ਹੁਣ ਹੋਵੇਗੀ ਜੰਗ-ਏ-ਨਾਕਆਊਟ
Saturday, Jun 30, 2018 - 12:21 PM (IST)

ਨਵੀਂ ਦਿੱਲੀ— ਕ੍ਰਿਸਟੀਆਨੋ ਰੋਨਾਲਡੋ (ਪੁਰਤਗਾਲ) ਸਪੇਨ ਵਿਰੁੱਧ ਪਹਿਲੇ ਹੀ ਮੈਚ ਵਿਚ ਪੁਰਤਗਾਲ ਦੇ ਕਪਤਾਨ ਕ੍ਰਿਸਟੀਆਨੋ ਰੋਨਾਲਡੋ ਨੇ ਹੈਟ੍ਰਿਕ ਬਣਾ ਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਸੀ। ਰੋਨਾਲਡੋ ਦੀ ਤੀਜੇ ਗੋਲ ਦੀ ਮਦਦ ਨਾਲ ਹੀ ਪੁਰਤਗਾਲ ਸਪੇਨ ਨਾਲ ਡਰਾਅ ਖੇਡ ਸਕਿਆ ਸੀ। ਰੋਨਾਲਡੋ ਤਿੰਨ ਮੈਚਾਂ 'ਚ ਚਾਰ ਗੋਲ ਕਰ ਕੇ ਗੋਲਡਨ ਬੂਟ ਦੀ ਰੇਸ ਵਿਚ ਬਣਿਆ ਹੋਇਆ ਹੈ।
—ਲਿਓਨਿਲ ਮੇਸੀ (ਅਰਜਨਟੀਨਾ)
ਅਰਜਨਟੀਨਾ ਦੀ ਸ਼ੁਰੂਆਤ ਭਾਵੇਂ ਹੌਲੀ ਰਹੀ ਹੋਵੇ ਪਰ ਨਾਈਜੀਰੀਆ ਵਿਰੁੱਧ ਆਖਰੀ ਮੈਚ ਵਿਚ ਜਿੱਤ ਨੇ ਉਸ ਨੂੰ ਰਾਹਤ ਜ਼ਰੂਰ ਦਿੱਤੀ ਹੈ। ਖਾਸ ਤੌਰ 'ਤੇ ਕਪਤਾਨ ਲਿਓਨਿਲ ਮੇਸੀ ਵੱਲੋਂ ਗੋਲ ਕਰ ਕੇ ਫਾਰਮ ਵਿਚ ਪਰਤਣਾ ਵਿਸ਼ਵ ਕੱਪ ਨੂੰ ਰੋਮਾਂਚਕ ਬਣਾ ਸਕਦਾ ਹੈ। ਨਾਕਆਊਟ ਵਿਚ ਅਰਜਨਟੀਨਾ ਦਾ ਮੁਕਾਬਲਾ ਹੁਣ ਫਰਾਂਸ ਨਾਲ ਹੋਣਾ ਹੈ।
- ਹੈਰੀ ਕੇਨ (ਇੰਗਲੈਂਡ)
ਪਨਾਮਾ ਵਰਗੀ ਟੀਮ ਵਿਰੁੱਧ 6-1 ਨਾਲ ਜਿੱਤਣ ਵਾਲੀ ਇੰਗਲੈਂਡ ਗਰੁੱਪ ਦੌਰ 'ਤੇ 2 ਮੈਚ ਜਿੱਤ ਕੇ ਨਾਕਆਊਟ ਵਿਚ ਪਹੁੰਚੀ ਹੈ। ਇੰਗਲੈਂਡ ਦਾ ਕਪਤਾਨ ਹੈਰੀ ਕੇਨ ਸ਼ਾਨਦਾਰ ਫਾਰਮ ਵਿਚ ਚੱਲ ਰਿਹਾ ਹੈ। ਉਹ ਪੰਜ ਗੋਲ ਕਰ ਕੇ ਗੋਲਡ ਬੂਟ ਦੀ ਰੇਸ ਵਿਚ ਸਭ ਤੋਂ ਅੱਗੇ ਹੈ। ਇੰਗਲੈਂਡ ਦਾ ਅਟੈਕਿੰਗ ਮੂਡ ਵੀ ਉਸ ਨੂੰ ਬਾਕੀਆਂ ਨਾਲੋਂ ਖਾਸ ਬਣਾ ਰਿਹਾ ਹੈ।
-ਨੇਮਾਰ (ਬ੍ਰਾਜ਼ੀਲ)
ਗਰੁੱਪ ਦੌਰ ਦਾ ਪਹਿਲਾ ਮੈਚ ਡਰਾਅ ਖੇਡਣ ਵਾਲੀ ਬ੍ਰਾਜ਼ੀਲ ਨੇ ਬਾਕੀ ਦੋਵੇਂ ਮੈਚਾਂ ਵਿਚ ਧਮਾਕੇਦਾਰ ਵਾਪਸੀ ਕਰਦਿਆਂ ਜਿੱਤ ਹਾਸਲ ਕੀਤੀ। ਬ੍ਰਾਜ਼ੀਲ ਦੇ ਸਟਾਰ ਫੁੱਟਬਾਲਰ ਨੇਮਾਰ ਤੇ ਫਿਲਿਪ ਫਾਰਮ ਵਿਚ ਨਜ਼ਰ ਆ ਰਹੇ ਹਨ। ਬ੍ਰਾਜ਼ੀਲ ਲਈ ਸਭ ਤੋਂ ਵੱਡੀ ਚਿੰਤਾ ਇਹ ਹੈ ਕਿ ਉਹ ਸਿਰਫ ਆਪਣੇ ਸਟਾਰ ਫੁੱਟਬਾਲਰ ਦੇ ਪ੍ਰਦਰਸ਼ਨ ਦੇ ਸਹਾਰੇ ਬਣੀ ਹੋਈ ਹੈ।
