ਬੰਗਲਾਦੇਸ਼ ਨੇ ਮਹਿਲਾ ਟੀ20 ਵਿਸ਼ਵ ਕੱਪ 2024 ਲਈ ਟੀਮ ਦਾ ਕੀਤਾ ਐਲਾਨ

ਢਾਕਾ : ਸੰਯੁਕਤ ਅਰਬ ਅਮੀਰਾਤ ਵਿੱਚ ਆਈਸੀਸੀ ਮਹਿਲਾ ਟੀ20 ਵਿਸ਼ਵ ਕੱਪ 2024 ਲਈ ਬੰਗਲਾਦੇਸ਼ ਨੇ ਆਪਣੀ ਟੀਮ ਦਾ ਐਲਾਨ ਕਰ ਦਿੱਤਾ ਹੈ ਅਤੇ ਨਿਗਾਰ ਸੁਲਤਾਨਾ ਜੋਟੀ ਨੂੰ ਕਪਤਾਨੀ ਸੌਂਪੀ ਗਈ ਹੈ। ਜੋਟੀ ਸਪਿਨ ਗੇਂਦਬਾਜ਼ੀ ਦੇ ਵਿਕਲਪਾਂ ਨਾਲ ਭਰਪੂਰ ਟੀਮ ਦੀ ਅਗਵਾਈ ਕਰੇਗੀ ਜਿਸ ਵਿੱਚ ਉਨ੍ਹਾਂ ਦੇ 15 ਖਿਡਾਰੀਆਂ ਦੀ ਟੀਮ ਵਿੱਚ ਕਈ ਖੱਬੇ ਅਤੇ ਸੱਜੇ ਹੱਥ ਨਾਲ ਖੇਡਣ ਵਾਲੇ ਖਿਡਾਰੀ, ਨਾਲ ਨਾਲ ਆਫ਼-ਬ੍ਰੇਕ ਅਤੇ ਲੈੱਗ-ਬ੍ਰੇਕ ਵਾਲੇ ਸਪਿਨਰ ਸ਼ਾਮਿਲ ਹਨ।
ਨਾਹਿਦਾ ਅਖ਼ਤਰ, ਸ਼ੋਰਨਾ ਅਖ਼ਤਰ, ਰਾਬੇਆ, ਸੁਲਤਾਨਾ ਖਾਤੂਨ ਅਤੇ ਫਹੀਮਾ ਖਾਤੂਨ ਟੀਮ ਵਿੱਚ ਸਪਿਨ ਗੇਂਦਬਾਜ਼ੀ ਦੀ ਮੁੱਖ ਸ਼ਕਤੀ ਹਨ। ਦੂਜੇ ਪਾਸੇ, ਯੁਵਾ ਮਾਰੂਫ਼ਾ ਅਖ਼ਤਰ, ਜਹਾਂਆਰਾ ਆਲਮ, ਰਿਤੂ ਮੋਨੀ ਅਤੇ ਸੋਭਨਾ ਮੋਸਟਰੀ ਤੇਜ਼ ਗੇਂਦਬਾਜ਼ੀ ਦੀ ਜ਼ਿੰਮੇਵਾਰੀ ਸੰਭਾਲਣਗੇ। ਆਈਸੀਸੀ ਦੀ ਇੱਕ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਬੰਗਲਾਦੇਸ਼ ਮਹਿਲਾ ਟੀ20 ਵਿਸ਼ਵ ਕੱਪ 2024 ਦੇ ਗਰੁੱਪ ਬੀ ਦਾ ਹਿੱਸਾ ਹੈ, ਜਿਸ ਵਿੱਚ ਇੰਗਲੈਂਡ, ਦੱਖਣੀ ਅਫ਼ਰੀਕਾ, ਵੈਸਟਇੰਡਜ਼ ਅਤੇ ਸਕਾਟਲੈਂਡ ਟੀਮਾਂ ਸ਼ਾਮਿਲ ਹਨ।
ਮਹਿਲਾ ਟੀ20 ਵਿਸ਼ਵ ਕੱਪ ਵਿੱਚ ਬੰਗਲਾਦੇਸ਼ ਦਾ ਸਭ ਤੋਂ ਵਧੀਆ ਪ੍ਰਦਰਸ਼ਨ 2014 ਵਿੱਚ ਆਇਆ ਸੀ, ਜਦੋਂ ਉਨ੍ਹਾਂ ਨੇ ਆਇਰਲੈਂਡ ਅਤੇ ਸ਼੍ਰੀਲੰਕਾ ਖਿਲਾਫ਼ ਜਿੱਤ ਹਾਸਲ ਕੀਤੀ ਸੀ। ਇਸ ਸਾਲ ਦੇ ਟੂਰਨਾਮੈਂਟ ਵਿੱਚ ਉਨ੍ਹਾਂ ਦਾ ਪਹਿਲਾ ਮੈਚ 3 ਅਕਤੂਬਰ ਨੂੰ ਸ਼ਾਰਜਾਹ ਵਿੱਚ ਸਕਾਟਲੈਂਡ ਵਿਰੁੱਧ ਹੋਵੇਗਾ, ਜੋ ਕਿ ਟੂਰਨਾਮੈਂਟ ਦਾ ਉਦਘਾਟਨ ਮੈਚ ਵੀ ਹੋਵੇਗਾ।
ਮਹਿਲਾ ਟੀ20 ਵਿਸ਼ਵ ਕੱਪ ਲਈ ਬੰਗਲਾਦੇਸ਼ ਦੀ ਟੀਮ:
ਨਿਗਾਰ ਸੁਲਤਾਨਾ ਜੋਟੀ (ਕਪਤਾਨ), ਨਾਹਿਦਾ ਅਖ਼ਤਰ, ਮੁਰਸ਼ਿਦਾ ਖਾਤੂਨ, ਸ਼ੋਰਨਾ ਅਖ਼ਤਰ, ਮਾਰੂਫ਼ਾ ਅਖ਼ਤਰ, ਰਾਬੇਆ, ਰਿਤੂ ਮੋਨੀ, ਸੋਭਨਾ ਮੋਸਟਰੀ, ਦਿਲਾਰਾ ਅਖ਼ਤਰ (ਵਿਕਟਕੀਪਰ), ਸੁਲਤਾਨਾ ਖਾਤੂਨ, ਜਹਾਂਆਰਾ ਆਲਮ, ਫਾਹਿਮਾ ਖਾਤੂਨ, ਤਾਜ ਨੇਹਰ, ਦਿਸ਼ਾ ਬਿਸਵਾਸ, ਸ਼ਾਤੀ ਰਾਨੀ।