ਵਰਲਡ ਕੱਪ ਦੇ ਇਤਿਹਾਸ 'ਚ ਬੰਗਾਲਦੇਸ਼ ਤੋਂ ਨਹੀਂ ਜਿੱਤ ਸਕਿਆ ਅਫਗਾਨਿਸਤਾਨ

ਸਪੋਰਟਸ ਡੈਸਕ— ਵਰਲਡ ਕੱਪ 2019 ਦੇ 31ਵੇਂ ਮੁਕਾਬਲੇ 'ਚ ਸੋਮਵਾਰ ਨੂੰ ਬੰਗਲਾਦੇਸ਼ ਦਾ ਮੁਕਾਬਲਾ ਅਫਗਾਨਿਸਤਾਨ ਨਾਲ ਸਾਊਥੰਪਟਨ 'ਚ ਹੋਵੇਗਾ। ਦੋਵੇਂ ਟੀਮਾਂ ਵਰਲਡ ਕੱਪ ਦੇ ਇਤਿਹਾਸ 'ਚ ਦੂਜੀ ਵਾਰ ਆਹਮੋ-ਸਾਹਮਣੇ ਹੋਣਗੀਆਂ। ਪਿਛਲੀ ਵਾਰ ਬੰਗਲਾਦੇਸ਼ ਨੇ ਅਫਗਾਨਿਸਤਾਨ ਨੂੰ ਕੈਨਬਰਾ 'ਚ 105 ਦੌੜਾਂ ਨਾਲ ਹਰਾਇਆ ਸੀ। ਉਸ ਮੁਕਾਬਲੇ 'ਚ ਬੰਗਲਾਦੇਸ਼ ਨੇ ਪਹਿਲਾਂ 267 ਦੌੜਾਂ ਬਣਾਈਆਂ ਸਨ। ਅਫਗਾਨਿਸਤਾਨ ਦੀ ਟੀਮ 162 ਦੌੜਾਂ ਹੀ ਬਣਾ ਸਕੀ ਸੀ। ਅਫਗਾਨ ਟੀਮ 4 ਸਾਲ ਬਾਅਦ ਹਿਸਾਬ ਚੁਕਤਾ ਕਰਨਾ ਚਾਹੇਗੀ।

ਸਕੋਰ ਬੋਰਡ 'ਚ ਬੰਗਲਾਦੇਸ਼ ਦੀ ਟੀਮ ਛੇਵੇਂ ਸਥਾਨ 'ਤੇ ਹੈ। ਉਸ ਦੇ 6 ਮੈਚ 'ਚ 5 ਅੰਕ ਹਨ। ਉਸ ਨੇ ਦੋ ਮੁਕਾਬਲੇ ਜਿੱਤੇ ਹਨ ਅਤੇ 3 'ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਕ ਮੈਚ ਮੀਂਹ ਕਾਰਨ ਰੱਦ ਹੋ ਗਿਆ ਸੀ। ਬੰਗਲਾਦੇਸ਼ ਨੂੰ ਸੈਮੀਫਾਈਨਲ 'ਚ ਪਹੁੰਚਣ ਦੀਆਂ ਆਪਣੀਆਂ ਉਮੀਦਾਂ ਨੂੰ ਜ਼ਿੰਦਾ ਰਖਣ ਲਈ ਇਹ ਮੈਚ ਜਿੱਤਣਾ ਹੋਵੇਗਾ। ਜਦਕਿ ਅਫਗਾਨਿਸਤਾਨ ਦੀ ਟੀਮ 6 ਮੈਚ 'ਚ ਇਕ ਵੀ ਨਹੀਂ ਜਿੱਤੀ। ਉਹ ਸਕੋਰ ਬੋਰਡ 'ਚ ਦਸਵੇਂ ਸਥਾਨ 'ਤੇ ਹੈ।

ਬੰਗਲਾਦੇਸ਼ ਅਤੇ ਅਫਗਾਨਿਸਤਾਨ ਵਿਚਾਲੇ ਮੈਚਾਂ ਦੇ ਦਿਲਚਸਪ ਅੰਕੜੇ
1. ਅਫਗਾਨਿਸਤਾਨ ਖਿਲਾਫ ਬੰਗਲਾਦੇਸ਼ ਦਾ ਸਕਸੈਸ ਰੇਟ 57 ਫੀਸਦੀ ਹੈ।
2. ਦੋਹਾਂ ਦੇਸ਼ਾਂ ਵਿਚਾਲੇ ਕੁਲ 7 ਮੈਚ ਖੇਡੇ ਗਏ ਹਨ। ਇਨ੍ਹਾਂ 7 ਮੈਚਾਂ 'ਚੋਂ 4 ਮੈਚ ਬੰਗਲਾਦੇਸ਼ ਅਤੇ 3 ਮੈਚ ਅਫਗਾਨਿਸਤਾਨ ਨੇ ਜਿੱਤੇ ਹਨ।
3. ਵਰਲਡ ਕੱਪ 'ਚ ਬੰਗਲਾਦੇਸ਼ ਅਤੇ ਅਫਗਾਨਿਸਤਾਨ ਵਿਚਾਲੇ 1 ਮੈਚ ਖੇਡਿਆ ਗਿਆ ਹੈ। ਇਸ ਮੈਚ 'ਚ ਬੰਗਲਾਦੇਸ਼ ਨੇ ਜਿੱਤ ਹਾਸਲ ਕੀਤੀ ਹੈ। 
4. ਦੋਹਾਂ ਟੀਮ ਵਿਚਾਲੇ ਏਸ਼ੀਆ ਕੱਪ 2018 'ਚ ਹੋਏ ਪਿਛਲੇ ਮੁਕਾਬਲੇ 'ਚ ਬੰਗਲਾਦੇਸ਼ ਜਿੱਤਿਆ ਸੀ।
5. ਦੋਹਾਂ ਟੀਮਾਂ ਵਿਚਾਲੇ 2014 'ਚ ਹੋਏ ਪਹਿਲੇ ਮੁਕਾਬਲੇ 'ਚ ਅਫਗਾਨਿਸਤਾਨ ਦੀ ਟੀਮ ਜਿੱਤੀ ਸੀ।

ਅੱਜ ਦੇ ਮੈਚ ਨੂੰ ਪ੍ਰਭਾਵਿਤ ਕਰਨ ਵਾਲੇ 2 ਪ੍ਰਮੁੱਖ ਫੈਕਟਰ
1. ਪਿੱਚ ਦੀ ਸਥਿਤੀ : ਇਸ ਮੈਦਾਨ 'ਤੇ ਸਪਿਨਰਸ ਨੁੰ ਮਦਦ ਮਿਲ ਸਕਦੀ ਹੈ। ਟਾਸ ਜਿੱਤਣ ਵਾਲੀ ਟੀਮ ਪਹਿਲਾਂ ਗੇਂਦਬਾਜ਼ੀ ਕਰਨਾ ਚਾਹੇਗੀ। 
2.  ਮੌਸਮ ਦਾ ਮਿਜਾਜ਼ : ਸਾਊਥੰਪਟਨ 'ਚ ਸੋਮਵਾਰ ਨੂੰ ਬੱਦਲ ਛਾਏ ਰਹਿਣ ਦੀ ਸੰਭਾਵਨਾ ਹੈ ਜਿਸ ਕਾਰਨ ਮੀਂਹ ਪੈ ਸਕਦਾ ਹੈ। ਤਾਪਮਾਨ 20 ਡਿਗਰੀ ਸੈਲਸੀਅਸ ਦੇ ਆਸਪਾਸ ਰਹੇਗਾ।