CPL 2020: ਨਾਈਟ ਰਾਈਡਰਜ਼ ਚੌਥੀ ਵਾਰ ਬਣੀ ਚੈਂਪੀਅਨ, ਸ਼ਾਹਰੁਖ ਖ਼ਾਨ ਨੇ ਟੀਮ ਨਾਲ ਇੰਝ ਮਨਾਇਆ ਜਸ਼ਨ
Friday, Sep 11, 2020 - 10:09 AM (IST)
ਸਪੋਰਟਸ ਡੈਸਕ : ਕੈਰੇਬਿਆਈ ਪ੍ਰੀਮੀਅਰ ਲੀਗ 2020 ਦਾ ਖ਼ਿਤਾਲ ਬਾਲੀਵੁੱਡ ਅਦਾਕਾਰ ਸ਼ਾਹਰੁਖ ਖ਼ਾਨ ਦੀ ਟੀਮ ਟਰਿਨਬਾਗੋ ਨਾਈਟ ਰਾਇਡਰਜ਼ ਦੇ ਨਾਂ ਰਿਹਾ। ਟਰਿਨਬਾਗੋ ਨਾਈਟ ਰਾਇਡਰਜ਼ ਨੇ ਸੈਂਟ ਲੂਸੀਆ ਜਾਕਸ ਨੂੰ 8 ਵਿਕਟਾਂ ਨਾਲ ਹਰਾ ਦਿੱਤਾ। ਖਿਤਾਬੀ ਮੁਕਾਬਲੇ ਵਿਚ ਸੈਂਟ ਲੂਸੀਆ ਨੇ 154 ਦੌੜਾਂ ਬਣਾਈਆਂ ਸਨ, ਜਿਸ ਨੂੰ ਟਰਿਨਬਾਗੋ ਨੇ 18.1 ਓਵਰਾਂ ਵਿਚ 2 ਵਿਕਟਾਂ 'ਤੇ 157 ਦੌੜਾਂ ਬਣਾਉਂਦੇ ਹੋਏ ਹਾਸਲ ਕਰ ਲਿਆ। ਇਸ ਤਰ੍ਹਾਂ ਟਰਿਨਬਾਗੋ ਦੀ ਟੀਮ ਚੌਥੀ ਵਾਰ ਸੀ.ਪੀ.ਐਲ. ਦਾ ਖ਼ਿਤਾਬ ਜਿੱਤਣ ਵਿਚ ਸਫ਼ਲ ਰਹੀ। ਸ਼ਾਹਰੁਖ ਖਾਨ ਨੇ ਸੋਸ਼ਲ ਮੀਡੀਆ 'ਤੇ ਆਪਣੀ ਟੀਮ ਦੀ ਟੀਵੀ ਵਿਚ ਜਸ਼ਨ ਮਣਾਉਂਦੇ ਸਮੇਂ ਦੀ ਸੈਲਫੀ ਸਾਂਝੀ ਕਰਦੇ ਹੋਏ ਵਧਾਈ ਦਿੱਤੀ ਹੈ। ਦੱਸ ਦੇਈਏ ਕਿ ਉਹ ਕੋਵਿਡ-19 ਕਾਰਨ ਟੀਮ ਨੂੰ ਚੀਅਰ ਕਰਣ ਲਈ ਟਰਿਨਿਨਾਦ ਨਹੀਂ ਜਾ ਸਕੇ ਸਨ।
— Shah Rukh Khan (@iamsrk) September 10, 2020
ਸ਼ਾਹਰੁਖ ਖ਼ਾਨ ਨੇ ਆਪਣੇ ਟਵੀਟ ਵਿਚ ਲਿਖਿਆ- ਟੀ.ਕੇ.ਆਰ. ਅਸੀਂ ਜਿੱਤ ਗਏ। ਸ਼ਾਨਦਾਰ ਮੁੰਡਿਓ... ਤੁਸੀਂ ਸਾਨੂੰ ਮਾਣ ਮਹਿਸੂਸ ਕਰਾਇਆ ਅਤੇ ਬਿਨਾਂ ਕਰਾਊਡ ਦੇ ਜਸ਼ਨ ਮਨਾਇਆ। ਬਹੁਤ ਸਾਰਾ ਪਿਆਰ। ਲੇਂਡਲ ਸਿਮੰਸ, ਡਿਵੇਨ ਬਰਾਵੋ ਅਤੇ ਕਾਇਰਨ ਪੋਲਾਰਡ ਅਤੇ ਡੈਰੇਨ ਬਰਾਵੋ ਤੁਸੀਂ ਸਾਰਿਆਂ ਨੇ ਬਹੁਤ ਚੰਗਾ ਕੀਤਾ। ਬਰੇਂਡਨ ਮੈਕਲਮ ਨੂੰ ਬਹੁਤ ਸਾਰਾ ਪਿਆਰ... ਹੁਣ ਆਈ.ਪੀ.ਐਲ ਵਿਚ ਆਓ ਜੀ।
Ami TKR we rule. Awesome display boys...u make us proud, happy and make us party even without a crowd. Love u team.@TKRiders @54simmo and my fav @DMBravo46 well done @KieronPollard55 & my man @DJBravo47 love you how many now4!!! @Bazmccullum come to IPL lov u
— Shah Rukh Khan (@iamsrk) September 10, 2020
