ਨਮ ਅੱਖਾਂ ਨਾਲ ਦਿਨੇਸ਼ ਕਾਰਤਿਕ ਨੇ IPL ਨੂੰ ਕਿਹਾ ਅਲਵਿਦਾ, ਵਿਰਾਟ ਕੋਹਲੀ ਵੀ ਹੋਏ ਭਾਵੁਕ (ਵੀਡੀਓ)

ਸਪੋਰਟਸ ਡੈਸਕ— ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦੇ ਸਟਾਰ ਵਿਕਟਕੀਪਰ ਬੱਲੇਬਾਜ਼ ਦਿਨੇਸ਼ ਕਾਰਤਿਕ ਦਾ ਆਈਪੀਐੱਲ ਕਰੀਅਰ ਖਤਮ ਹੋ ਗਿਆ ਹੈ। ਰਾਜਸਥਾਨ ਰਾਇਲਜ਼ ਦੇ ਖਿਲਾਫ ਐਲੀਮੀਨੇਟਰ ਮੈਚ 'ਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦੀ ਹਾਰ ਤੋਂ ਬਾਅਦ ਜਦੋਂ ਉਹ ਡ੍ਰੈਸਿੰਗ ਰੂਮ 'ਚ ਪਰਤ ਰਹੇ ਸਨ ਤਾਂ ਜਿਸ ਤਰ੍ਹਾਂ ਨਾਲ ਕਾਰਤਿਕ ਨੂੰ 'ਗਾਰਡ ਆਫ ਆਨਰ' ਦਿੱਤਾ ਗਿਆ, ਉਸ ਤੋਂ ਇਹ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਕਾਰਤਿਕ ਨੇ ਆਪਣਾ ਆਖਰੀ ਆਈਪੀਐੱਲ ਸੀਜ਼ਨ ਦੀ ਸ਼ੁਰੂਆਤ 'ਚ ਹੀ ਉਨ੍ਹਾਂ ਨੇ ਐਲਾਨ ਕੀਤਾ ਸੀ ਕਿ ਇਹ ਉਨ੍ਹਾਂ ਦਾ ਆਖਰੀ ਆਈਪੀਐੱਲ ਸੀਜ਼ਨ ਹੋਣ ਜਾ ਰਿਹਾ ਹੈ।

ਰੋਵਮੈਨ ਪਾਵੇਲ ਦੇ ਰਾਜਸਥਾਨ ਲਈ ਜੇਤੂ ਦੌੜਾਂ ਬਣਾਉਣ ਤੋਂ ਬਾਅਦ ਦਿਨੇਸ਼ ਕਾਰਤਿਕ ਵਿਰਾਟ ਕੋਹਲੀ ਦੇ ਗਲੇ ਮਿਲੇ। ਮੈਚ ਤੋਂ ਬਾਅਦ ਕਾਰਤਿਕ ਨੇ ਆਪਣੇ ਦਸਤਾਨੇ ਉਤਾਰ ਕੇ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕੀਤਾ। ਮੈਚ ਤੋਂ ਬਾਅਦ ਕਾਰਤਿਕ ਕਾਫੀ ਭਾਵੁਕ ਨਜ਼ਰ ਆਏ। ਇਸ ਦੌਰਾਨ ਆਰਸੀਬੀ ਟੀਮ ਦੇ ਖਿਡਾਰੀ ਵੀ ਦਿਨੇਸ਼ ਕਾਰਤਿਕ ਨੂੰ ਗਲੇ ਲਗਾਉਂਦੇ ਹੋਏ ਭਾਵੁਕ ਨਜ਼ਰ ਆਏ। ਹਾਲਾਂਕਿ ਕਾਰਤਿਕ ਦੀ ਤਰਫੋਂ ਉਨ੍ਹਾਂ ਦੇ ਸੰਨਿਆਸ ਨੂੰ ਲੈ ਕੇ ਕੋਈ ਅਧਿਕਾਰਤ ਬਿਆਨ ਆਉਣਾ ਬਾਕੀ ਹੈ, ਪਰ ਉਨ੍ਹਾਂ ਦੇ ਸੰਨਿਆਸ ਨੂੰ ਲੈ ਕੇ ਹਰ ਪਾਸੇ ਚਰਚਾ ਹੋ ਰਹੀ ਹੈ।

