ਫੀਫਾ 2022 : ਪੁਰਤਗਾਲ ਨੇ ਸਵਿਟਜ਼ਰਲੈਂਡ ਨੂੰ 6-1 ਨਾਲ ਹਰਾ ਕੇ ਕੁਆਰਟਰ ਫਾਈਨਲ ਵਿੱਚ ਬਣਾਈ ਜਗ੍ਹਾ
12/07/2022 3:12:33 PM
ਲੁਸੈਲ : ਸਟਾਰ ਖਿਡਾਰੀ ਕ੍ਰਿਸਟੀਆਨੋ ਰੋਨਾਲਡੋ ਦੇ ਸ਼ੁਰੂਆਤੀ ਗਿਆਰਾਂ 'ਚ ਵਿਕਲਪ (ਬਦਲਵੇਂ) ਖਿਡਾਰੀ ਗੋਂਸਾਲੋ ਰਾਮੋਸ ਦੀ ਹੈਟ੍ਰਿਕ ਦੀ ਮਦਦ ਨਾਲ ਪੁਰਤਗਾਲ ਨੇ ਮੰਗਲਵਾਰ ਨੂੰ ਇੱਥੇ ਫੀਫਾ ਵਿਸ਼ਵ ਕੱਪ ਦੇ ਪ੍ਰੀ-ਕੁਆਰਟਰ ਫਾਈਨਲ ਵਿੱਚ ਸਵਿਟਜ਼ਰਲੈਂਡ ਨੂੰ 6-1 ਨਾਲ ਹਰਾ ਦਿੱਤਾ। ਪਿਛਲੇ ਮਹੀਨੇ ਪੁਰਤਗਾਲ ਲਈ ਡੈਬਿਊ ਕਰਨ ਵਾਲੇ 21 ਸਾਲਾ ਰਾਮੋਸ ਨੇ ਆਪਣੇ ਦੇਸ਼ ਵਲੋਂ ਪਹਿਲੀ ਵਾਰ ਸ਼ੁਰੂਆਤੀ ਗਿਆਰਾਂ 'ਚ ਜਗ੍ਹਾ ਬਣਾਈ ਅਤੇ ਉਸ ਖੇਡ ਦੀ ਝਲਕ ਦਿਖਾਈ ਜਿਸ ਲਈ ਰੋਨਾਲਡੋ ਮਸ਼ਹੂਰ ਹੈ। ਰਾਮੋਸ ਨੇ 17ਵੇਂ ਮਿੰਟ ਵਿੱਚ ਪਹਿਲਾ ਗੋਲ ਦਾਗ਼ਿਆ ਅਤੇ ਫਿਰ 51ਵੇਂ ਅਤੇ 67ਵੇਂ ਮਿੰਟ ਵਿੱਚ ਦੋ ਹੋਰ ਗੋਲ ਕੀਤੇ।
ਰੋਨਾਲਡੋ 72ਵੇਂ ਮਿੰਟ 'ਚ ਬਦਲ ਦੇ ਤੌਰ 'ਤੇ ਮੈਦਾਨ 'ਤੇ ਉਤਰਿਆ ਪਰ ਇਸ ਤੋਂ ਪਹਿਲਾਂ ਟੀਮ ਦੀ 5-1 ਦੀ ਬੜ੍ਹਤ ਨਾਲ ਜਿੱਤ ਲਗਭਗ ਤੈਅ ਸੀ। ਪੁਰਤਗਾਲ ਲਈ ਪੇਪੇ (33ਵੇਂ ਮਿੰਟ), ਰਾਫੇਲ ਗੁਰੇਈਰੋ (55ਵੇਂ ਮਿੰਟ) ਅਤੇ ਰਾਫੇਲ ਲਿਆਓ (90+2) ਨੇ ਵੀ ਗੋਲ ਕੀਤੇ। ਸਵਿਟਜ਼ਰਲੈਂਡ ਲਈ ਇਕਮਾਤਰ ਗੋਲ ਮੈਨੁਅਲ ਅਕਾਂਜੀ ਨੇ 58ਵੇਂ ਮਿੰਟ ਵਿਚ ਕੀਤਾ। ਪੁਰਤਗਾਲ ਨੇ ਤੀਜੀ ਵਾਰ ਵਿਸ਼ਵ ਕੱਪ ਦੇ ਕੁਆਰਟਰ ਫਾਈਨਲ ਵਿੱਚ ਥਾਂ ਬਣਾਈ ਹੈ। ਟੀਮ ਇਸ ਤੋਂ ਪਹਿਲਾਂ 1966 ਅਤੇ 2006 ਵਿੱਚ ਵੀ ਆਖਰੀ ਅੱਠ ਵਿੱਚ ਪਹੁੰਚਣ ਵਿੱਚ ਕਾਮਯਾਬ ਰਹੀ ਸੀ।
