ਇੰਗਲੈਂਡ ਦੀ ਇਸ ਮਸ਼ਹੂਰ ਮਹਿਲਾ ਵਿਕਟਕੀਪਰ ਬੱਲੇਬਾਜ਼ ਨੇ ਕਰਵਾਇਆ ਨਿਊਡ ਫੋਟੋਸ਼ੂਟ
08/14/2019 4:19:57 PM
ਸਪੋਰਟਸ ਡੈਸਕ : ਇੰਗਲੈਂਡ ਦੀ ਫੇਮਸ ਮਹਿਲਾ ਵਿਕਟਕੀਪਰ ਬੱਲੇਬਾਜ਼ ਖਿਡਾਰੀ ਸਾਰਾ ਟੇਲਰ ਨੇ ਔਰਤਾਂ ਦੀ ਸਿਹਤ ਸਮੱਸਿਆਵਾਂ ਨਾਲ ਜੁੜੇ ਇਕ ਅਭਿਆਨ ਦਾ ਹਿੱਸਾ ਬਣਦੇ ਹੋਏ ਨਿਊਡ ਫੋਟੋਸ਼ੂਟ ਕਰਵਾਇਆ ਹੈ। ਸਾਰਾ ਨੇ ਇਸ ਦੀ ਇਕ ਫੋਟੋ ਵੀ ਆਪਣੇ ਫੈਨਜ਼ ਦੇ ਨਾਲ ਸ਼ੇਅਰ ਕੀਤੀ ਹੈ ਜਿਸ ਦੇ ਨਾਲ ਉਨ੍ਹਾਂ ਨੇ ਲਿੱਖਿਆ ਕਿ ਮੈਨੂੰ ਇਸ ਅਭਿਆਨ ਨਾਲ ਜੁੱੜ ਕੇ ਮਾਣ ਅਨੁਭਵ ਹੋ ਰਿਹਾ ਹੈ।
ਸਾਰਾ ਨੇ ਇੰਸਟਾਗਰਾਮ 'ਤੇ ਨਿਊਡ ਫੋਟੋ ਸ਼ੇਅਰ ਕਰਦੇ ਹੋਏ ਲਿੱਖਿਆ ਕਿ ਜੋ ਲੋਕ ਮੈਨੂੰ ਜਾਣਦੇ ਹਨ, ਉਨ੍ਹਾਂ ਨੂੰ ਪਤਾ ਹੈ ਕਿ ਇਹ ਮੇਰਾ ਕੰਫਰਟ ਜੋਨ ਨਹੀਂ ਹੈ। ਪਰ ਮੈਂ ਮਾਣ ਮਹਿਸੂਸ ਕਰ ਰਹੀ ਹਾਂ ਕਿ ਮੈਨੂੰ ਵੂਮੈਨਜ਼ ਹੈਲਥ ਯੂ. ਕੇ. ਦੀ ਇਸ ਪਹਿਲ ਨਾਲ ਜੁੜਣ ਦਾ ਮੌਕਾ ਦਿੱਤਾ ਗਿਆ ਹੈ। ਸਾਰਾ ਅੱਗੇ ਲਿੱਖਦੀ ਹੈ ਕਿ ਮੈਨੂੰ ਆਪਣੇ ਸਰੀਰ ਤੋਂ ਹਮੇਸ਼ਾ ਕੁਝ ਸਮੱਸਿਆਵਾਂ ਰਹੀਆਂ ਤੇ ਇਸ ਅਭਿਆਨ ਦਾ ਹਿੱਸਾ ਬਣਨ ਲਈ ਮੈਨੂੰ ਉਨ੍ਹਾਂ 'ਚੋਂ ਪਾਰ ਪਾਉਣਾ ਪਿਆ। ਇਹ ਕਾਫ਼ੀ ਜਾਗਰੂਕ ਕਰਨ ਵਾਲਾ ਅਨੁਭਵ ਹੈ। ਹਰ ਕੁੜੀ ਸੁੰਦਰ ਵਿੱਖਦੀ ਹੈ। ਯਾਦ ਰੱਖੋ, ਹਰ ਮਹਿਲਾ ਖੂਬਸੂਰਤ ਹੈ।
ਸਾਰਾ ਟੇਲਰ ਦੇ ਰਿਕਾਰਡ 'ਤੇ ਇਕ ਨਜ਼ਰ
ਸਾਰਾ ਟੇਲਰ ਨੇ ਅਜੇ ਤੱਕ 10 ਟੈਸਟ ਤੇ 126 ਵਨਡੇ ਮੈਚ ਖੇਡੇ ਹਨ। ਟੈਸਟ 'ਚ ਜਿੱਥੇ ਉਨ੍ਹਾਂ ਦਾ ਸਕੋਰ ਕੁੱਲ 300 ਰਿਹਾ ਹੈ, ਉਥੇ ਹੀ ਵਨ-ਡੇ 'ਚ ਉਨ੍ਹਾਂ ਨੇ 4056 ਦੌੜਾਂ ਬਣਾਈਆਂ ਹਨ। ਵਨ-ਡੇ 'ਚ ਉੁਨ੍ਹਾਂ ਦੇ ਨਾਂ 7 ਸੈਂਕੜੇ ਤੇ 20 ਅਰਧ ਸੈਂਕੜੇ ਵੀ ਸ਼ਾਮਲ ਹਨ ਤੇ ਉਨ੍ਹਾਂ ਦਾ ਸਭ ਤੋਂ ਜ਼ਿਆਦਾ ਸਕੋਰ 147 ਦੌੜਾਂ ਹਨ। ਸਾਰਾ ਟੀ20 ਕ੍ਰਿਕਟ ਦਾ ਵੀ ਹਿੱਸਾ ਰਹੀ ਤੇ ਅਜੇ ਤਕ 90 ਮੈਚ ਖੇਡੇ ਹਨ ਜਿਸ 'ਚ ਉੁਨ੍ਹਾਂ ਨੇ ਕੁੱਲ 2177 ਦੌੜਾਂ ਬਣਾਈਆਂ ਹਨ ਤੇ ਸਭ ਤੋਂ ਜ਼ਿਆਦਾ ਸਕੋਰ 77 ਰਿਹਾ ਹੈ। ਟੀ20 'ਚ ਉਨ੍ਹਾਂ ਦੇ ਨਾਂ 16 ਅਰਧ ਸੈਂਕੜੇ ਵੀ ਦਰਜ ਹਨ।
