ਵਿਰਾਟ ਦੇ ਗੋਲ ਕਰਨੋਂ ਖੁੰਝਣ ’ਤੇ ਛੇਤਰੀ ਨੇ ਕੀਤਾ ਕੁਮੈਂਟ, ਕਪਤਾਨ ਨੇ ਕਿਹਾ-ਤੁਸੀਂ ਕਰ ਲਓ ਮੌਜ

ਸਪੋਰਟਸ ਡੈਸਕ : ਭਾਰਤੀ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਫੁੱਟਬਾਲ ਦੇ ਕਿੰਨੇ ਸ਼ੌਕੀਨ ਹਨ, ਇਹ ਕਿਸੇ ਤੋਂ ਲੁਕਿਆ ਨਹੀਂ ਹੈ। ਹਾਲ ਹੀ ’ਚ  ਵਿਰਾਟ ਨੇ ਸੋਸ਼ਲ ਮੀਡੀਆ ’ਤੇ ਇਕ ਵੀਡੀਓ ਪੋਸਟ ਕੀਤੀ ਸੀ। ਇਸ ਵੀਡੀਓ ’ਚ ਵਿਰਾਟ ਕੋਹਲੀ ਖੇਡਦੇ ਹੋਏ ਦਿਖਾਈ ਦੇ ਰਹੇ ਹਨ ਪਰ ਉਹ ਇਸ ਵੀਡੀਓ ’ਚ ਗੋਲ ਕਰਨ ਤੋਂ ਖੁੰਝ ਜਾਂਦੇ ਹਨ। ਵਿਰਾਟ ਦੀ ਇਸ ਵੀਡੀਓ ’ਤੇ ਭਾਰਤੀ ਫੁੱਟਬਾਲ ਟੀਮ ਦੇ ਕਪਤਾਨ ਸੁਨੀਲ ਛੇਤਰੀ ਨੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਭਾਰਤੀ ਫੁੱਟਬਾਲ ਟੀਮ ਦੇ ਕਪਤਾਨ ਸੁਨੀਲ ਛੇਤਰੀ ਨੇ ਟਵੀਟ ਕਰਦਿਆਂ ਕਿਹਾ ਕਿ ਸਾਰੇ ਕੋਚਿੰਗ ਸੈਸ਼ਨ ਦਾ ਇਕ ਹੀ ਇਨ ਵਾਇਸ ਭੇਜਾਂ ਜਾਂ ਫਿਰ ਆਸਾਨ ਕਿਸ਼ਤਾਂ ’ਚ ਚੁਕਾਵਾਂਗਾ। ਚੈਂਪ ? ਸੁਨੀਲ ਛੇਤਰੀ ਦੇ ਇਸ ਟਵੀਟ ਤੋਂ ਬਾਅਦ ਕੋਹਲੀ ਨੇ ਵੀ ਤੁਰੰਤ ਆਪਣੀ ਪ੍ਰਤੀਕਿਰਿਆ ਦਿੱਤੀ। ਵਿਰਾਟ ਕੋਹਲੀ ਨੇ ਵੀ ਸੁਨੀਲ ਟੈਗ ਕਰਦਿਆਂ ਆਪਣਾ ਜਵਾਬ ਦਿੱਤਾ।

Saare coaching sessions ka ek hi invoice bheju, ya aasan kishton mein chukaoge, champ? 😉 https://t.co/i98I9a9Nmq

— Sunil Chhetri (@chetrisunil11) May 25, 2021

ਵਿਰਾਟ ਕੋਹਲੀ ਨੇ ਟਵੀਟ ਕਰਦਿਆਂ ਸੁਨੀਲ ਛੇਤਰੀ ਨੂੰ ਕਿਹਾ ਕਿ ਸਹੀ ਕਿਹਾ ਕਪਤਾਨ, ਤੁਸੀਂ ਲੈ ਲਓ ਮੌਜ ਪੂਰੀ। ਇਸ ਦੇ ਨਾਲ ਹੀ ਵਿਰਾਟ ਕੋਹਲੀ ਨੇ ਹੱਸਣ ਵਾਲੀ ਇਮੋਜੀ ਵੀ ਸ਼ੇਅਰ ਕੀਤੀ। ਜ਼ਿਕਰਯੋਗ ਹੈ ਕਿ ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਤੇ ਭਾਰਤੀ ਫੁੱਟਬਾਲ ਟੀਮ ਦੇ ਕਪਤਾਨ ਸੁਨੀਲ ਛੇਤਰੀ ਗੂੜ੍ਹੇ ਦੋਸਤ ਹਨ।