ਕ੍ਰਿਕਟਰ ਸ਼ੋਇਬ ਮਲਿਕ ਨੇ ਸਾਨੀਆ ਨੂੰ ਵਿਆਹ ਦੀ ਵਰ੍ਹੇਗੰਢ ਵਿਸ਼ ਕੀਤੀ ਪਰ ਕਰ'ਤੀ ਵੱਡੀ ਭੁੱਲ

04/14/2021 12:27:31 AM

ਲਾਹੌਰ (ਇੰਟ.)-ਪਾਕਿਸਤਾਨੀ ਕ੍ਰਿਕਟਰ ਸ਼ੋਇਬ ਮਲਿਕ ਨੇ ਆਪਣੀ ਪਤਨੀ ਸਾਨੀਆ ਮਿਰਜ਼ਾ ਨੂੰ ਵਿਆਹ ਦੀ ਵਰ੍ਹੇਗੰਢ ਇਕ ਦਿਨ ਬਾਅਦ ਵਿਸ਼ ਕੀਤੀ। ਸੋਸ਼ਲ ਮੀਡੀਆ 'ਤੇ ਮਲਿਕ ਨੇ ਇਸ ਲਈ ਸਾਨੀਆ ਮਿਰਜ਼ਾ ਕੋਲੋਂ ਮੁਆਫੀ ਵੀ ਮੰਗੀ। ਦੱਸ ਦਈਏ ਕਿ 12 ਅਪ੍ਰੈਲ ਨੂੰ ਸਾਨੀਆ ਅਤੇ ਸ਼ੋਇਬ ਦੇ ਵਿਆਹ ਦੀ 11ਵੀਂ ਵਰ੍ਹੇਗੰਢ ਸੀ, ਸਾਨੀਆ ਨੇ ਸੋਸ਼ਲ ਮੀਡੀਆ 'ਤੇ ਪਤੀ ਸ਼ੋਇਬ ਨੂੰ ਵਿਸ਼ ਕਰਦੇ ਹੋਏ ਪੋਸਟ ਵੀ ਸ਼ੇਅਰ ਕੀਤੀ ਸੀ, ਜੋ ਖੂਬ ਵਾਇਰਲ ਹੋਈ ਸੀ। 12 ਅਪ੍ਰੈਲ ਨੂੰ ਸਾਨੀਆ ਨੇ ਸੋਸ਼ਲ ਮੀਡੀਆ 'ਤੇ ਸ਼ੋਇਬ ਨੂੰ ਵਿਸ਼ ਜ਼ਰੂਰ ਕੀਤਾ ਪਰ ਮਲਿਕ ਨੇ ਵਿਆਹ ਦੀ ਵਰ੍ਹੇਗੰਢ ਵਾਲੇ ਦਿਨ ਕੋਈ ਮੈਸੇਜ ਅਤੇ ਪੋਸਟ ਨਹੀਂ ਕੀਤਾ ਸੀ ਪਰ ਇਕ ਦਿਨ ਬਾਅਦ ਸ਼ੋਇਬ ਨੇ ਟਵੀਟ ਕੀਤਾ ਅਤੇ ਸਾਨੀਆ ਨੂੰ ਆਪਣੇ ਵਿਆਹ ਦੀ ਵਰ੍ਹੇਗੰਢ 'ਤੇ ਵਿਸ਼ ਕੀਤਾ।