-ਲੂਈਸ ਸੁਆਰੇਜ (ਉਰੂਗਵੇ)
ਵਿਸ਼ਵ ਕੱਪ ਵਿਚ ਸਿਰਫ ਉਰੂਗਵੇ ਨੇ ਗਰੁੱਪ ਦੌਰ ਦੇ ਤਿੰਨੇ ਮੈਚਾਂ ਜਿੱਤੇ ਹਨ। ਉਰੂਗਵੇ ਲਈ ਉਸਦਾ ਚੈਂਪੀਅਨ ਖਿਡਾਰੀ ਲੂਈਸ ਸੁਆਰੇਜ ਇਕ ਵਾਰ ਫਿਰ ਤੋਂ ਟੀਮ ਲਈ ਜੇਤੂ ਖਿਡਾਰੀ ਬਣਿਆ ਹੋਇਆ ਹੈ। ਉਸ ਨੇ ਤਿੰਨ ਮੈਚਾਂ ਵਿਚ ਦੋ ਗੋਲ ਕਰ ਕੇ ਆਪਣੀ ਟੀਮ ਨੂੰ ਜਿਤਾਉਣ ਵਿਚ ਅਹਿਮ ਯੋਗਦਾਨ ਦਿੱਤਾ। ਸੁਆਰੇਜ ਨੇ ਦੋਵੇਂ ਗੋਲ ਪਹਿਲੇ ਹਾਫ ਦੇ 25ਵੇਂ ਮਿੰਟ ਤੋਂ ਪਹਿਲਾਂ ਕੀਤੇ।
ਪੋਲ ਪੋਗਬਾ (ਫਰਾਂਸ)
ਗਰੁੱਪ ਦੌਰ 'ਤੇ ਦੋ ਜਿੱਤਾਂ ਤੇ ਇਕ ਡਰਾਅ ਨਾਲ ਨਾਕਆਊਟ ਵਿਚ ਪਹੁੰਚੇ ਫਰਾਂਸ ਦੇ ਸਾਰੇ ਸਿਤਾਰੇ ਇਸ ਸਮੇਂ ਫਾਰਮ ਵਿਚ ਹਨ। ਖਾਸ ਤੌਰ 'ਤੇ ਪੋਲ ਪੋਗਬਾ ਵੱਡਾ ਚਮਤਕਾਰ ਕਰ ਸਕਦਾ ਹੈ। ਵੈਸੇ ਫਰਾਂਸ ਦਾ ਕਪਤਾਨ ਗ੍ਰੀਜਮੈਨ ਵੀ ਚੰਗੀ ਫਾਰਮ ਵਿਚ ਚੱਲ ਰਿਹਾ ਹੈ। ਅਜਿਹੇ ਵਿਚ ਉਸਦੀ ਦਾਅਵੇਦਾਰੀ ਕਾਫੀ ਮਜ਼ਬੂਤ ਹੈ।
ਰੋਮੇਲੂ ਲੁਕਾਕੂ ( ਬੈਲਜੀਅਮ)
ਗਰੁੱਪ ਦੌਰ ਦੇ ਤਿੰਨੇ ਮੈਚ ਜਿੱਤ ਕੇ ਨਾਕਆਊਟ ਵਿਚ ਬੈਲਜੀਅਮ ਦੇ ਖਿਡਾਰੀ ਸ਼ਾਨਦਾਰ ਫਾਰਮ ਵਿਚ ਹਨ। ਟੀਮ ਦਾ ਪ੍ਰਮੁੱਖ ਖਿਡਾਰੀ ਲੁਕਾਕੂ ਦੋ ਮੈਚਾਂ ਵਿਚ ਚਾਰ ਗੋਲ ਕਰ ਚੁੱਕਾ ਹੈ। ਟਿਊਨੇਸ਼ੀਆ ਵਿਰੁੱਧ 5-2 ਦੀ ਜਿੱਤ ਨਾਲ ਬੈਲਜੀਅਮ ਨੇ ਸਾਬਤ ਕਰ ਦਿੱਤਾ ਹੈ ਕਿ ਉਸ ਨੂੰ ਵਿਸ਼ਵ ਕੱਪ ਵਿਚ ਕੋਈ ਹਲਕੇ ਵਿਚ ਨਾ ਲਵੇ।
-ਡਿਆਰੀ ਕੋਸਟਾ ( ਸਪੇਨ)
ਪੁਰਤਗਾਲ ਵਿਰੁੱਧ ਪਹਿਲੇ ਹੀ ਮੁਕਾਬਲੇ ਵਿਚ ਸਪੇਨ ਜਿੱਤ ਦੇ ਨੇੜੇ ਲੀ ਜਦੋਂ ਪੁਰਤਗਾਲ ਗੇ ਰੋਨਾਲਡੋ ਨੇ ਗੋਲ ਕਰ ਕੇ ਮੈਚ ਡਰਾਅ ਕਰਵਾ ਗਿੱਕਾ। ਫਿਲਹਾਲ ਦੋ ਡਰਾਅ 'ਤੇ ਇਕ ਜਿੱਤ ਦੇ ਨਾਲ ਸਪੇਨ ਨਾਕਆਊਟ ਦੌਰ 'ਚ ਪਹੁੰਚ ਚੁੱਕੀ ਹੈ। ਸਪੇਨ ਵੱਲੋਂ ਉਸਦੇ ਸਟਾਰ ਫੁੱਟਬਾਲਰ ਡਿਆਗੋ ਕੋਸਟਾ 'ਤੇ ਨਜ਼ਰਾਂ ਰਹਿਣਗੀਆਂ।