ਭਗਤੀ ਕੁਲਕਰਨੀ ਦਾ ਰਾਸ਼ਟਰੀ ਸ਼ਤਰੰਜ ਖਿਤਾਬ ਜਿੱਤਣਾ ਤੈਅ

ਕਰਾਈਕੁਡੀ- ਸਾਬਕਾ ਚੈਂਪੀਅਨ ਏਅਰ ਇੰਡੀਆ ਦੀ ਭਗਤੀ ਕੁਲਕਰਨੀ ਨੇ 46ਵੀਂ ਰਾਸ਼ਟਰੀ ਮਹਿਲਾ ਸ਼ਤਰੰਜ ਚੈਂਪੀਅਨਸ਼ਿਪ ਦੇ ਦਸਵੇਂ ਦੌਰ ਵਿਚ ਤਾਮਿਲਨਾਡੂ ਦੀ ਕੇ. ਪ੍ਰਿਯੰਕਾ ਨੂੰ ਹਰਾ ਕੇ ਇਕ ਦੌਰ ਬਾਕੀ ਰਹਿੰਦਿਆਂ ਖਿਤਾਬ ਆਪਣੇ ਨਾਂ ਕਰ ਲਿਆ। ਮਹਿਲਾ ਗ੍ਰੈਂਡ ਮਾਸਟਰ ਭਗਤੀ ਨੇ 69 ਚਾਲਾਂ ਵਿਚ ਜਿੱਤ ਦਰਜ ਕੀਤੀ। ਇਸ ਨਾਲ ਉਸ ਦੇ ਕੋਲ 10 ਵਿਚੋਂ ਸਾਢੇ 9 ਅੰਕ ਹੋ ਗਏ ਹਨ। ਉਸ ਦੀ ਨੇੜਲੀ ਵਿਰੋਧੀ ਦਿੱਲੀ ਦੀ ਵੰਤਿਕਾ ਅਗਰਵਾਲ ਉਸ ਤੋਂ ਡੇਢ ਅੰਕ ਪਿੱਛੇ ਹੈ।  ਵੰਤਿਕਾ 8 ਅੰਕ ਲੈ ਕੇ ਦੂਜੇ ਸਥਾਨ 'ਤੇ ਹੈ, ਜਿਸ ਨੇ 3 ਵਾਰ ਦੀ ਰਾਸ਼ਟਰੀ ਚੈਂਪੀਅਨ ਮੈਰੀ ਐੱਨ. ਗੋਮਸ ਨੂੰ ਹਰਾਇਆ।  ਮਹਾਰਾਸ਼ਟਰ ਦੀ ਮੁਦੂਲ ਦੇਹਾਨਕਰ ਨੇ 6 ਵਾਰ ਦੀ ਚੈਂਪੀਅਨ ਐੱਸ. ਵਿਜੇ ਲਕਸ਼ਮੀ ਨੂੰ ਹਰਾ ਕੇ ਮਹਿਲਾ ਕੌਮਾਂਤਰੀ ਨਾਰਮ ਹਾਸਲ ਕੀਤਾ।