ਇਹ ਵੀ ਪੜ੍ਹੋ-IPL 2021: ਮੁੰਬਈ ਇੰਡੀਅਨਜ਼ ਨੇ ਕੇ.ਕੇ.ਆਰ. ਨੂੰ 10 ਦੌੜਾਂ ਨਾਲ ਹਰਾਇਆ
ਸ਼ੋਇਬ ਨੇ ਪੋਸਟ ਸ਼ੇਅਰ ਕੀਤੀ ਅਤੇ ਲਿਖਿਆ ਗਲਤੀ ਨਾਲ ਮਿਸਟੇਕ ਹੋ ਗਈ, ਹਮੇਸ਼ਾ ਵਾਂਗ ਇਕ ਦਿਨ ਦੇਰੀ ਨਾਲ ਵਿਸ਼ ਕਰ ਰਿਹਾ ਹਾਂ। ਲਵ ਯੂ ਸਾਨੀਆ, ਮਲਿਕ ਦੇ ਇਸ ਟਵੀਟ 'ਤੇ ਉਂਝ ਸਾਨੀਆ ਦਾ ਅਜੇ ਤੱਕ ਕੋਈ ਰਿਐਕਸ਼ਨ ਨਹੀਂ ਆਇਆ ਹੈ। ਦੱਸ ਦਈਏ ਕਿ ਸਾਨੀਆ ਨੇ ਆਪਣੀ 11ਵੀਂ ਵਰ੍ਹੇਗੰਢ 'ਤੇ ਟਵੀਟ ਕੀਤਾ ਸੀ ਜਿਸ ਨੂੰ ਲੋਕਾਂ ਨੇ ਖੂਬ ਪਸੰਦ ਕੀਤਾ ਸੀ। ਮਿਰਜ਼ਾ ਨੇ ਤਸਵੀਰ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ਵਿਚ ਲਿਖਿਆ ਸੀ, 'ਉਹ ਕਹਿੰਦੇ ਹਨ ਸੁੱਖ ਅਤੇ ਦੁੱਖ ਵਿਚ, ਚੰਗੇ ਅਤੇ ਬੁਰੇ ਸਮੇਂ ਵਿਚ, ਹੈਪੀ ਐਨੀਵਰਸਰੀ ਮਾਈ ਮੈਨ... ਤੁਹਾਨੂੰ ਚਿੜ੍ਹਾਉਣ ਦੇ ਕਈ ਹੋਰ ਸਾਲ...11ਵੀ ਵਰ੍ਹੇਗੰਢ'
ਸਾਨੀਆ ਭਾਰਤ ਦੀ ਬਿਹਤਰੀਨ ਟੈਨਿਸ ਖਿਡਾਰੀਆਂ ਵਿਚੋਂ ਇਕ ਹੈ, ਉਥੇ ਹੀ ਸ਼ੋਇਬ ਪਾਕਿਸਤਾਨ ਲਈ 35 ਟੈਸਟ, 287 ਵਨ-ਡੇ ਅਤੇ 116 ਟੀ-20 ਇੰਟਰਨੈਸ਼ਨਲ ਮੈਚ ਖੇਡ ਚੁੱਕੇ ਹਨ। ਸਾਲ 1999 ਵਿਚ ਸ਼ੋਇਬ ਨੇ ਪਾਕਿਸਤਾਨ ਵਲੋਂ ਇੰਟਰਨੈਸ਼ਨਲ ਕ੍ਰਿਕਟ ਵਿਚ ਡੈਬਿਊ ਕੀਤਾ ਸੀ। ਸ਼ੋਇਬ ਨੇ ਪਾਕਿਸਤਾਨ ਦੀ ਟੀਮ ਲਈ ਕਪਤਾਨੀ ਵੀ ਕੀਤੀ ਹੈ।

ਪਾਕਿਸਤਾਨ ਦੇ ਸ਼ੋਇਬ ਮਲਿਕ ਦਾ ਕਿਰਦਾਰ ਲਾਜਵਾਬ ਰਿਹਾ ਹੈ। ਟੈਸਟ ਵਿਚ ਮਲਿਕ ਨੇ 1898 ਦੌੜਾਂ ਬਣਾਈਆਂ ਹਨ ਤਾਂ ਉਥੇ ਹੀ ਵਨ ਡੇ ਵਿਚ 7534 ਦੌੜਾਂ ਬਣਾਉਣ ਵਿਚ ਸਫਲਤਾ ਹਾਸਲ ਕੀਤੀ ਹੈ। ਵਨ ਡੇ ਵਿਚ ਮਲਿਕ ਦੇ ਨਾਂ 9 ਸੈਕੜੇ ਅਤੇ 44 ਹਾਫ ਸੈਂਚਰੀ ਦਰਜ ਹਨ। ਇਸ ਤੋਂ ਇਲਾਵਾ ਮਲਿਕ ਨੇ 116 ਟੀ-20 ਇੰਟਰਨੈਸ਼ਨਲ ਮੈਚ ਖੇਡੇ ਹਨ। ਇਸ ਦੌਰਾਨ ਮਲਿਕ ਨੇ 8 ਹਾਫ ਸੈਂਚਰੀ ਸਣੇ 2335 ਦੌੜਾਂ ਬਣਾਈਆਂ ਹਨ।

 


Sunny Mehra

Content Editor

Related News