BWF ਰੈਂਕਿੰਗ : ਭਾਰਤ ਦੀ ਅਨੁਪਮਾ ਉਪਾਧਿਆਏ ਬਣੀ ਜੂਨੀਅਰ ਨੰਬਰ ਇੱਕ ਖਿਡਾਰਨ

ਨਵੀਂ ਦਿੱਲੀ- ਯੁਵਾ ਬੈਡਮਿੰਟਨ ਖਿਡਾਰਨ ਅਨੁਪਮਾ ਉਪਾਧਿਆਏ ਬੈਡਮਿੰਟਨ ਵਿਸ਼ਵ ਫੈਡਰੇਸ਼ਨ (ਬੀ. ਡਬਲਿਊ. ਐਫ.) ਦੀ ਤਾਜ਼ਾ ਜੂਨੀਅਰ ਰੈਂਕਿੰਗ ਵਿੱਚ ਸਿਖਰ ’ਤੇ ਰਹਿ ਕੇ ਲੜਕੀਆਂ ਦੀ ਅੰਡਰ-19 ਸਿੰਗਲਜ਼ ਰੈਂਕਿੰਗ ਵਿੱਚ ਨੰਬਰ ਇੱਕ ਬਣਨ ਵਾਲੀ ਦੂਜੀ ਭਾਰਤੀ ਬਣ ਗਈ ਹੈ। ਪੰਚਕੂਲਾ ਦੀ 17 ਸਾਲਾ ਅਨੁਪਮਾ, ਜਿਸ ਨੇ ਇਸ ਸਾਲ ਯੂਗਾਂਡਾ ਅਤੇ ਪੋਲੈਂਡ ਵਿੱਚ ਅੰਤਰਰਾਸ਼ਟਰੀ ਖਿਤਾਬ ਜਿੱਤੇ ਸਨ, ਨੇ ਮੰਗਲਵਾਰ ਨੂੰ ਆਪਣੇ ਸਾਥੀ ਭਾਰਤੀ ਤਸਨੀਮ ਮੀਰ ਨੂੰ ਚੋਟੀ ਦੀ ਰੈਂਕਿੰਗ ਤੋਂ ਪਛਾੜ ਦਿੱਤਾ।

ਇਹ ਵੀ ਪੜ੍ਹੋ : Asia Cup 2022 : ਪਾਕਿ ਦੀ ਹਾਰ 'ਤੇ ਟਿਕੀ ਭਾਰਤ ਦੀ ਕਿਸਮਤ, ਜਾਣੋ ਕਿਵੇਂ ਫਾਈਨਲ 'ਚ ਪੁੱਜ ਸਕਦੀ ਹੈ ਟੀਮ ਇੰਡੀਆ

ਅਨੁਪਮਾ 18 ਟੂਰਨਾਮੈਂਟਾਂ 'ਚ 18.060 ਅੰਕਾਂ ਨਾਲ ਦੋ ਸਥਾਨਾਂ ਨਾਲ ਚੋਟੀ 'ਤੇ ਰਹੀ। ਉਹ ਜੂਨੀਅਰ ਰੈਂਕਿੰਗ ਵਿੱਚ ਸਿਖਰਲੇ 10 ਵਿੱਚ ਸ਼ਾਮਲ 4 ਭਾਰਤੀ ਕੁੜੀਆਂ ਵਿੱਚੋਂ ਇੱਕ ਹੈ। ਸਿਖਰਲੀਆਂ 10 ਵਿੱਚ ਹੋਰ 3 ਭਾਰਤੀ ਕੁੜੀਆਂ ਤਸਨੀਮ (ਦੂਜੇ) ਅਤੇ 14 ਸਾਲਾਂ ਦੀਆਂ 2 ਖਿਡਾਰਨਾਂ ਅਨਵੇਸ਼ਾ ਗੌੜਾ (ਛੇਵੇਂ) ਅਤੇ ਉੱਨਤੀ ਹੁੱਡਾ (ਨੌਵੇਂ) ਹਨ। ਲੜਕਿਆਂ ਦੇ ਸਿੰਗਲਜ਼ ਵਰਗ ਵਿੱਚ ਆਦਿਤਿਆ ਜੋਸ਼ੀ (2014), ਸਿਰਿਲ ਵਰਮਾ (2016), ਲਕਸ਼ੈ ਸੇਨ (2017) ਵਿਸ਼ਵ ਰੈਂਕਿੰਗ ਵਿੱਚ ਸਿਖਰ ’ਤੇ ਰਹਿ ਚੁੱਕੇ ਹਨ ਜਦੋਂਕਿ 18 ਸਾਲਾ ਸ਼ੰਕਰ ਮੁਥੁਸਾਮੀ ਸੁਬਰਾਮਨੀਅਨ ਨੇ ਪਿਛਲੇ ਸਾਲ ਨੰਬਰ ਇੱਕ ਰੈਂਕਿੰਗ ਹਾਸਲ ਕੀਤੀ ਸੀ।

ਇਹ ਵੀ ਪੜ੍ਹੋ : ਓਮਾਨ 'ਚ ਬੰਦੀ ਬਣਾ ਕੇ ਰੱਖੀ ਬਠਿੰਡਾ ਦੀ ਕੁੜੀ ਨੂੰ ਛੁਡਾਉਣ ਲਈ ਅੱਗੇ ਆਏ ਰਾਜ ਸਭਾ ਮੈਂਬਰ ਹਰਭਜਨ ਸਿੰਘ

ਅਨੁਪਮਾ ਨੇ ਹਾਲ ਹੀ ਵਿੱਚ ਸੀਨੀਅਰ ਮਹਿਲਾ ਵਰਗ ਵਿੱਚ ਸਿਖਰਲੇ 100 ਵਿੱਚ ਥਾਂ ਬਣਾਈ ਹੈ ਅਤੇ ਮੌਜੂਦਾ ਸਮੇਂ ਵਿੱਚ ਉਹ ਵਿਸ਼ਵ ਵਿੱਚ 63ਵੇਂ ਸਥਾਨ ਉੱਤੇ ਹੈ। ਅਨੁਪਮਾ ਨੇ ਜਨਵਰੀ ਵਿੱਚ ਸਈਅਦ ਮੋਦੀ ਇੰਟਰਨੈਸ਼ਨਲ ਸੁਪਰ 300 ਟੂਰਨਾਮੈਂਟ ਦੇ ਸੈਮੀਫਾਈਨਲ ਵਿੱਚ ਥਾਂ ਬਣਾਈ ਅਤੇ ਫਿਰ ਓਰਲੀਨਜ਼ ਓਪਨ ਸੁਪਰ 100 ਟੂਰਨਾਮੈਂਟ ਦੇ ਕੁਆਰਟਰ ਫਾਈਨਲ ਵਿੱਚ ਵੀ ਪਹੁੰਚਣ ਵਿੱਚ ਕਾਮਯਾਬ ਰਹੀ। ਫਿਲਹਾਲ ਉਹ 17 ਤੋਂ 31 ਅਕਤੂਬਰ ਤੱਕ ਸਪੇਨ ਦੇ ਸੈਂਟੈਂਡਰ 'ਚ ਹੋਣ ਵਾਲੀ ਜੂਨੀਅਰ ਵਿਸ਼ਵ ਚੈਂਪੀਅਨਸ਼ਿਪ ਦੀ ਤਿਆਰੀ ਕਰ ਰਹੀ ਹੈ।

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।