ਇੰਗਲੈਂਡ ਨੇ ਵੈਸਟਇੰਡੀਜ਼ ਦੌਰੇ ਲਈ 14 ਮੈਂਬਰੀ ਟੀਮ ਦਾ ਕੀਤਾ ਐਲਾਨ, ਇਨ੍ਹਾਂ ਖਿਡਾਰੀਆਂ ਨੂੰ ਮਿਲੀ ਜਗ੍ਹਾ
Thursday, Oct 03, 2024 - 05:46 PM (IST)
ਲੰਡਨ : ਇੰਗਲੈਂਡ ਨੇ ਜੋਸ ਬਟਲਰ ਦੀ ਅਗਵਾਈ ਵਿੱਚ ਵੈਸਟਇੰਡੀਜ਼ ਦੌਰੇ ਲਈ ਆਪਣੀ 14 ਮੈਂਬਰੀ ਸੀਮਤ ਓਵਰਾਂ ਦੀ ਟੀਮ ਦਾ ਐਲਾਨ ਕੀਤਾ ਹੈ। ਬਟਲਰ ਆਸਟ੍ਰੇਲੀਆ ਖਿਲਾਫ ਸੀਮਤ ਓਵਰਾਂ ਦੀ ਸੀਰੀਜ਼ ਤੋਂ ਬਾਹਰ ਹੋ ਗਏ ਸਨ। ਇੰਗਲੈਂਡ ਨੇ ਟੀ-20 ਸੀਰੀਜ਼ ਬਰਾਬਰੀ ਕਰ ਲਈ ਸੀ ਅਤੇ ਵਨਡੇ ਸੀਰੀਜ਼ ਘੱਟ ਫਰਕ ਨਾਲ ਹਾਰ ਗਈ ਸੀ।
ਬਟਲਰ ਦੀ ਗੈਰ-ਮੌਜੂਦਗੀ ਵਿੱਚ, ਫਿਲ ਸਾਲਟ ਅਤੇ ਹੈਰੀ ਬਰੂਕ ਨੇ ਕ੍ਰਮਵਾਰ ਟੀ-20 ਅਤੇ ਵਨਡੇ ਟੀਮਾਂ ਦੀ ਅਗਵਾਈ ਕੀਤੀ। ਆਈਸੀਸੀ ਦੀ ਰਿਪੋਰਟ ਮੁਤਾਬਕ ਲੈੱਗ ਸਪਿਨਰ ਜਾਫਰ ਚੌਹਾਨ, ਜੌਹਨ ਟਰਨਰ ਅਤੇ ਡੈਨ ਮੌਸਲੇ ਵੈਸਟਇੰਡੀਜ਼ ਦੌਰੇ ਲਈ ਇੰਗਲੈਂਡ ਟੀਮ ਵਿੱਚ ਅਨਕੈਪਡ ਖਿਡਾਰੀ ਹਨ। ਜੌਨ ਟਰਨਰ ਅਤੇ ਡੈਨ ਮੌਸਲੇ ਆਸਟ੍ਰੇਲੀਆ ਨਾਲ ਖੇਡੀ ਗਈ ਸੀਰੀਜ਼ ਦਾ ਹਿੱਸਾ ਸਨ ਪਰ ਉਨ੍ਹਾਂ ਨੂੰ ਮੈਚ ਖੇਡਣ ਦਾ ਮੌਕਾ ਨਹੀਂ ਮਿਲਿਆ। ਇੰਗਲੈਂਡ 31 ਅਕਤੂਬਰ ਤੋਂ ਵੈਸਟਇੰਡੀਜ਼ ਖਿਲਾਫ ਤਿੰਨ ਵਨਡੇ ਅਤੇ ਪੰਜ ਟੀ-20 ਮੈਚ ਖੇਡੇਗਾ।
ਵੈਸਟਇੰਡੀਜ਼ ਦੌਰੇ ਲਈ ਇੰਗਲੈਂਡ ਦੀ ਟੀਮ:
ਜੋਸ ਬਟਲਰ (ਕਪਤਾਨ), ਜੋਫਰਾ ਆਰਚਰ, ਜੈਕਬ ਬੈਥਲ, ਜਾਫਰ ਚੌਹਾਨ, ਸੈਮ ਕੁਰੇਨ, ਵਿਲ ਜੈਕਸ, ਲਿਆਮ ਲਿਵਿੰਗਸਟੋਨ, ਸਾਕਿਬ ਮਹਿਮੂਦ, ਡੈਨ ਮੌਸਲੇ, ਜੈਮੀ ਓਵਰਟਨ, ਆਦਿਲ ਰਾਸ਼ਿਦ, ਫਿਲ ਸਾਲਟ, ਰੀਸ ਟੋਪਲੇ, ਜੌਨ ਟਰਨਰ।
