ਸੈਮਸਨ ਨੂੰ ਵਿਸ਼ਵ ਕੱਪ ਟੀਮ 'ਚ ਜਗ੍ਹਾ ਨਾ ਮਿਲਣ 'ਤੇ ਬੋਲੇ ਡਿਵਿਲੀਅਰਸ

ਸਪੋਰਟਸ ਡੈਸਕ : ਸੰਜੂ ਸੈਮਸਨ ਨੂੰ ਕ੍ਰਿਕਟ ਵਿਸ਼ਵ ਕੱਪ 2023 ਲਈ ਭਾਰਤੀ ਟੀਮ 'ਚ ਜਗ੍ਹਾ ਨਹੀਂ ਮਿਲੀ ਹੈ।ਸੈਮਸਨ ਨੂੰ ਵਿਸ਼ਵ ਕੱਪ ਟੀਮ 'ਚ ਸ਼ਾਮਲ ਨਾ ਕੀਤੇ ਜਾਣ 'ਤੇ ਆਪਣੀ ਰਾਏ ਜ਼ਾਹਰ ਕਰਦੇ ਹੋਏ ਡਿਵਿਲੀਅਰਸ ਨੇ ਕਿਹਾ ਕਿ ਅਸੀਂ ਸਾਰੇ ਜਾਣਦੇ ਹਾਂ ਕਿ ਉਹ ਕੀ ਕਰਨ ਦੇ ਸਮਰੱਥ ਹੈ।

ਡਿਵਿਲੀਅਰਸ ਨੇ ਕਿਹਾ, 'ਮੈਨੂੰ ਉਸ ਬਾਰੇ ਜ਼ਿਆਦਾ ਕਹਿਣ ਦੀ ਲੋੜ ਨਹੀਂ ਹੈ। ਅਸੀਂ ਸਾਰੇ ਜਾਣਦੇ ਹਾਂ ਕਿ ਉਹ ਕੀ ਕਰਨ ਦੇ ਸਮਰੱਥ ਹੈ। ਉਸ ਨੇ ਕਿਹਾ, 'ਉਸ ਕੋਲ ਬੱਲੇਬਾਜ਼ੀ ਲਈ ਸਭ ਕੁਝ ਹੈ। ਇਹ ਸਭ ਦਿਮਾਗ ਵਿੱਚ ਹੈ ਅਤੇ ਇਹ ਵਨਡੇ, ਯੋਜਨਾਬੰਦੀ, ਵਿਸ਼ਵ ਕੱਪ ਅਤੇ ਦਬਾਅ ਦੇ ਅਨੁਕੂਲ ਹੋਣ ਬਾਰੇ ਹੈ। 

ਇਹ ਵੀ ਪੜ੍ਹੋ : ਏਸ਼ੀਆਈ ਖੇਡਾਂ ਤੋਂ ਪਹਿਲਾਂ ਆਤਮਵਿਸ਼ਵਾਸ ਨਾਲ ਲਬਰੇਜ਼ ਹਾਕੀ ਫਾਰਵਰਡ ਗੁਰਜੰਟ ਸਿੰਘ

ਭਾਰਤੀ ਟੀਮ ਘਰੇਲੂ ਮੈਦਾਨਾਂ 'ਤੇ ਵਿਸ਼ਵ ਕੱਪ ਖੇਡੇਗੀ, ਜਿਸ ਨਾਲ ਉਸ 'ਤੇ ਕਾਫੀ ਦਬਾਅ ਹੋਵੇਗਾ, ਇਸ 'ਤੇ ਰੋਹਿਤ ਸ਼ਰਮਾ ਐਂਡ ਕੰਪਨੀ ਲਈ ਡਿਵਿਲੀਅਰਸ ਦਾ ਮੰਤਰ 'ਦਲੇਰੀ ਨਾਲ ਖੇਡਣਾ ਅਤੇ 2011 ਦੀ ਸਫਲਤਾ ਨੂੰ ਦੁਹਰਾਉਣਾ' ਹੈ। ਉਸ ਨੇ ਕਿਹਾ, 'ਭਾਰਤੀ ਟੀਮ ਸ਼ਾਨਦਾਰ ਹੈ, ਅਸਲ ਵਿੱਚ ਮਜ਼ਬੂਤ ਹੈ। ਭਾਰਤ ਲਈ ਮੇਰੀ ਚਿੰਤਾ ਸਿਰਫ ਆਪਣੀ ਹੀ ਧਰਤੀ 'ਤੇ ਖੇਡਣਾ ਹੈ। ਉਨ੍ਹਾਂ ਨੇ ਭਾਰਤ ਵਿੱਚ ਖੇਡਦਿਆਂ ਖ਼ਿਤਾਬ ਜਿੱਤੇ ਹਨ। ਪਰ ਉਨ੍ਹਾਂ 'ਤੇ ਬਹੁਤ ਦਬਾਅ ਹੋਵੇਗਾ।

ਡਿਵਿਲੀਅਰਸ ਨੇ ਕਿਹਾ, 'ਪਰ ਉਹ ਇਸ ਨਾਲ ਨਜਿੱਠ ਸਕਦੇ ਹਨ, ਮੈਨੂੰ ਇਸ 'ਚ ਕੋਈ ਦਿੱਕਤ ਨਹੀਂ ਦਿਖਾਈ ਦਿੰਦੀ। ਜੋ ਵੀ ਤੁਸੀਂ ਕਾਬੂ ਕਰ ਸਕਦੇ ਹੋ, ਉਹ ਕਰੋ। ਪਰ ਦਲੇਰੀ ਨਾਲ ਖੇਡੋ। ਭਾਰਤੀ ਟੀਮ ਆਪਣੀ ਵਿਸ਼ਵ ਕੱਪ ਮੁਹਿੰਮ ਦੀ ਸ਼ੁਰੂਆਤ 8 ਅਕਤੂਬਰ ਨੂੰ ਆਸਟਰੇਲੀਆ ਖ਼ਿਲਾਫ਼ ਕਰੇਗੀ।

ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:-  https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8