ਬ੍ਰਿਟਿਸ਼ ਟੈਨਿਸ ਖਿਡਾਰਨ ਜੋਹਾਨਾ ਕੋਂਟਾ ਦਾ 30 ਸਾਲ ਦੀ ਉਮਰ ''ਚ ਸੰਨਿਆਸ

ਨਵੀਂ ਦਿੱਲੀ- ਸਾਬਕਾ ਬ੍ਰਿਟਿਸ਼ ਨੰਬਰ-1 ਜੋਹਾਨਾ ਕੋਂਟਾ ਨੇ ਪੇਸ਼ੇਵਰ ਟੈਨਿਸ ਤੋਂ ਤੁਰੰਤ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਹੈ। 30 ਸਾਲਾ ਕੋਂਟਾ ਪਿਛਲੇ 2 ਦਹਾਕਿਆਂ ਦੀ ਸਭ ਤੋਂ ਸਫਲ ਬ੍ਰਿਟਿਸ਼ ਮਹਿਲਾ ਖਿਡਾਰੀ ਹੈ, ਜਿਨ੍ਹਾਂ ਨੇ 2017 'ਚ 3 ਗ੍ਰੈਂਡ ਸਲੈਮ ਸੈਮੀਫਾਈਨਲ 'ਚ ਕਰੀਅਰ ਦੀ ਉੱਚ ਰੈਂਕਿੰਗ ਨੰਬਰ-4 'ਤੇ ਪਹੁੰਚ ਗਈ ਸੀ। ਉਨ੍ਹਾਂ ਨੇ 2017 ਵਿਚ ਮਿਆਮੀ ਓਪਨ ਜਿੱਤਿਆ ਸੀ। ਇਸ ਸਾਲ ਦੀ ਸ਼ੁਰੂਆਤ ਵਿਚ ਉਨ੍ਹਾਂ ਨੇ ਨਾਟਿੰਘਮ ਵਿਚ ਆਪਣਾ ਡਬਲਯੂ. ਟੀ. ਸੀ. ਕਰੀਅਰ ਦਾ ਚੌਥਾ ਖਿਤਾਬ ਜਿੱਤਿਆ। ਕੋਂਟਾ ਨੇ ਸੋਸ਼ਲ ਮੀਡੀਆ 'ਤੇ ਲਿਖਿਆ- ਸ਼ੁਕਰਗੁਜ਼ਾਰ, ਇਹ ਉਹ ਸ਼ਬਦ ਹੈ ਜਿਸਦਾ ਮੈਂ ਸ਼ਾਇਦ ਆਪਣੇ ਕਰੀਅਰ ਦੇ ਦੌਰਾਨ ਸਭ ਤੋਂ ਵੱਧ ਵਰਤਿਆ ਹੈ ਤੇ ਇਹ ਉਹ ਸ਼ਬਦ ਹੈ ਜੋ ਮੈਨੂੰ ਲੱਗਦਾ ਹੈ ਕਿ ਹੁਣ ਅੰਤ ਵਿਚ ਸਭ ਤੋਂ ਵਧੀਆ ਹੈ। ਮੇਰਾ ਖੇਡ ਕਰੀਅਰ ਖਤਮ ਹੋ ਗਿਆ ਹੈ ਤੇ ਮੈਂ ਬਹੁਤ ਸ਼ੁਕਰਗੁਜ਼ਾਰ ਹਾਂ।

ਇਹ ਖਬਰ ਪੜ੍ਹੋ- ਅਸੀਂ ਚਾਹੁੰਦੇ ਹਾਂ ਕਿ ਰਾਹੁਲ ਟੀਮ ’ਚ ਰਹੇ : ਪੰਜਾਬ ਕਿੰਗਜ਼

ਦੱਸ ਦੇਈਏ ਕਿ ਕੋਂਟਾ ਦਾ ਜਨਮ ਸਿਡਨੀ, ਆਸਟਰੇਲੀਆ ਵਿਚ ਹੋਇਆ ਸੀ। ਉਨ੍ਹਾਂ ਦੇ ਹੰਗੇਰੀਅਨ ਮਾਤਾ-ਪਿਤਾ ਜਦੋਂ ਕੋਂਟਾ 14 ਸਾਲ ਦੀ ਸੀ ਤਾਂ ਗ੍ਰੇਟ ਬ੍ਰਿਟੇਨ ਚੱਲ ਗਏ ਸਨ। ਕੋਂਟਾ ਨੇ ਆਈ. ਟੀ. ਐੱਫ. ਸਰਕਟ 'ਤੇ ਪੇਸ਼ੇਵਰ ਟੈਨਿਸ ਦੇ ਹੇਠਲੇ ਪੱਧਰ ਨੂੰ ਪਾਰ ਕਰਦੇ ਹੋਏ ਕਰੀਅਰ ਨੂੰ ਚੋਟੀ 100 ਤੋਂ ਜਗ੍ਹਾ ਬਣਾਈ ਸੀ।

ਇਹ ਖਬਰ ਪੜ੍ਹੋ- ਗਲੇਜਰ ਸਮੂਹ ਨੇ UAE ਟੀ20 ਲੀਗ ’ਚ ਟੀਮ ਖਰੀਦਣ ਦੀ ਕੀਤੀ ਪੁਸ਼ਟੀ

ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।