੋਚਿੰਗ ਕੋਰਸ ਆਯੋਜਿਤ ਕਰਨ ’ਚ ਮਦਦ ਕੀਤੀ ਹੈ, ਜਿਸ ’ਚ ਦੇਸ਼ ਭਰ ਤੋਂ ਲਗਭਗ 1000 ਕੋਚਾਂ ਨੇ ਹਿੱਸਾ ਲਿਆ ਸੀ। ਏ. ਆਈ. ਐੱਫ. ਐੱਫ. ਦੇ ਪ੍ਰਧਾਨ ਨੇ ਦੱਸਿਆ ਕਿ ਫੈਡਰੇਸ਼ਨ ਨੇ ਆਪਣੀ ਕਾਰਜਕਾਰੀ ਕਮੇਟੀ ਦੀ ਬੈਠਕ, ਤਕਨੀਕੀ ਕਮੇਟੀ ਦੀ ਬੈਠਕ ਅਤੇ ਮਹਿਲਾ ਕਮੇਟੀ ਦੀ ਆਨਲਾਈਨ ਬੈਠਕਾਂ ਤੋਂ ਇਲਾਵਾ ਕੁਝ ਰੈਫਰੀ ਪ੍ਰੋਗਰਾਮਾਂ ਦਾ ਵੀ ਸੰਚਾਲਨ ਕੀਤਾ ਹੈ।



ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ

Davinder Singh

Content Editor Davinder Singh