ਚੈਂਪੀਅਨ ਚੈੱਸ ਟੂਰ ਸ਼ਤਰੰਜ : ਕੁਆਰਟਰ ਫਾਈਨਲ ’ਚ ਕਾਰਲਸਨ ਤੇ ਸੋ ਨੇ ਬਣਾਈ ਬੜ੍ਹਤ

ਟੋਨਸਬੇਰਗ (ਨਾਰਵੇ) (ਨਿਕਲੇਸ਼ ਜੈਨ)– ਮੇਲਟਵਾਟਰ ਚੈਂਪੀਅਨ ਚੈੱਸ ਟੂਰ ਦੇ 5ਵੇਂ ਪੜਾਅ ਮੈਗਨਸ ਇਨਵੀਟੇਸ਼ਨਲ ਦੇ ਕੁਆਰਟਰ ਫਾਈਨਲ ਦੇ ਬੈਸਟ ਆਫ ਟੂ ਦੇ ਪਹਿਲੇ ਦਿਨ ਵਿਸ਼ਵ ਚੈਂਪੀਅਨ ਨਾਰਵੇ ਦੇ ਮੈਗਨਸ ਕਾਰਲਸਨ ਤੇ ਅਮਰੀਕਾ ਦੇ ਵੇਸਲੀ ਸੋ ਨੇ ਪਹਿਲਾ ਦਿਨ ਆਪਣੇ ਨਾਂ ਕਰਦੇ ਹੋਏ ਬੜ੍ਹਤ ਕਾਇਮ ਕਰ ਲਈ। ਸੈਮੀਫਾਈਨਲ ਵਿਚ ਜਗ੍ਹਾ ਬਣਾਉਣ ਲਈ ਹੁਣ ਦੂਜੇ ਦਿਨ ਸਿਰਫ ਉਸ ਨੂੰ ਡਰਾਅ ਖੇਡਣਾ ਪਵੇਗਾ।

ਇਹ ਖ਼ਬਰ ਪੜ੍ਹੋ- ਵਿਰਾਟ ਨੇ ਇੰਗਲੈਂਡ ਵਿਰੁੱਧ ਕੀਤੀ ਵਿਲੀਅਮਸਨ ਦੀ ਬਰਾਬਰੀ, ਬਣਾਏ ਇਹ ਰਿਕਾਰਡ

ਮੈਗਨਸ ਕਾਰਲਸਨ ਨੇ ਅਮਰੀਕਾ ਦੇ ਲੇਵੋਨ ਅਰੋਨੀਅਨ ਨੂੰ ਸਫੇਦ ਮੋਹਰਿਆਂ ਨਾਲ ਨਿਮਜੋਂ ਇੰਡੀਅਨ ਓਪਨਿੰਗ ਵਿਚ 75 ਚਾਲਾਂ ਵਿਚ ਤੇ ਕਾਲੇ ਮੋਹਰਿਆਂ ਨਾਲ ਰਾਏ ਲੋਪੇਜ ਓਪਨਿੰਗ ਵਿਚ 32 ਚਾਲਾਂ ਵਿਚ ਹਰਾਇਆ ਜਦਕਿ ਇਕ ਮੁਕਾਬਲਾ ਡਰਾਅ ਰਿਹਾ ਤੇ ਕਾਰਲਸਨ ਨੇ 2.5-05 ਨਾਲ ਬੜ੍ਹਤ ਹਾਸਲ ਕਰ ਲਈ।

ਇਹ ਖ਼ਬਰ ਪੜ੍ਹੋ- ਟੀ-20 ਰੈਂਕਿੰਗ ’ਚ ਕੋਹਲੀ ਦੀ ਟਾਪ-5 ’ਚ ਵਾਪਸੀ

ਵੇਸਲੀ ਸੋ ਨੇ ਵੀ ਨੌਜਵਾਨ ਖਿਡਾਰੀ ਫਿਡੇ ਦੇ ਅਲੀਰੇਜਾ ਫਿਰੌਜਾ ਨੂੰ ਇਸੇ ਫਰਕ ਨਾਲ ਹਰਾਇਆ। ਹੋਰਨਾਂ 2 ਮੁਕਾਬਲਿਆਂ ਵਿਚ ਨੀਦਰਲੈਂਡ ਦੇ ਅਨੀਸ਼ ਗਿਰੀ ਨਾਲ ਫਰਾਂਸ ਦੇ ਮੈਕਸਿਮ ਲਾਗ੍ਰੇਵ ਤੇ ਰੂਸ ਦੇ ਇਯੋਨ ਨੈਪੋਮਨਿਆਚੀ ਤੇ ਅਮਰੀਕਾ ਦੇ ਹਿਕਾਰੂ ਨਾਕਾਮੁਰਾ ਵਿਚਾਲੇ ਪਹਿਲੇ ਦਿਨ ਸਕੋਰ 2-2 ਰਿਹਾ। ਹੁਣ ਦੂਜੇ ਦਿਨ ਸਿੱਧੀ ਜਿੱਤ ਦਰਜ ਕਰਨ ਵਾਲਾ ਖਿਡਾਰੀ ਸੈਮੀਫਾਈਨਲ ਵਿਚ ਪਹੁੰਚ ਜਾਵੇਗਾ।

ਨੋਟ- ਇਸ ਖਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।