From #RCB to Dinesh Karthik ❤️ #TATAIPL | #RRvRCB | #TheFinalCall | #Eliminator | @RCBTweets | @DineshKarthik pic.twitter.com/p2XI7A1Ta6

— IndianPremierLeague (@IPL) May 22, 2024

ਦਿਨੇਸ਼ ਕਾਰਤਿਕ ਦਾ ਆਈਪੀਐੱਲ ਕਰੀਅਰ
ਦਿਨੇਸ਼ ਕਾਰਤਿਕ ਨੇ ਆਈਪੀਐੱਲ ਵਿੱਚ ਕੁੱਲ 257 ਮੈਚ ਖੇਡੇ ਜਿਸ ਵਿੱਚ ਉਨ੍ਹਾਂ ਨੇ 4842 ਦੌੜਾਂ ਬਣਾਈਆਂ। ਇਸ ਦੌਰਾਨ ਉਨ੍ਹਾਂ ਨੇ 22 ਅਰਧ ਸੈਂਕੜੇ ਵੀ ਲਗਾਏ ਹਨ। ਕਾਰਤਿਕ ਆਈਪੀਐੱਲ ਦੇ ਇਤਿਹਾਸ ਵਿੱਚ ਚੋਟੀ ਦੇ 10 ਦੌੜਾਂ ਬਣਾਉਣ ਵਾਲੇ ਖਿਡਾਰੀਆਂ ਦੀ ਸੂਚੀ ਵਿੱਚ ਸ਼ਾਮਲ ਹੈ। ਖਾਸ ਤੌਰ 'ਤੇ ਆਰਸੀਬੀ ਵਿਚ ਸ਼ਾਮਲ ਹੋਣ ਤੋਂ ਬਾਅਦ ਕਾਰਤਿਕ ਦੀ ਖੇਡ ਵਿਚ ਹੋਰ ਸੁਧਾਰ ਹੋਇਆ ਅਤੇ ਦੁਨੀਆ ਦੇ ਸਾਹਮਣੇ ਆ ਗਿਆ। ਕਾਰਤਿਕ ਨੇ ਆਈਪੀਐੱਲ 2024 ਵਿੱਚ ਵੀ ਆਪਣਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਰੱਖਿਆ। ਉਨ੍ਹਾਂ ਨੇ ਇਸ ਸੀਜ਼ਨ 'ਚ 326 ਦੌੜਾਂ ਬਣਾਈਆਂ।

ਤੁਹਾਨੂੰ ਦੱਸ ਦੇਈਏ ਕਿ ਆਈਪੀਐੱਲ 2024 ਦੇ ਐਲੀਮੀਨੇਟਰ ਮੈਚ 'ਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਨੂੰ ਰਾਜਸਥਾਨ ਰਾਇਲਸ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਇਸ ਹਾਰ ਦੇ ਨਾਲ ਹੀ ਆਈਪੀਐੱਲ 2024 'ਚ ਬੈਂਗਲੁਰੂ ਦਾ ਸਫਰ ਖਤਮ ਹੋ ਗਿਆ ਅਤੇ ਹਰ ਵਾਰ ਦੀ ਤਰ੍ਹਾਂ ਆਰਸੀਬੀ ਬਿਨਾਂ ਟਰਾਫੀ ਲਏ ਘਰ ਪਰਤ ਚੁੱਕੀ ਹੈ। ਆਰਸੀਬੀ ਸੀਜ਼ਨ ਦੇ ਅੱਧ ਵਿੱਚ ਅੰਕ ਸੂਚੀ ਵਿੱਚ ਸਭ ਤੋਂ ਹੇਠਾਂ ਸੀ, 8 ਵਿੱਚੋਂ ਸਿਰਫ 1 ਮੈਚ ਜਿੱਤ ਸਕਿਆ। ਹਾਲਾਂਕਿ ਆਰਸੀਬੀ ਨੇ ਲਗਾਤਾਰ ਛੇ ਜਿੱਤਾਂ ਨਾਲ ਪਲੇਆਫ ਵਿੱਚ ਜਗ੍ਹਾ ਬਣਾਈ, ਜਿਸ ਵਿੱਚ 5 ਵਾਰ ਦੀ ਚੈਂਪੀਅਨ ਚੇਨਈ ਸੁਪਰ ਕਿੰਗਜ਼ ਨੂੰ ਹਰਾਉਣਾ ਵੀ ਸ਼ਾਮਲ ਸੀ।