ਪੁਰਤਗਾਲ ਦੀ ਟੀਮ ਸ਼ਨੀਵਾਰ ਨੂੰ ਕੁਆਰਟਰ ਫਾਈਨਲ ਵਿੱਚ ਮੋਰੱਕੋ ਨਾਲ ਭਿੜੇਗੀ, ਜਿਸ ਨੇ ਪ੍ਰੀ-ਕੁਆਰਟਰ ਫਾਈਨਲ ਵਿੱਚ ਸਪੇਨ ਨੂੰ ਪੈਨਲਟੀ ਸ਼ੂਟ ਆਊਟ ਵਿੱਚ 3-0 ਨਾਲ ਹਰਾਇਆ। ਪੁਰਤਗਾਲ ਦੇ ਕੋਚ ਫਰਨਾਂਡੋ ਸਾਂਟੋਸ ਨੇ ਹੁਣ ਇਹ ਫੈਸਲਾ ਕਰਨਾ ਹੈ ਕਿ ਰਾਮੋਸ ਨੂੰ ਅਗਲੇ ਮੈਚ ਵਿੱਚ ਰੱਖਣਾ ਹੈ ਜਾਂ ਪੁਰਸ਼ਾਂ ਦੇ ਅੰਤਰਰਾਸ਼ਟਰੀ ਫੁੱਟਬਾਲ ਵਿੱਚ ਸਭ ਤੋਂ ਵੱਧ ਗੋਲ ਕਰਨ ਵਾਲੇ ਅਤੇ ਖੇਡ ਦੇ ਮਹਾਨ ਖਿਡਾਰੀਆਂ ਵਿੱਚੋਂ ਇੱਕ ਰੋਨਾਲਡੋ ਨੂੰ ਵਾਪਸ ਲਿਆਉਣਾ ਹੈ। ਰੋਨਾਲਡੋ ਨੇ ਮੈਦਾਨ 'ਤੇ ਆਉਣ ਤੋਂ ਬਾਅਦ ਕੁਝ ਚੰਗੇ ਮੂਵ ਬਣਾਏ। ਉਸਨੇ ਸਵਿਟਜ਼ਰਲੈਂਡ ਦੇ ਗੋਲਕੀਪਰ ਯਾਨ ਸੋਮੇਰ ਨੂੰ ਚਕਮਾ ਦਿੰਦੇ ਹੋਏ ਗੋਲ ਵੀ ਦਾਗ਼ਿਆ ਪਰ ਇਹ ਆਫ ਸਾਈਡ ਹੋ ਗਿਆ ਸੀ।
ਮੈਚ ਤੋਂ ਬਾਅਦ ਪੁਰਤਗਾਲ ਦੇ ਖਿਡਾਰੀ ਸਟੇਡੀਅਮ 'ਚ ਮੌਜੂਦ ਪ੍ਰਸ਼ੰਸਕਾਂ ਦਾ ਸਵਾਗਤ ਕਰਨ ਲਈ ਮੈਦਾਨ 'ਤੇ ਰੁਕੇ। ਹਾਲਾਂਕਿ ਰੋਨਾਲਡੋ ਵਾਕਆਊਟ ਹੋ ਗਿਆ। ਉਹ ਸ਼ਾਇਦ ਆਪਣੇ ਕਰੀਅਰ ਨੂੰ ਲੈ ਕੇ ਚਿੰਤਤ ਹੋਵੇਗਾ ਕਿਉਂਕਿ ਉਸਨੇ ਵਿਸ਼ਵ ਕੱਪ ਦੇ ਮੱਧ ਵਿੱਚ ਮਾਨਚੈਸਟਰ ਯੂਨਾਈਟਿਡ ਤੋਂ ਵੱਖ ਹੋ ਗਿਆ ਸੀ ਅਤੇ ਅਜੇ ਤੱਕ ਕਿਸੇ ਵੀ ਕਲੱਬ ਨਾਲ ਜੁੜਿਆ ਨਹੀਂ ਹੈ। ਕੋਚ ਸੈਂਟੋਸ ਨੇ ਦੱਖਣੀ ਕੋਰੀਆ ਦੇ ਖਿਲਾਫ ਟੀਮ ਦੇ ਫਾਈਨਲ ਗਰੁੱਪ ਮੈਚ ਲਈ ਟਰਾਂਸਫਰ ਕੀਤੇ ਜਾਣ ਤੋਂ ਬਾਅਦ ਸਟ੍ਰਾਈਕਰ ਦੇ ਰਵੱਈਏ 'ਤੇ ਨਾਰਾਜ਼ਗੀ ਜ਼ਾਹਰ ਕਰਨ ਤੋਂ ਇਕ ਦਿਨ ਬਾਅਦ ਰੋਨਾਲਡੋ ਨੂੰ ਬਾਹਰ ਕੀਤਾ ਗਿਆ। ਜਦੋਂ ਰੋਨਾਲਡੋ ਨੇ 2003 ਵਿੱਚ ਪੁਰਤਗਾਲ ਵਿੱਚ ਡੈਬਿਊ ਕੀਤਾ ਤਾਂ ਰਾਮੋਸ ਸਿਰਫ਼ ਦੋ ਸਾਲ ਦਾ ਸੀ। ਉਸ ਨੇ ਇਸ ਸਾਲ ਦੇ ਵਿਸ਼ਵ ਕੱਪ ਵਿੱਚ ਪਹਿਲੀ ਹੈਟ੍ਰਿਕ ਬਣਾਈ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
