ਏਸ਼ੀਆਈ ਮਹਿਲਾ ਹਾਕੀ ਚੈਂਪੀਅਨਜ਼ ਟਰਾਫੀ ''ਚ ਮਲੇਸ਼ੀਆ ਨੂੰ ਹਰਾ ਕੇ ਚੀਨ ਫਾਈਨਲ ''ਚ ਪੁੱਜਾ

ਰਾਜਗੀਰ- ਏਸ਼ੀਅਨ ਮਹਿਲਾ ਹਾਕੀ ਚੈਂਪੀਅਨਜ਼ ਟਰਾਫੀ 'ਚ ਮੰਗਲਵਾਰ ਨੂੰ ਖੇਡੇ ਗਏ ਸੈਮੀਫਾਈਨਲ 'ਚ ਚੀਨ ਨੇ ਮਲੇਸ਼ੀਆ ਨੂੰ 3-1 ਨਾਲ ਹਰਾ ਕੇ ਫਾਈਨਲ 'ਚ ਜਗ੍ਹਾ ਬਣਾ ਲਈ ਹੈ। ਅੱਜ ਇੱਥੇ ਬਿਹਾਰ ਦੇ ਰਾਜਗੀਰ ਵਿੱਚ ਖੇਡੇ ਗਏ ਪਹਿਲੇ ਸੈਮੀਫਾਈਨਲ ਮੈਚ ਵਿੱਚ ਚੀਨ ਨੇ ਡੇਂਗ ਕਿਊਚਾਨ ਵੱਲੋਂ ਪਹਿਲੇ ਕੁਆਰਟਰ ਦੇ ਦਸਵੇਂ ਮਿੰਟ ਵਿੱਚ ਪਹਿਲਾ ਗੋਲ ਕਰਕੇ ਆਪਣੀ ਟੀਮ ਨੂੰ ਬੜ੍ਹਤ ਦਿਵਾਈ। ਦੂਜੇ ਕੁਆਰਟਰ ਵਿੱਚ ਵੀ ਚੀਨ ਨੇ ਆਪਣਾ ਦਬਦਬਾ ਕਾਇਮ ਰੱਖਿਆ ਅਤੇ ਇੱਕ ਤੋਂ ਬਾਅਦ ਇੱਕ ਦੋ ਗੋਲ ਕੀਤੇ ਅਤੇ ਮਲੇਸ਼ੀਆ ਉੱਤੇ 3-0 ਦੀ ਵੱਡੀ ਬੜ੍ਹਤ ਬਣਾ ਲਈ। 

ਦੂਜਾ ਗੋਲ ਚੀਨ ਦੇ ਫੈਨ ਯੁਨਜੀਆ ਨੇ 17ਵੇਂ ਮਿੰਟ 'ਚ ਕੀਤਾ ਜਦਕਿ ਤੀਜਾ ਗੋਲ 23ਵੇਂ ਮਿੰਟ 'ਚ ਤਾਨ ਜਿਨਝਾਂਗ ਨੇ ਕੀਤਾ। ਤੀਜੇ ਕੁਆਰਟਰ ਵਿੱਚ ਮਲੇਸ਼ੀਆ ਦੀ ਖੈਰੁੰਨੀਸਾ ਨੇ ਮਲੇਸ਼ੀਆ ਲਈ ਪਹਿਲਾ ਗੋਲ ਕਰਕੇ ਇਸ ਬੜ੍ਹਤ ਨੂੰ ਘਟਾ ਦਿੱਤਾ। ਹਾਲਾਂਕਿ ਇਸ ਤੋਂ ਬਾਅਦ ਕੋਈ ਵੀ ਟੀਮ ਗੋਲ ਨਹੀਂ ਕਰ ਸਕੀ ਅਤੇ ਚੀਨ ਨੇ ਇਹ ਮੈਚ ਤਿੰਨ ਗੋਲਾਂ ਨਾਲ ਜਿੱਤ ਲਿਆ। ਦੂਜੇ ਸੈਮੀਫਾਈਨਲ 'ਚ ਭਾਰਤ ਦਾ ਸਾਹਮਣਾ ਜਾਪਾਨ ਨਾਲ ਹੋਵੇਗਾ। ਇਸ ਤੋਂ ਪਹਿਲਾਂ ਅੱਜ ਕੋਰੀਆ ਅਤੇ ਥਾਈਲੈਂਡ ਵਿਚਾਲੇ ਪੰਜਵੇਂ ਅਤੇ ਛੇਵੇਂ ਸਥਾਨ ਲਈ ਖੇਡੇ ਗਏ ਮੈਚ ਵਿੱਚ ਕੋਰੀਆ ਨੇ ਥਾਈਲੈਂਡ ਨੂੰ 3-0 ਨਾਲ ਹਰਾ ਕੇ ਪੰਜਵਾਂ ਸਥਾਨ ਹਾਸਲ ਕੀਤਾ। ਜਦਕਿ ਥਾਈਲੈਂਡ ਟੂਰਨਾਮੈਂਟ 'ਚ ਆਖਰੀ ਸਥਾਨ 'ਤੇ ਰਿਹਾ।